Kɛ́nsísɔ́ 24:7 - MAWUXÓWÉMA

⁷ Yě cí tɔ e gbawu, bó nɔ́ sa gbɔn atínkan lɛ́ɛ mɛ é ɖɔhun. Axɔ́sú Izlayɛ́li tɔn ɔ́ ná ɖu ɖo Agagi jí, bɔ axɔ́súɖuto tɔn ná syɛ́n ɖésú.

Kɛ́nsísɔ́ 24:7 Iomraidhean Croise

2 Samuwɛ́li 5:12

Davídi mɔ ɖɔ Mawu Mavɔmavɔ ɖésú wɛ zé émí Izlayɛ́li xɔ́sú, lobo zé axɔ́súɖuto émítɔn su ɖó togun tɔn Izlayɛ́li wú.

1 Axɔ́sú 5:1

Salomɔ́ɔ lɛ́ ɖu ɖo axɔ́súɖuto lɛ́ɛ bǐ jí, bɛ́ sín Efláti tɔ ɔ́ kɔn káká yi Filisitɛ́ɛn lɛ́ɛ tomɛ, káká yi bɔ dó Ejípu to sín dogbó ɔ́ wú. Axɔ́sú to énɛ́ lɛ́ɛ bǐ tɔn ɖo Salomɔ́ɔ sín acɛ glɔ́, bó nɔ sú takwɛ́ n'i ɖo gbɛ hwenu tɔn bǐ.

1 Tan 14:2

Énɛ́ ɔ́, Davídi mɔ ɖɔ Mawu Mavɔmavɔ ɖésú wɛ sɔ́ émí Izlayɛ́li xɔ́sú, bó nɔ́ ɖo axɔ́súɖuto émítɔn sɔ́ su wɛ ɖó togun tɔn Izlayɛ́li wú.

Ɛsidlási 4:20

Đ'ayǐ xóxó ɔ́, axɔ́sú hlɔ̌nhlɔ́nnɔ lɛ́ɛ nɔ to énɛ́ ɔ́ mɛ, bó kpa acɛ nú mɛ e ɖo Efláti tɔ ɔ́ sín gbadahwe jí lɛ́ɛ bǐ, bó nɔ yí nǔjɔ, takwɛ́ kpódó aligbɔntɔ́ sín akwɛ́ kpó ɖo yě sí.

Ɛsitɛ́ɛ 3:1

Ée nǔ énɛ́ lɛ́ɛ bǐ jɛ wá yi ɔ́, axɔ́sú Zɛ̌ɛzɛsi sɔ́ Hamáa gǎn. Hamáa ɔ́, Hamumɛdata ví wɛ, bó jɔ ɖo Agagi kún mɛ. Axɔ́sú ɔ́ sɔ́ ɛ gǎn hɔn-yitɔ́ xɔ́sú.

Ɖɛhan 18:43

Un nɔ li yě kpɔ́ɖɔ́kpɔ́ɖɔ́, bɔ jɔhɔn nɔ dó alɔ mɛ afúntúntún ɖɔhun; un nɔ́ sɔ́ afɔ dó gbídí yě babá e ɖo ali jí é ɖɔhun.

Ɖɛhan 68:26

Hansinɔ lɛ́ɛ ɖo nukɔn, nǔxotɔ́ lɛ́ɛ bɔ d'é wú, bɔ ahwli lɛ́ɛ ɖo tɛ́ntin bó ɖo hǔnví xo wɛ.

Ɖɛhan 72:11

Axɔ́sú lɛ́ɛ bǐ ná jɛ kpo bo ɖe kɔ́ n'i. Akɔta lɛ́ɛ bǐ ná nyí mɛsɛntɔ́ tɔn.

Ɖɛhan 89:27

Éyɛ́ ɔ́, é ná nɔ́ sú xó ylɔ́ mì ɖɔ: ‘Hwi wɛ nyí tɔ́ ce, hwi wɛ nyí Mawu ce, hwi wɛ nyí só e hwlɛ́n mì gán é.’

Ezayíi 2:2

Gbe ɖokpó ná wá su, bɔ só e jí Mawu Mavɔmavɔ xwé ɔ́ ɖe ɔ́ ná hú ga só kpɛví kpɛví lɛ́ɛ, é ná yi jǐ hú só ɖě lɛ́ɛ bǐ. Énɛ́ ɔ́, akɔta lɛ́ɛ bǐ ná nyi ahwan wá gɔ̌n tɔn.

Ezayíi 30:25

Azǎn e gbe tocɔ́kpe kɛntɔ́ towe lɛ́ɛ tɔn lɛ́ɛ ná mu, bɔ è nǎ hu yě tɛ́ ɔ́, sin ná sa sín só ɖaxó ɖaxó lɛ́ɛ bǐ jǐ, bó ná sa sín só kpɛví kpɛví lɛ́ɛ bǐ jí.

Ezayíi 48:1

Jakɔ́bu togun e mi, mi ɖótó; mi nɔ ɖɔ Izlayɛ́li ví wɛ émí nyí, bó jɔ ɖo Judáa kún mɛ. Mi nɔ xwlé nǔ dó Mawu Mavɔmavɔ nyíkɔ mɛ, mi nɔ xomlá Mawu Izlayɛ́li tɔn ɖo ɖɛ mitɔn lɛ́ɛ mɛ. Lo ɔ́, nǔ e ɖɔ wɛ mi ɖe ɔ́ ká yi xo mitɔn mɛ ǎ, mi nɔ wa nǔ ɖó sɛ́nxwi jí ǎ.

Ezayíi 9:7

Aklúnɔ ɖɔ xó dó Jakɔ́bu ví lɛ́ɛ wú; xó e é ɖɔ ɔ́ jɛ dó axɔ́súɖuto Izlayɛ́li tɔn ɔ́ jí.

Jelemíi 51:13

Babilɔ́nu, hwi mɛ e ɖo tɔ ɖaxó tó, bó ɖo dɔkun tɛ́ntin ɔ́, fí e a wlǒ mɛ ɖu jɛ ɔ́ kpé, xó towe fó lo.

Daniyɛ́li 2:44

Axɔ́sú énɛ́ lɛ́ɛ sín hwenu ɔ́, Mawu sɛ́xwé tɔn ná ɖe axɔ́súɖuto e mɛɖé má sixú gba ǎ é ɖokpó tɔ́n. Acɛkpikpa tɔn ná jɛ akɔta ɖěvo sí gbeɖé ǎ. Axɔ́súɖuto énɛ́ ɔ́ ná gba axɔ́súɖuto e ko ɖo ayǐ lɛ́ɛ bǐ, bó ná hu acɛ nú yě, bɔ yě sɔ́ ná tíin nyǐ ǎ. Lo ɔ́, éyɛ́ ná nɔ te káká sɔ́yi.

Kɛ́nsísɔ́ 24:20

Un lɛ́ kpɔ́n, bó mɔ Amalɛ́ki ví lɛ́ɛ bó ɖɔ: “Amalɛ́ki ví lɛ́ɛ wɛ nyí akɔta e syɛ́n hú akɔta ɖě lɛ́ɛ é. Amɔ̌, yě bǐ wɛ ná vɔ gbe ɖokpó.”

Jǎan 1:49

Natanayɛ́li yí gbe n'i ɖɔ: “Mɛ̌si, hwi wɛ nyí Mawu ví ɔ́ nǔgbó; hwi wɛ nyí Izlayɛ́li xɔ́sú.”

Nǔɖexlɛ́mɛ 11:15

Énɛ́ ɔ́ gúdo ɔ́, wɛnsagun Mawu tɔn tɛ́nwegɔ́ ɔ́ kún kpɛn, bɔ gbe ɖaxó ɖé lɛ́ɛ ɖi ɖo jǐxwé bó ɖɔ: “Axɔ́súɖuɖu gbɛ ɔ́ tɔn nyí Aklúnɔ mǐtɔn kpó Klísu tɔn kpán tɔn lo! Bɔ é ná ɖu axɔ́sú káká sɔ́yi.”

Nǔɖexlɛ́mɛ 17:1

Énɛ́ ɔ́ gúdo ɔ́, wɛnsagun tɛ́nwe e hɛn sinnugannú tɛ́nwe lɛ́ɛ ɖokpó wá ɖɔ nú mì ɖɔ: “Wǎ, bónú ma xlɛ́ we lě e è ɖǒ ná dɔn tó nú agalɛtɔ́ ɖaxó e nyí toxo ɖaxó e è gbǎ ɖó tɔsisa gěgé tó ɔ́ gbɔn é.

Nǔɖexlɛ́mɛ 17:15

Wɛnsagun ɔ́ lɛ́ ɖɔ nú mì ɖɔ: “Tɔsisa e a mɔ ɖo fí e agalɛtɔ́ ɔ́ ɖe lɛ́ɛ ɔ́, togun lɛ́ɛ wɛ; ahwan lɛ́ɛ wɛ; to lɛ́ɛ kpó gbe lɛ́ɛ kpó wɛ.

Nǔɖexlɛ́mɛ 19:16

È wlǎn nyǐkɔ ɖé dó awu tɔn kpó asá tɔn kpó wú; è wlǎn ɖɔ: “Axɔ́sú axɔ́sú lɛ́ɛ tɔn; Aklúnɔ aklúnɔ lɛ́ɛ tɔn.”