Kɛ́nsísɔ́ 25:3 - MAWUXÓWÉMA

³ Yě nɔ́ sɛn vodún Baalu e ɖo Peɔ́ɔ é, bɔ Mawu Mavɔmavɔ sin xomɛ dó yě,

Kɛ́nsísɔ́ 25:3 Iomraidhean Croise

Ɖɛhan 90:11

Mɛ̌ ka tunwun lě e xomɛsin towe syɛ́n gbɔn é? Mɛ̌ ká nɔ́ ɖó sísí nú we yi ɖó bǎ e mɛ a nɔ wa adǎn yi ɖó é?

Jelemíi 17:4

To e un ná we, bɔ é nyí towe ɔ́, a nǎ jó. Un na jó we nú kɛntɔ́, bɔ a na yi nɔ kannumɔgbénu, ɖo to e a ma tunwun ǎ é mɛ. Xomɛsin e a dó nú mì ɔ́ cí myɔ ɖɔhun, nǔɖé sixú xo cí ǎ.”

Ozée 4:14

Lo ɔ́, un ná dɔn tó nú vǐ mitɔn nyɔ̌nu lɛ́ɛ ɖó aga e yě nɔ́ lɛ ɔ́ wú ǎ. Un ná dɔn tó nú vǐ mitɔn sín asi lɛ́ɛ ɖó afɔ e yě nɔ́ dó gbě ɔ́ wú ǎ. Mi vɔ̌sánú-xwlémawutɔ́ lɛ́ɛ wɛ un ná dɔn tó ná, ɖó mi nɔ kplá agalɛtɔ́ lɛ́ɛ yi jɛ vo; mi kpó agalɛtɔ́ lɛ́ɛ kpó nɔ́ yi sá vɔ̌. È nɔ dó lǒ ɖé ɖɔ: Togun e ma tunwun nǔ ɖagbe ɖo nǔ nyanya mɛ ǎ ɔ́, éɖée wɛ é zé nyi gbě.

Ozée 9:10

Mawu Mavɔmavɔ ɖɔ: “Đ'ayǐ xóxó ɔ́, un mɔ Izlayɛ́linu lɛ́ɛ, yě cí vǐwun e ɖo gbětótló mɛ é ɖɔhun. Un mɔ tɔ́gbó mitɔn lɛ́ɛ, yě cí fígi sín sínsɛ́n nukɔntɔn lɛ́ɛ ɖɔhun. Lo ɔ́, ée yě jɛ Baalu-Peɔ́ɔ tlóló ɔ́, yě jɛ vodún Baalu sɛn jí, bó jó yěɖée dó nú vodún hɛ̌n, bɔ yě kpó asú yětɔn vodún ɔ́ kpó bǐ húzú nǔ gbɛ́hɛn.

Kɛ́nsísɔ́ 25:5

Mɔyízi ɖɔ nú gǎn Izlayɛ́li tɔn lɛ́ɛ ɖɔ: “Mi mɛ ɖokpó ɖokpó ní hu mɛ tɔn e ɖo vodún Baalu Peɔ́ɔ tɔn sɛn wɛ lɛ́ɛ.”

Kɛ́nsísɔ́ 31:16

Yědɛɛ lɛ́ɛ wɛ Baláamu kplɔ́n nǔ, bɔ yě dɔn Izlayɛ́li ví lɛ́ɛ bɔ yě jɛ agɔ dó Mawu Mavɔmavɔ ɖo Peɔ́ɔ sín xó ɔ́ mɛ, bɔ nǔ énɛ́ ɔ́ zɔ́n bɔ nǔ nyanya byɔ́ togun Mawu Mavɔmavɔ tɔn ɔ́ mɛ.

Jozuwée 22:17

Mi sɔ́ flín nǔ e mi dó sin ɖo Peɔ́ɔ é ǎ cé? Mawu Mavɔmavɔ dɔn tó tɔn nú mǐ hwenɛ́nu, có mǐ kpo ɖo sin tɔn sún wɛ káká wá jɛ égbé. Bɔ din ɔ́, é kpé mɔ̌ lo ǎ cé?

Hwɛɖɔtɔ́ 2:11

Izlayɛ́li togun ɔ́ jɛ nǔ e má nyɔ́ Mawu Mavɔmavɔ nukún mɛ ǎ lɛ́ɛ wa jí; yě jɛ vodún Baalu lɛ́ɛ sɛn jí.

Hwɛɖɔtɔ́ 2:13

Yě jǒ Mawu Mavɔmavɔ dó, bó nɔ sɛn vodún Baalu lɛ́ɛ kpó vodún Asitaatée lɛ́ɛ kpó.

Hwɛɖɔtɔ́ 2:14

Mawu Mavɔmavɔ sin xomɛ dó Izlayɛ́li ví lɛ́ɛ. É jó yě dó nyi ajotɔ́ axánsúnxó lɛ́ɛ sín alɔ mɛ bɔ yě fin nǔ yětɔn lɛ́ɛ; é sa yě nú kɛntɔ́ yětɔn e lɛ́ dó yě lɛ́ɛ, bɔ yě sɔ́ sixú nɔ te ɖo nukɔn yětɔn ǎ.

Hwɛɖɔtɔ́ 2:20

Mawu Mavɔmavɔ sin xomɛ dó Izlayɛ́li ví lɛ́ɛ. É ɖɔ: “Mɛ e ɖo togun élɔ́ mɛ lɛ́ɛ gba akɔ e un jɛ bó ɖe gbeta tɔ́n nú tɔ́gbó yětɔn lɛ́ɛ ɖɔ yě ní ɖó sísí ná lɛ́ɛ; yě se tónú nú mì ǎ.