Kɛ́nsísɔ́ 26:55 - MAWUXÓWÉMA

⁵⁵ Lo ɔ́, akɔ wɛ è nǎ nyi dó má to ɔ́; è nǎ kpɔ́n lě e gbɛtɔ́ sukpɔ́ ɖo akɔta ɖokpó ɖokpó mɛ gbɔn ɔ́ bó dó nyi akɔ ɔ́.

Kɛ́nsísɔ́ 26:55 Iomraidhean Croise

Nǔnywɛ́xó 16:33

È nɔ kan nǔ, bó ná tunwun nǔ e ná wá jɛ lɛ́ɛ; lo ɔ́, Mawu Mavɔmavɔ kɛ́ɖɛ́ wɛ tunwun lě e nǔ ná cí gbɔn é.

Nǔnywɛ́xó 18:18

Akɔ wɛ è nɔ nyi bó nɔ́ ɖó nǔdindɔn te; gbɛtɔ́ nukúnɖéjí lɛ́ɛ ná bó ɖo nǔ dɔn wɛ ɔ́, akɔ wɛ è nɔ nyi bó nɔ́ gbo xó nú yě.

Ezekiyɛ́li 47:22

Akɔ wɛ mi ná nyi dó má ayǐkúngban lɛ́ɛ, bɔ mɛ ɖokpó ɖokpó ná tunwun tɛnmɛ e nyí étɔn é; mi ma ka wɔn jǒnɔ e ɖo tɛ́ntin mitɔn, bó ji vǐ dó to ɔ́ mɛ lɛ́ɛ ó. Mɛ énɛ́ lɛ́ɛ ɔ́, Izlayɛ́li ví ɖɔhun wɛ è nǎ hɛn yě; mi ná hɛn yě togun ɔ́ sín vǐ ɖɔhun, bɔ ayǐkúngban e ná nyí yětɔn ɔ́, mi ná ná yě.

Kɛ́nsísɔ́ 26:56

Akɔ wɛ è nǎ nyi bó ná ná ayǐkúngban e jɛ xá akɔta e mɛ gbɛtɔ́ sukpɔ́ ɖe lɛ́ɛ kpó akɔta e mɛ gbɛtɔ́ má sukpɔ́ ɖe ǎ é kpó.”

Kɛ́nsísɔ́ 33:54

Mi ná nyi akɔ dó to ɔ́, bó ná má nú hɛ̌nnu mitɔn lɛ́ɛ ɖokpó ɖokpó. Hɛ̌nnu e mɛ gbɛtɔ́ sukpɔ́ ɖe lɛ́ɛ ná yí ayǐkúngban bɔ é ná gbló hú hɛ̌nnu e mɛ gbɛtɔ́ má sukpɔ́ ɖe ǎ lɛ́ɛ. Mɛ ɖokpó ɖokpó ɖó ná yí ayǐkúngban e è nǎ nyi akɔ bo ná ná ɛ é. Mi ná yí ayǐkúngban ɔ́, bɔ é ná nyí mitɔn, lě e tɔ́ mitɔn lɛ́ɛ sín akɔta lɛ́ɛ ɖe gbɔn é.

Kɛ́nsísɔ́ 34:13

Mɔyízi ɖɔ xó énɛ́ e Mawu Mavɔmavɔ ɖɔ ɔ́ nú Izlayɛ́li ví lɛ́ɛ. Énɛ́ gúdo ɔ́, é ɖɔ nú yě ɖɔ: “To e mi ná nyi akɔ bo má ɔ́ nɛ́. Mawu Mavɔmavɔ wɛ ná akɔta tɛ́nnɛ adaɖé lɛ́ɛ.

Kɛ́nsísɔ́ 36:2

bó ɖɔ nú yě ɖɔ: “Gǎn mǐtɔn Mɔyízi, hwenu e Mawu Mavɔmavɔ ɖɔ hwi ní nyi akɔ bo má to ɔ́ nú Izlayɛ́li ví lɛ́ɛ ɔ́, é lɛ́ ɖɔ hwi ní má nɔví mǐtɔn Selofɛxádi sín ayǐkúngban lɛ́ɛ nú vǐ tɔn nyɔ̌nu lɛ́ɛ.

Mɛsɛ́dó 1:26

Ée yě ɖɔ mɔ̌ ɔ́, yě nyi akɔ, bó sɔ́ Matyasi, bɔ é gɔ́ nú mɛsɛ́dó wǒ-ɖokpó lɛ́ɛ.

Kolósinu 1:12

Mi dó kú nú Mawu Tɔ́ ɔ́ kpódó awǎjijɛ kpán, ɖó é bló bɔ mi lɔ ɖó mǐmá ɖo ɖagbe e é sɔ́ ɖ'ayǐ ɖo axɔ́súɖuto wězizanɔ ɔ́ mɛ, nú mɛ e nyí étɔn lɛ́ɛ é mɛ.

Jozuwée 11:23

Lě e Jozuwée yí to ɔ́ bǐ gbɔn ɔ́ nɛ́, bɔ é sɔgbe xá lě e Mawu Mavɔmavɔ kó ɖɔ gbɔn nú Mɔyízi ɖ'ayǐ é. Énɛ́ ɔ́ gúdo ɔ́, é má to ɔ́ nú Izlayɛ́li ví lɛ́ɛ. É má nú akɔta ɖokpó ɖokpó. Énɛ́ ɔ́, to ɔ́ gbɔjɛ́, bó sɔ́ fun ahwan ɖě ǎ.

Jozuwée 14:2

È nyi akɔ dó ayǐkúngban e ɖo to ɔ́ mɛ ɔ́ bó má nú akɔta tɛ́nnɛ lɛ́ɛ, kpódó akɔta vlɔ́ Manasée tɔn kpó, lě e Mawu Mavɔmavɔ kó ɖɔ gbɔn nú Mɔyízi ɖ'ayǐ é.

Jozuwée 17:14

Jozɛ́fu ví lɛ́ɛ wá ɖɔ nú Jozuwée ɖɔ: “Étɛ́wú wɛ a nǎ ayǐkúngban ta ɖokpó géé mǐ mɛ e jí Mawu Mavɔmavɔ dó acɛ, bɔ mǐ sukpɔ́ sɔ mɔ̌ lɛ́ɛ?”

Jozuwée 18:6

Hǔn mi bo ɖó ayǐkúngban ta tɛ́nwe énɛ́ lɛ́ɛ sín jlɛ̌, bó wá zé xlɛ́ mì. Énɛ́ ɔ́, un ná nyi akɔ dó bó ná ɖe akpáxwé e nyí akɔta mi mɛ ɖokpó ɖokpó tɔn ɔ́, ɖo Mawu Mavɔmavɔ, Mawu mǐtɔn nukɔn.

Jozuwée 19:1

Ayǐkúngban wegɔ́ ɔ́ e è nyi akɔ dó ɔ́, akɔta Sinmɛnyɔ́ɔ tɔn ɔ́ sín hɛ̌nnu lɛ́ɛ wɛ yí.

Jozuwée 19:10

Ayǐkúngban atɔngɔ́ ɔ́ e è nyi akɔ dó ɔ́, akɔta Zabulɔ́ɔn tɔn sín hɛ̌nnu lɛ́ɛ wɛ yí. Ayǐkúngban e è nǎ yě ɔ́ hun káká yi Salidu.

Jozuwée 19:17

Ayǐkúngban ɛnɛgɔ́ ɔ́ e è nyi akɔ dó ɔ́, akɔta Isakáa tɔn ɔ́ sín hɛ̌nnu lɛ́ɛ wɛ yí.

Jozuwée 19:24

Ayǐkúngban atɔ́ɔ́ngɔ́ ɔ́ e è nyi akɔ dó ɔ́, akɔta Acɛ́ɛ tɔn sín hɛ̌nnu lɛ́ɛ wɛ yí.

Jozuwée 19:32

Ayǐkúngban ayizɛ́ngɔ́ ɔ́ e è nyi akɔ dó ɔ́, akɔta Nɛfutali tɔn sín hɛ̌nnu lɛ́ɛ wɛ yí.

Jozuwée 19:40

Ayǐkúngban tɛ́nwegɔ́ ɔ́ e è nyi akɔ dó ɔ́, akɔta Dan tɔn sín hɛ̌nnu lɛ́ɛ wɛ yí.