Kɛ́nsísɔ́ 24:9 - MAWUXÓWÉMA

⁹ Izlayɛ́li ví lɛ́ɛ ɖo gbigbɔjɛ́ wɛ, yě mlɔ́ ayǐ kinnikínní ɖɔhun, kinnikínní asi ɖɔhun. Mɛ̌ ká ná sixú fɔ́n yě sí te? Izlayɛ́li togun e, Mawu ní xo ɖɛ dó mɛ e ná xo ɖɛ dó jǐ towe ɔ́ jí. Mawu ní dó nu mɛ e ná dó nu we é.”

Kɛ́nsísɔ́ 24:9 Iomraidhean Croise

Bǐbɛ́mɛ 12:3

Un ná xo ɖɛ dó mɛ e ná xo ɖɛ dó jǐ towe lɛ́ɛ jí; un ná dó nu mɛ e ná dó nu we lɛ́ɛ. Hwi jí wɛ un ná gbɔn bó ná xo ɖɛ dó hɛ̌nnu e ɖo gbɛ ɔ́ mɛ lɛ́ɛ bǐ jí.”

Bǐbɛ́mɛ 27:29

Togun ɖě lɛ́ɛ ní nɔ glɔ̌ towe; akɔta ɖě lɛ́ɛ ní nɔ́ ɖe kɔ́ nú we! Nyǐ gǎn nú nɔví towe lɛ́ɛ, nɔ towe xomɛ ví lɛ́ɛ ní nɔ́ ɖe kɔ́ nú we. Mɛ ɖěbǔ dó nu we ɔ́, è nǎ dó nu mɛ ɔ́; mɛ ɖěbǔ xo ɖɛ dó jǐ we ɔ́, è nǎ xo ɖɛ dó mɛ ɔ́ jí.”

Bǐbɛ́mɛ 49:9

Judáa, vǐ ce, kinnikínní wínnyáwínnyá e wlí lan ɖu, bó lɛ́ kɔ wá nɔtɛn tɔn ɔ́ ɖɔhun wɛ a cí; kinnikínní ɔ́ mlɔ́ ayǐ, bó ɖo gbigbɔjɛ́ wɛ; mɛ̌ ná glá ba nǔɖɔ ɛ?

1 Axɔ́sú 10:20

È lɛ̌ kpa kinnikínní wěwé ɖěvo lɛ́ɛ, bó to yě ɖó kpekán lɛ́ɛ jí, ayizɛ́n ɖo amyɔxwé, bɔ ayizɛ́n ɖo ɖisíxwé. È blǒ nǔ mɔ̌hunkɔtɔn ɖě ɖo axɔ́súɖuto lɛ́ɛ ɖě mɛ ǎ.

2 Tan 9:18

Axɔ́súzinkpo énɛ́ ɔ́ ɖó kpekán ayizɛ́n, bɔ gǎnjɛmɛ tɔn cí toboo. É ɖó awaɖótɛn we. È kpa kinnikínní we ɖó awaɖótɛn ɖokpó ɖokpó kpá.

Ɛsitɛ́ɛ 6:13

Ée é jɛ xwé gbe ɔ́, é wlí nǔ e jɛ ɔ́ bǐ ɖɔ nú asi tɔn Zelɛ́ci kpó xɔ́ntɔn tɔn lɛ́ɛ kpó. Bɔ nǔnywɛ́tɔ́ tɔn lɛ́ɛ kpó asi tɔn kpó ɖɔ n'i ɖɔ: “Maadocée e nukɔn a ko ɖo winnyá ɖu ɖe wɛ din ɔ́, ée é nyí ɖɔ Jwifu wɛ é nyí ɔ́, a sixú wa nǔ ɖěbǔ n'i ǎ; winnyá ɖu wɛ jɛ́n a nǎ nɔ ɖe ɖo nukɔn tɔn tɛgbɛ.”

Jɔ̌bu 41:10

É nyi cin lě ɔ́, é nɔ́ kán myɔ; nukún tɔn lɛ́ɛ cí hwe ɖo tíntɔ́n wɛ ɖɔhun.

Ɖɛhan 122:6

Mi byɔ́ fífá nú Jeluzalɛ́mu: “Jeluzalɛ́mu, mɛ e yí wǎn nú we lɛ́ɛ ní mɔ vivo,

Ɖɛhan 2:12

Mi sɔ́ vǐ ɔ́ su, é má nyí mɔ̌ ǎ ɔ́, Mawu Mavɔmavɔ ná sin xomɛ. Mi sɔ́ ɛ su, é má nyí mɔ̌ ǎ ɔ́, mi táá kú vawun. Đó é nɔ́ lín sin xomɛ ǎ. Nǔ nyɔ́ nú mɛ e nɔ bɛ ta ɖo glɔ̌ tɔn lɛ́ɛ bǐ.

Tíntɔ́n 23:22

Lo ɔ́, nú mi se tónú n'i, bó bló nǔ e un ná ɖɔ nú mi lɛ́ɛ bǐ ɔ́, un ná nyí kɛntɔ́ mitɔn lɛ́ɛ sín kɛntɔ́, un ná li za xá mɛ e ɖo za li xá mi wɛ lɛ́ɛ.

Ezayíi 31:4

Xó e Mawu Mavɔmavɔ ɖɔ nú mì ɔ́ ɖíe: “Nú kinnikínní abǐ kinnikínníví wlí lan, bó ɖo adǎn jí ɔ́, gbɔ̌nyitɔ́ lɛ́ɛ ná bó dó ahwan gbě bó ɖo xó sú dó jǐ tɔn wɛ ɔ́, xɛsi nɔ ɖi i ǎ; é nɔ́ jó lan ɔ́ dó ɖó zǐngídi e ɖú wɛ yě ɖe ɔ́ wú ǎ. Mɔ̌ wɛ nyɛ Mawu Mavɔmavɔ Nǔbǐwúkpétɔ́ ɔ́ ná bló gbɔn hwenu e un ná jɛ te Sinyɔ́ɔ só ta, bó ná yi fun ahwan é.”

Micée 5:8

Izlayɛ́li, tɔ́n ahwan kɛntɔ́ towe lɛ́ɛ, bó vúnvún yě bǐ.

Kɛ́nsísɔ́ 22:12

Mawu ká ɖɔ nú Baláamu ɖɔ: “A nǎ xwedó yě yi ǎ; a nǎ dó nu togun ɔ́ ǎ, ɖó un ko xo ɖɛ dó jǐ tɔn.”

Kɛ́nsísɔ́ 22:6

Kɛnklɛ́n bó wá dó alɔ mì; wǎ dó nu togun ɔ́, ɖó é syɛ́n hú mì; nú a yǐ gbe bo dó nu yě ɔ́, afɔ nyɔ́ ɔ́, un sixú ɖu ɖo yě jí, bó ná nya yě sín to ɔ́ mɛ. Đó un tunwun ɖɔ a xo ɖɛ dó mɛɖé jí ɔ́, mɛ ɔ́ nɔ́ mɔ nyɔ̌ná, a dǒ nu mɛɖé ɔ́, é nɔ́ ɖi mɛ ɔ́ wú.”

Kɛ́nsísɔ́ 23:24

Togun ɖé wɛ bó sí te kinnikínní asi ɖɔhun. É nɔ te kinnikínní ɖɔhun. É má vún kanlin e é hu ɔ́ ɖu ǎ ɔ́, é nɔ́ mlɔ́ ayǐ ǎ. É má nu kanlin e é wlí ɔ́ sín hun ǎ ɔ́, é nɔ́ mlɔ́ ayǐ ǎ.”

Kɛ́nsísɔ́ 24:10

Ée Baláamu ɖɔ mɔ̌ ɔ́, Balaki sin xomɛ dó e ɖésú bó xo así bó ɖɔ nú Baláamu ɖɔ: “A nǎ dó nu kɛntɔ́ ce lɛ́ɛ wú wɛ un kplá we wá fí; azɔn atɔngɔ́ ɔ́ nɛ́ a ka xo ɖɛ dó yě jí nɛ́.

Matíe 25:40

Nyɛ axɔ́sú ɔ́ ná yí gbe nú yě ɖɔ: ‘Má ɖɔ nǔgbó nú mi: hweɖěbǔnu e mi bló nǔ énɛ́ lɛ́ɛ nú nɔví ce élɔ́ lɛ́ɛ ɔ́, é ná bo nyí mɛ e ma nyí mɛ ɖé ɖo gbɛtɔ́ lɛ́ɛ nukún mɛ ǎ wɛ ɔ́, nyɛ wɛ mi bló ná.’

Matíe 25:45

Un ka ná yí gbe nú yě ɖɔ: ‘Má ɖɔ nǔgbó nú mi, hweɖěbǔnu e mi gbɛ́ nǔ énɛ́ lɛ́ɛ bló nú mɛɖé ɖo mɛ élɔ́ lɛ́ɛ mɛ ɔ́, é ná bó nyí mɛ e ma nyí mɛɖé ɖo gbɛtɔ́ lɛ́ɛ sín nukún mɛ ǎ ɔ́ wɛ ɔ́, nyɛ wɛ mi gbɛ́ blǒbló ná.’

Mɛsɛ́dó 9:5

Sólu ka kanbyɔ́ ɛ ɖɔ: “Hwi mɛ̌ ká wɛ Aklúnɔ?” Gbe ɔ́ ká ɖɔ: “Nyɛ Jezu e dó ya ná a ɖe ɔ́ wɛ.

Sɛ́nflínmɛ 30:7

Awě e xó un ɖɔ nú mi lɛ́ɛ ɔ́, Mawu Mavɔmavɔ, Mawu mitɔn ná bló, bɔ bǐ ná xo kɛntɔ́ mitɔn lɛ́ɛ kpó mɛ e gbɛ́ wǎn nú mi, bó ɖo gbě mitɔn nya wɛ lɛ́ɛ kpó.