Kɛ́nsísɔ́ 26:64 - MAWUXÓWÉMA

⁶⁴ Izlayɛ́li ví e sín kɛ́n Mɔyízi kpó vɔ̌sánú-xwlémawutɔ́ Aalɔ́ɔn kpó sɔ́ ɖo gbětótló Sinayíi tɔn ɔ́ mɛ lɛ́ɛ ɖěbǔ ɖo Izlayɛ́li ví énɛ́ lɛ́ɛ mɛ ǎ.

Kɛ́nsísɔ́ 26:64 Iomraidhean Croise

Kɛ́nsísɔ́ 14:29

Mi bǐ wɛ ná kú ɖo gbětótló mɛ fí. Mi mɛ e è ko yí nyǐkɔ mitɔn, bó kó sɔ́ kɛ́n mitɔn, bɛ́ sín mɛ e ɖó xwe ko lɛ́ɛ jí, sɔ́ yi mɛ e ɖó hú mɔ̌ lɛ́ɛ jí ɔ́, mi bǐ wɛ ná kú, ɖó mi hlún nǔ ɖɔ dó wǔ ce.

Kɛ́nsísɔ́ 14:32

Midɛɛ lɛ́ɛ ɔ́, mi ná kú ɖo gbětótló mɛ.

Kɛ́nsísɔ́ 26:63

Hwenu e Mɔyízi kpó vɔ̌sánú-xwlémawutɔ́ Eleazáa kpó sɔ́ Izlayɛ́li ví lɛ́ɛ sín kɛ́n ɖo ayǐkúngban wɛnjɛ Mɔwabu tɔn lɛ́ɛ jí, ɖo Judɛ́ɛn tɔ ɔ́ kpá, ɖo Jeliko nukɔn ɔ́, Izlayɛ́li ví nabí e sín kɛ́n è sɔ́ lɛ́ɛ nɛ́.

Kɛ́nsísɔ́ 27:3

“Tɔ́ mǐtɔn kó kú ɖo gbětótló mɛ. É ka ɖo yě mɛ é kpó Kolée kpó fɔ́n gǔ dó Mawu Mavɔmavɔ jí lɛ́ɛ mɛ ǎ. Lo ɔ́, hwɛ e é ɖésúnɔ hu lɛ́ɛ wú wɛ é kú; é ká ɖó vǐ súnnu ɖé có bó kú ǎ.

1 Kɔlɛ́ntinu 10:5

É ka ɖo mɔ̌ có, mɛ wɔ̌buwɔ́bú ɖo yě mɛ, bɔ nǔwiwa yětɔn nyɔ́ Mawu nukún mɛ ǎ; énɛ́ ɔ́ wú wɛ yě kú ɖo gbětótló mɛ.

Eblée 3:17

Mɛ̌ e mɛ̌ e Mawu ka sin xomɛ dó káká nú xwe kanɖé? Mɛ e hu hwɛ, bó j'ayǐ bó kú ɖo gbětótló mɛ lɛ́ɛ wɛ.

Jozuwée 5:4

Nǔ e wú Jozuwée gbo ada nú Izlayɛ́li ví lɛ́ɛ ɔ́ ɖíe: ée togun ɔ́ tɔ́n sín Ejípu ɔ́, súnnu lɛ́ɛ, súnnu e ko su ahwan yi lɛ́ɛ bǐ kú ɖo gbětótló mɛ ɖo alixo.