Kɛ́nsísɔ́ 26:5 - MAWUXÓWÉMA

⁵ Akɔta Hwlibɛ́ni tɔn ɔ́ wɛ jɛ nukɔn; nukɔngbéví Jakɔ́bu tɔn wɛ é nyí. Vǐ súnnu e ɖo akɔta Hwlibɛ́ni tɔn ɔ́ mɛ lɛ́ɛ ɖíe: Hanɔki kpó vǐ tɔn lɛ́ɛ kpó; Palúu kpó vǐ tɔn lɛ́ɛ kpó;

Kɛ́nsísɔ́ 26:5 Iomraidhean Croise

Bǐbɛ́mɛ 29:32

Énɛ́ ɔ́, Lěya mɔ xo bó ji vǐ súnnu ɖokpó, bó sun nyǐ i ɖɔ Hwlibɛ́ni, Hwlibɛ́ni sín tínmɛ wɛ nyí “É mɔ”, ɖó é ɖo ɖiɖɔ wɛ ɖɔ: “Mawu Mavɔmavɔ mɔ ɖɔ è ɖe mì kpo nǔgbó. Asú ce ná yí wǎn nú mì lo.”

Bǐbɛ́mɛ 35:22

Hwenu e Izlayɛ́li kpo ɖo gbě énɛ́ ɔ́ jí ɔ́, Hwlibɛ́ni yi ɖó xó xá Biluha tɔ́ tɔn sín asi ɖokpó, bɔ tɔ́ ɔ́ se. Vǐ súnnu wěwe wɛ Jakɔ́bu ɖó.

Bǐbɛ́mɛ 35:23

Vǐ súnnu e Lěya ji n'i lɛ́ɛ ɖíe: Hwlibɛ́ni, Sinmɛnyɔ́ɔ, Levíi, Judáa, Isakáa, kpó Zabulɔ́ɔn kpó. Hwlibɛ́ni wɛ nyí nukɔngbéví Jakɔ́bu tɔn.

1 Tan 5:1

Hwlibɛ́ni wɛ nyí nukɔngbéví Izlayɛ́li tɔn. É wɛ nyí nukɔngbéví, amɔ̌, é wá ɖó xó xá tɔ́ tɔn sín asi bɔ è yǐ vǐɖaxó sín acɛ e é ɖó ɔ́ sín así tɔn, bó zé nú Jozɛ́fu ví lɛ́ɛ. Hǔn hwenu e è sɔ́ kɛ́n yětɔn ɔ́, è wlǎn ɖɔ Hwlibɛ́ni nyí vǐɖaxó ǎ.

1 Tan 5:3

Hwlibɛ́ni nukɔngbéví Izlayɛ́li tɔn ɔ́ sín vǐ lɛ́ɛ ɖíe: Hanɔki, Palúu, Ɛslɔ́ni kpódó Kaamíi kpó.

Tíntɔ́n 6:14

Izlayɛ́li ví lɛ́ɛ ɔ́, hɛ̌nnugán yětɔn lɛ́ɛ sín nyǐkɔ ɖíe: Jakɔ́bu ví nukɔntɔn Hwlibɛ́ni ɔ́, vǐ tɔn lɛ́ɛ sín nyǐkɔ ɖíe: Hanɔki, Palúu, Ɛslɔ́ni kpó Kaamíi kpó. Xwédo Hwlibɛ́ni tɔn lɛ́ɛ nɛ́.

Kɛ́nsísɔ́ 1:20

Mɔyízi kpó Aalɔ́ɔn kpó, kpódó gǎn lɛ́ɛ kpó sɔ́ Hwlibɛ́ni, nukɔngbéví Izlayɛ́li tɔn ɔ́ sín vǐ súnnu lɛ́ɛ sín kɛ́n. Yě sɔ́ hɛ̌nnu nabí e ɖo akɔta ɔ́ mɛ lɛ́ɛ sín kɛ́n, bó sɔ́ gbɛtɔ́ nabí e ɖo hɛ̌nnu ɖokpó ɖokpó mɛ lɛ́ɛ sín kɛ́n. Súnnu e kó ɖó xwe ko kpódó ée ɖó hú mɔ̌, bó kó su ahwan fun lɛ́ɛ kpó ɖokpó ɖokpó sín kɛ́n wɛ yě sɔ́.

Kɛ́nsísɔ́ 26:4

Mawu Mavɔmavɔ ɖɔ nú Mɔyízi ɖɔ è nǐ sɔ́ súnnu e kó ɖó xwe ko lɛ́ɛ kpó éé kó ɖó hú mɔ̌ lɛ́ɛ bǐ kpó sín kɛ́n. Akɔta Izlayɛ́li tɔn e gosín Ejípu lɛ́ɛ ɖíe:

Kɛ́nsísɔ́ 26:6

Ɛslɔ́ni kpó vǐ tɔn lɛ́ɛ kpó;