Kɛ́nsísɔ́ 25:4 - MAWUXÓWÉMA

⁴ bó ɖɔ nú Mɔyízi ɖɔ: “Kplé togun Izlayɛ́li tɔn ɔ́ sín gǎn lɛ́ɛ bǐ, bó dó kan kɔ nú yě ɖo nyɛ Mawu Mavɔmavɔ nukɔn ɖo hwesivɔ́nu cíɖíɖí. Énɛ́ ɔ́, xomɛ ɖaxó e un sin dó mi ɔ́ ná fá.”

Kɛ́nsísɔ́ 25:4 Iomraidhean Croise

2 Samuwɛ́li 21:6

Mǐ jló ɖɔ è nǐ jó vǐ tɔn súnnu tɛ́nwe nú mǐ, bónú mǐ ná yi dó kan kɔ nú yě ɖo Mawu Mavɔmavɔ nukɔn ɖo Giveya, toxo e mɛ Sawúlu axɔ́sú e Mawu Mavɔmavɔ sɔ́ é nɔ é mɛ.” Bɔ axɔ́sú ɔ́ ɖɔ: “Un ná jó yě nú mi.”

2 Samuwɛ́li 21:9

Axɔ́sú ɔ́ jó yě nú Gabawɔ́ɔnnu lɛ́ɛ, bɔ yě yi dó kan kɔ nú vǐ lɛ́ɛ ɖo só jí, ɖo Mawu Mavɔmavɔ nukɔn. Vǐ tɛ́nwe lɛ́ɛ bǐ kú zɛ̌nzɛ̌n. Azǎn nukɔn nukɔntɔn e mɛ è ɖo ɔ́ji ya wɛ lɛ́ɛ mɛ wɛ è hu yě.

Ɖɛhan 106:29

Nǔ e yě nɔ́ wa lɛ́ɛ dó xomɛsin nú Mawu; awě ɖokpó wá xo yě.

Tíntɔ́n 18:25

É cyán gbɛtɔ́ nukúnɖéjí lɛ́ɛ ɖo togun ɔ́ mɛ, bó zé yě ɖó togun ɔ́ nu: é zé mɛɖě ɖó gbɛtɔ́ afatɔ́n (1.000) nu, bó zé mɛɖě ɖó gbɛtɔ́ kanwe ko (100) nu, bó zé mɛɖě ɖó gbɛtɔ́ kanɖé wǒ (50) nu, lobo zé mɛɖě ɖó gbɛtɔ́ wǒ nu.

Jonási 3:9

Afɔ nyɔ́ ɔ́, Mawu ná húzú gbe, bó ná jó xomɛsin dó bɔ mǐ sɔ́ ná dɔn ǎ.”

Kɛ́nsísɔ́ 25:11

“Vɔ̌sánú-xwlémawutɔ́ Pínxási, Eleazáa ví, Aalɔ́ɔn vívú ɔ́ ɖó xomɛ e sin dó Izlayɛ́li ví lɛ́ɛ wɛ un ɖe ɔ́ te, ɖó hun e é jɛ dó jǐ ce ɖo tɛ́ntin yětɔn ɔ́ syɛ́n ɖésú. Nǔgbó ɔ́, un ɖɔ nyɛ ɖokpónɔ géé wɛ nyí Mawu e yě ná nɔ́ sɛn é. Amɔ̌, lě e Pínxási jɛ hun dó jǐ ce gbɔn ɔ́ zɔ́n bɔ un sú kún yětɔn dó ǎ.

Kɛ́nsísɔ́ 25:18

Yě sɔ́ sísɛ́ ɖó nukɔn nú mi, bo flú mi ɖo Peɔ́ɔ xó ɔ́ kpó Kɔzibi xó ɔ́ kpó mɛ, bó dó ɖe lě e yě sɛ́ gbɔn ɔ́ xlɛ́. Kɔzibi xó ɔ́, gǎn Madiáani tɔn lɛ́ɛ ɖokpó sín vǐ nyɔ̌nu wɛ; nɔví yětɔn nyɔ̌nu wɛ é nyí. É wɛ è hu, hwenu e nǔ nyanya ɖo jijɛ ɖo Peɔ́ɔ wɛ é.”

Sɛ́nflínmɛ 13:11

Mawu Mavɔmavɔ ɖe mi tɔ́n sín Ejípu. Mɛ e ná ɖɔ émí ná lɛ́ kɔ nú mi sín gǔdo tɔn ɔ́, awǐnnyaglo wɛ è nǎ nyi dó mɛ mɔ̌hun káká bɔ é ná kú.

Sɛ́nflínmɛ 13:13

Ayǐ ɖokpó sixú wá hɔ́n, bɔ mi ná se, bɔ è nǎ ɖɔ dó toxo e Mawu Mavɔmavɔ, Mawu mitɔn ná ná mi bɔ mi ná nɔ mɛ lɛ́ɛ ɖokpó wú ɖɔ:

Sɛ́nflínmɛ 13:15

Mi ná yi ba do ná, bó ná kan nǔ byɔ́, bó ná gbéjé kpɔ́n, bó ná mɔ nǔ jɛ wú céɖécéɖé; nú mi mɔ nǔgbó ɖɔ nǔ baɖabaɖa mɔ̌hun jɛ ɖo Izlayɛ́li hǔn,

Sɛ́nflínmɛ 13:17

Mi ná kplé dɔkun e ɖo toxo énɛ́ ɔ́ mɛ lɛ́ɛ bǐ ɖó tokplétɛn, bó ná flɔ́ myɔ d'é mɛ, bó ná dó toxo ɔ́ zo. É ná cí vɔ̌ e mi nɔ dó zo nú Mawu Mavɔmavɔ, Mawu mitɔn, lobo nɔ dó sɔ́ ɛ su ɔ́ ɖɔhun. Asangokan jɛ́n ná vun blá toxo énɛ́; è sɔ́ ná bló toxo énɛ́ ɔ́ ɖó gbeɖé ǎ.

Sɛ́nflínmɛ 21:22

Mǐ ní ɖɔ mɛɖé hu hwɛ, bɔ è ɖǒ kúhwɛ n'i, bó dó kan dó atín wú bɔ é kú.

Sɛ́nflínmɛ 21:23

Cyɔ tɔn ná dɔ́ atín ɔ́ jí ǎ. È nǎ ɖi i gbe énɛ́ gbe. Đó mɛ e è dǒ kan dó atín wú ɔ́, nu wɛ Mawu dó e. Hǔn mi bo ma hɛn ayǐkúngban e Mawu Mavɔmavɔ, Mawu mitɔn ná ná mi ɔ́ blí ó.

Sɛ́nflínmɛ 4:3

Mi mɔ lě e Mawu Mavɔmavɔ, Mawu mitɔn wa nǔ gbɔn hwenu e vodún Baalu-Peɔ́ɔ sín xó wá é kpó nukún mitɔn kpó: Mawu Mavɔmavɔ, Mawu mitɔn sú mɛ e sɛn vodún Baalu-Peɔ́ɔ ɖo tɛ́ntin mitɔn lɛ́ɛ bǐ sín kún dó.

Jozuwée 22:17

Mi sɔ́ flín nǔ e mi dó sin ɖo Peɔ́ɔ é ǎ cé? Mawu Mavɔmavɔ dɔn tó tɔn nú mǐ hwenɛ́nu, có mǐ kpo ɖo sin tɔn sún wɛ káká wá jɛ égbé. Bɔ din ɔ́, é kpé mɔ̌ lo ǎ cé?

Jozuwée 23:2

Ée Jozuwée mɔ ɖɔ émí kó kpo bǐ ɔ́, é ylɔ́ Izlayɛ́li ví lɛ́ɛ bǐ, tomɛxó yětɔn lɛ́ɛ, gǎn yětɔn lɛ́ɛ, hwɛɖɔtɔ́ yětɔn lɛ́ɛ, ahwangán yětɔn lɛ́ɛ, bó ɖɔ nú yě ɖɔ: “Nyɛ ɖíe kó kpo bǐ e.