Kɛ́nsísɔ́ 26:10 - MAWUXÓWÉMA

¹⁰ Hwenɛ́nu ɔ́, ayǐkúngban kɛ nu bo mi yě kpó Kolée kpó. Gbe énɛ́ gbe wɛ Kolée kpó ahwan tɔn lɛ́ɛ kpó bǐ kú, bɔ súnnu afɔɖé kanɖé wǒ (250) fyɔ́ gbɛɖe gbɛɖe ɖo myɔ mɛ, bɔ énɛ́ kplɔ́n nǔ mɛ e kpo lɛ́ɛ.

Kɛ́nsísɔ́ 26:10 Iomraidhean Croise

Tíntɔ́n 16:35

Izlayɛ́li ví lɛ́ɛ ɖu mǎna xɔ xwe kanɖé (40) cóbó wá jɛ to e mɛ gbɛtɔ́ ɖe ɔ́ mɛ. Yě ɖu mǎna káká wá Kanáa to ɔ́ sín dogbó lɛ́ɛ jí.

Jelemíi 29:22

Énɛ́ ɔ́, è nǎ nɔ zé yě mɛ we lɛ́ɛ sín nyǐkɔ dó dó nu mɛ, ɖo mi Judáanu e ahwan wlí yi Babilɔ́nu lɛ́ɛ tɛ́ntin. È nǎ nɔ́ ɖɔ: Lě e Babilɔ́nu xɔ́sú ɔ́ mɛ ajotín gbeyíɖɔ Sedesíyasi kpó gbeyíɖɔ Akábu kpó tɔn gbɔn ɔ́, Mawu Mavɔmavɔ ní wa nǔ mitɔn gbɔn mɔ̌.

Ezekiyɛ́li 14:8

Un ná wa nǔ xá ɛ, bɔ è nǎ nɔ́ dó gesí i, dó dó lǒ. Un ná ɖe e sín togun ce mɛ. Un bló mɔ̌ ɔ́, mi ná tunwun ɖɔ nyɛ wɛ nyí Mawu Mavɔmavɔ.

Kɛ́nsísɔ́ 16:2

Yě fɔ́n gǔ dó Mɔyízi jí. Izlayɛ́li sín gǎn lɛ́ɛ kpódó tomɛxó lɛ́ɛ kpó wɛ nɔ́ ná tasyɛ́n yě. Yě mɛ afɔɖé kanɖé wǒ wɛ (250).

Kɛ́nsísɔ́ 17:3

Đó zǎlínkpɔ́nfyɔ́nú énɛ́ lɛ́ɛ na bo nyí mɛ e hu hwɛ bó kú lɛ́ɛ tɔn ɔ́, nyɛ Mawu Mavɔmavɔ ɔ́ wɛ è sɔ́ xwlé. È nǎ fɔ yě dó tun gan gbajagbaja ɖé ná, bó ná fɔ cyɔ́n vɔ̌sákpe ɔ́, bɔ yě ná nyí flǐn ɖé nú Izlayɛ́li ví lɛ́ɛ.”

Kɛ́nsísɔ́ 27:3

“Tɔ́ mǐtɔn kó kú ɖo gbětótló mɛ. É ka ɖo yě mɛ é kpó Kolée kpó fɔ́n gǔ dó Mawu Mavɔmavɔ jí lɛ́ɛ mɛ ǎ. Lo ɔ́, hwɛ e é ɖésúnɔ hu lɛ́ɛ wú wɛ é kú; é ká ɖó vǐ súnnu ɖé có bó kú ǎ.

Sɛ́nflínmɛ 11:6

Mi mɔ nǔ e é wa xá Eliavu e jɔ ɖo akɔta Hwlibɛ́ni tɔn mɛ ɔ́ sín vǐ Datáni kpó Abilámu kpó é. Mi Izlayɛ́li ví lɛ́ɛ nukún mɛ wɛ ayǐkúngban mi yě kpó asi yětɔn lɛ́ɛ kpó, vǐ yětɔn lɛ́ɛ kpó goxɔ yětɔn lɛ́ɛ kpó, kpódó nǔ e yě hɛn lɛ́ɛ bǐ kpó ɖe.

Sɛ́nflínmɛ 28:46

Nǔ énɛ́ lɛ́ɛ ná jɛ dó mi jí, bó ná nɔ́ ɖo nǔ flín mi kpó vǐ mitɔn lɛ́ɛ kpó wɛ káká sɔ́yi.

2 Piyɛ́ɛ 2:6

Mawu ɖó hwɛ nú Sodɔ́mu kpó Gomɔ́ɔ kpó, bó zé myɔ dó vɔ yě ná; é bló mɔ̌, bó dó ná nǔ e ɖo ná jɛ dó mɛdídá e ná wá lɛ́ɛ jí wɛ ɔ́ sín xlɛ́ ɖokpó yě.

Judi 1:7

Mi flín Sodɔ́mu kpó Gomɔ́ɔ kpó, kpódó to e sɛkpɔ́ yě lɛ́ɛ kpó; to énɛ́ mɛ nu lɛ́ɛ wa nǔ wɛnsagun énɛ́ lɛ́ɛ ɖɔhun; yě lɛ́ jó yěɖée dó nú agalilɛ kpódó hɛ̌nnú wiwa kpó; to énɛ́ mɛ nu lɛ́ɛ ɔ́, è sɔ́ zo mavɔ mavɔ dó ɖo tó dɔn nú yě wɛ; è ɖo tó énɛ́ ɔ́ dɔn nú yě wɛ, bó dó ɖo sɛ́n dó nú mɛ bǐ wɛ.

1 Samuwɛ́li 2:34

“Nǔ e ná jɛ dó vǐ súnnu towe Hofíni kpó Pínxási kpó jí ɔ́ wɛ ná nyí xlɛ̌ nú we: yě mɛ we lɛ́ɛ ná kú gbe ɖokpó ɔ́.