Kɛ́nsísɔ́ 25:1 - MAWUXÓWÉMA

¹ Izlayɛ́li ví lɛ́ɛ ɖó gɔnu ɖó Citímu. Ée yě ɖó gɔnu ɖó fínɛ́ ɔ́, yě jɛ aga lɛ xá ɖyɔ̌vǐ Mɔwabu tɔn lɛ́ɛ jí.

Kɛ́nsísɔ́ 25:1 Iomraidhean Croise

2 Axɔ́sú 23:7

É gba súnnu e nɔ lɛ aga dó sɛn vodún lɛ́ɛ sín xɔ e ɖo Mawu Mavɔmavɔ xwé kpá, bɔ nyɔ̌nu lɛ́ɛ nɔ́ nɔ fínɛ́, bó nɔ lɔn avɔ e glɔ́ vodún Acela nɔ nɔ é.

Ɖɛhan 106:28

Yě jɛ vodún Baalu sɛn jí ɖo Peɔ́ɔ, yě nɔ́ ɖu kanlin e è hu dó vodún lɛ́ɛ é sín lan; vodún énɛ́ lɛ́ɛ ɔ́, nǔ kúkú wɛ yě ká nyí.

Tíntɔ́n 22:19

Mɛ e ma nɔ xwlé vɔ̌sánú Mawu Mavɔmavɔ ɔ́ kɛ́ɖɛ́ ǎ, lobo nɔ lɛ́ xwlé vodún lɛ́ɛ ɔ́, è ɖǒ ná sú kún tɔn dó.

Tíntɔ́n 34:15

Mi cɔ́ miɖée, bó má jɛ akɔ xá to ɔ́ mɛ nu lɛ́ɛ ó, yě táá wá dɔn mi bɔ mi ná ɖidó vodún yětɔn lɛ́ɛ sɛn gbé, bó ná nɔ́ xwlé vɔ̌sánú vodún yětɔn lɛ́ɛ, bó ná nɔ́ ɖu kanlin e yě hu nú vodún lɛ́ɛ sín lan.

Nǔnywɛ́tɔ́xó 7:26

Un ka wá mɔ nǔɖé: un mɔ ɖɔ nyɔ̌nu e ayixa tɔn nyí gɛ̌ bó nyí fɛ́ca, bɔ awa tɔn lɛ́ɛ nyí gɛdɛ é. A jɛ nyɔ̌nu mɔ̌hun sín alɔ mɛ ɔ́, é ná vlɛ́ nu nú we hú kú. Mɛ e nyɔ́ Mawu nukún mɛ ɔ́ nɔ́ gló e; mɛ e ka nyí hwɛhutɔ́ ɔ́ nɔ́ jɛ fɛn tɔn mɛ.

Jelemíi 40:11

Mɔ̌ ɖokpó ɔ́, Judáa ví e ɖo Mɔwabu lɛ́ɛ, éé ɖo Amumɔ́ɔ ví lɛ́ɛ mɛ lɛ́ɛ, éé ɖo Edɔ́mu yíkúngban jí lɛ́ɛ, kpó éé ɖo to ɖěvo ɖěvo mɛ lɛ́ɛ kpó bǐ se ɖɔ Babilɔ́nu xɔ́sú ɔ́ jó mɛ ɖé lɛ́ɛ dó nyi Judáa to ɔ́ mɛ, bó sɔ́ Gedaliyási ɖó yě nu.

Ezekiyɛ́li 20:21

Lo ɔ́, vǐ yětɔn énɛ́ lɛ́ɛ lɔ fɔ́n gǔ dó jǐ ce; yě nyi sɛ́n ce lɛ́ɛ ǎ; yě bló nǔ e zɔ́n lɛ́ɛ ǎ; sɛ́n énɛ́ lɛ́ɛ wɛ gbɛtɔ́ ká ɖó ná nyi bó ná nɔ gbɛ. Yě lɛ́ nyi gbɔjɛzánsɛ́n ɔ́ ǎ. Énɛ́ ɔ́, un tunwun ɖɔ un ná ɖe adǎn e jí un ɖe ɔ́ xlɛ́ yě; un ná ɖe xomɛsin e jí un ɖe ɔ́ xlɛ́ yě ɖo gbětótló ɔ́ mɛ bɔ é ná jɛ mɛ nú mì.

Ozée 9:10

Mawu Mavɔmavɔ ɖɔ: “Đ'ayǐ xóxó ɔ́, un mɔ Izlayɛ́linu lɛ́ɛ, yě cí vǐwun e ɖo gbětótló mɛ é ɖɔhun. Un mɔ tɔ́gbó mitɔn lɛ́ɛ, yě cí fígi sín sínsɛ́n nukɔntɔn lɛ́ɛ ɖɔhun. Lo ɔ́, ée yě jɛ Baalu-Peɔ́ɔ tlóló ɔ́, yě jɛ vodún Baalu sɛn jí, bó jó yěɖée dó nú vodún hɛ̌n, bɔ yě kpó asú yětɔn vodún ɔ́ kpó bǐ húzú nǔ gbɛ́hɛn.

Micée 6:5

Togun ce, hwenu e Balaki axɔ́sú Mɔwabu tɔn ɔ́ ɖo linlin wɛ ná wa nǔ dó mi ɔ́, xósin e Baláamu Beɔ́ɔ ví ɔ́ ná ɛ ɔ́, mi flín a? Énɛ́ ɔ́ gúdo ɔ́, un kplá mi sín Citímu káká wá Gilugalu, bónú mi ná mɔ ɖagbe e nyɛ Mawu Mavɔmavɔ mitɔn wa nú mi lɛ́ɛ é.”

Kɛ́nsísɔ́ 25:17

“Tɔ́n ahwan Madiáani lɛ́ɛ, bó sú kún yětɔn dó.

Kɛ́nsísɔ́ 31:2

“Yi dɔn tó nú Madiáani ví lɛ́ɛ, bó dó ba Izlayɛ́li ví lɛ́ɛ sín hlɔn, ɖó nǔ nyanya e Madiáani ví lɛ́ɛ wá xá yě ɔ́ wú. Énɛ́ ɔ́ gúdo ɔ́, a nǎ yi su tɔ́gbó towe lɛ́ɛ.”

Kɛ́nsísɔ́ 33:49

Yě ɖǒ gɔnu ɖó Judɛ́ɛn tɔ ɔ́ kpá, bɛ́ sín Bɛti-Yesimɔ́ti káká yi Avɛ́li-Citímu, ɖo ayǐkúngban wɛnjɛ Mɔwabu tɔn lɛ́ɛ jí.

Kɛ́nsísɔ́ 7:15

nyibúsú wínnyáwínnyá ɖokpó, agbo ɖokpó, lɛ̌ngbɔ́ví e ɖó xwe ɖokpó ɔ́ ɖokpó. È nǎ bɛ̌ kanlin énɛ́ lɛ́ɛ dó sá vɔ̌ e è nɔ dó zo ɔ́ ná.

1 Kɔlɛ́ntinu 10:8

Mǐ ɖó ná jó miɖée nú agalilɛ lě e mɛɖé lɛ́ɛ bló gbɔn ɖo yě mɛ, bɔ gbɛtɔ́ adɔ̌kpo ɖokpó afɔwó afatɔ́n (23.000) kú ɖo kéze gbe ɖokpó mɛ é ǎ.

Sɛ́nflínmɛ 3:29

Sín hwenɛ́nu ɔ́, mǐ cí tɔdo mɛ fí ɖo Bɛti-Peɔ́ɔ toxo ɔ́ nukɔn.

Sɛ́nflínmɛ 32:38

Mi nɔ hu kanlin dó yě; mi nɔ ba ahan nú yě. Din ɔ́, yě bó bló nǔɖé bó hwlɛ́n mi gán bó cyɔ́n alɔ mi jí bó.

Sɛ́nflínmɛ 4:3

Mi mɔ lě e Mawu Mavɔmavɔ, Mawu mitɔn wa nǔ gbɔn hwenu e vodún Baalu-Peɔ́ɔ sín xó wá é kpó nukún mitɔn kpó: Mawu Mavɔmavɔ, Mawu mitɔn sú mɛ e sɛn vodún Baalu-Peɔ́ɔ ɖo tɛ́ntin mitɔn lɛ́ɛ bǐ sín kún dó.

Jozuwée 2:1

Jozuwée Nuni ví ɔ́ nɔ Citímu bó sɛ́ dobanúnǔtɔ́ we dó Jeliko ɖɔ yě ní gbɔn nǔglɔ́ nǔglɔ́ bó ba do nú to ɔ́. É ɖɔ nú yě ɖɔ yě ní ba do nú Kanáa to ɔ́ bǐ, ɖo tají ɔ́, yě ní ba do nú Jeliko toxo ɔ́. Ée mɛ we lɛ́ɛ yi to ɔ́ mɛ ɔ́, yě yi dɔ́ nyɔ̌nu agalɛtɔ́ ɖé xwé; è nɔ ylɔ́ nyɔ̌nu ɔ́ ɖɔ Hlaxábu.

Jozuwée 22:17

Mi sɔ́ flín nǔ e mi dó sin ɖo Peɔ́ɔ é ǎ cé? Mawu Mavɔmavɔ dɔn tó tɔn nú mǐ hwenɛ́nu, có mǐ kpo ɖo sin tɔn sún wɛ káká wá jɛ égbé. Bɔ din ɔ́, é kpé mɔ̌ lo ǎ cé?

Jozuwée 3:1

Jozuwée fɔ́n zǎn bó gosín Citímu é kpó Izlayɛ́li ví lɛ́ɛ kpó. Yě yi Judɛ́ɛn tɔ ɔ́ tó, bó ɖó gɔnu ɖó fínɛ́ hwɛ̌ cóbó dó asá tɔ ɔ́.

Nǔɖexlɛ́mɛ 2:14

É ka ɖo mɔ̌ có a wa nǔɖé lɛ́ɛ bɔ é vɛ́ wǔ ce: mɛ e tɛ́ dó nǔkplɔ́nmɛ Baláamu tɔn wú lɛ́ɛ ɖo mi mɛ : Baláamu nɔ kplɔ́n nǔ Balaki ɖɔ ní dɔn Izlayɛ́li ví lɛ́ɛ, bónú yě ní ɖu kanlin e è xwlé vodún lɛ́ɛ sín lan, bó lɛ aga, bó ná dó hu hwɛ.