Kɛ́nsísɔ́ 24:6 - MAWUXÓWÉMA

⁶ Yě cí tɔdo ɖɔhun Yě cí jikpá e ɖo tɔsisa tó é ɖɔhun. Yě cí alowɛ́sitín e Mawu Mavɔmavɔ tun ɔ́ ɖɔhun. Yě cí sɛ́dlutín e ɖo tɔ tó ɔ́ ɖɔhun.

Kɛ́nsísɔ́ 24:6 Iomraidhean Croise

Bǐbɛ́mɛ 13:10

Ée Ablámu ɖɔ mɔ̌ ɔ́, Lɔ̌ti zé ta bó mɔ ayǐkúngban wɛnjɛ Judɛ́ɛn tɔn ɔ́ bǐ, bɔ sin kpé fí bǐ. Má ɖɔ nú mi, fí énɛ́ ɔ́ kó cí jikpá Mawu Mavɔmavɔ tɔn ɖɔhun káká yi Sowáa, bó cí Ejípu to ɖɔhun cóbɔ Mawu Mavɔmavɔ wá gba Sodɔ́mu kpó Gomɔ́ɔ kpó.

Ɖɛhan 1:3

Mɛ mɔ̌hunkɔtɔn cí atín e è tun nyi tɔ tó ɔ́ ɖɔhun: hwe tɔn nu su ɔ́, é nɔ́ sɛ́n, ama tɔn lɛ́ɛ nɔ́ ɖo zǐnzɔ́n jí tɛgbɛ. Nǔ e é nɔ́ wa ɔ́ bǐ nɔ́ nyɔ́ n'i.

Ɖɛhan 104:16

Atín ɖaxó ɖaxó lɛ́ɛ ɔ́, sin nɔ kpé yě, sɛ́dlutín Libáan tɔn e a tun lɛ́ɛ ɔ́, sin nɔ kpé yě.

Ɖɛhan 45:8

A yǐ wǎn nú hwɛjijɔ, a gbɛ̌ wǎn nú nǔ nyanya; énɛ́ ɔ́ wɛ zɔ́n bɔ Mawu, Mawu towe kɔn ami dó ta nú we; awǎjijɛ sín ami wɛ é kɔn dó ta nú we, bó dó sɔ́ we ɖó vo ɖo hǎgbɛ́ towe lɛ́ɛ mɛ.

Hanvíví 6:11

Un jɛ te atínsínsɛ́ngbo ɔ́ mɛ; bó ná kpɔ́n atín e zɔ́n ama yɔ̌yɔ́ ɖo tɔdo ɔ́ mɛ lɛ́ɛ, un ná kpɔ́n ɖɔ vǐwuntín lɛ́ɛ kó tɔ́n kun a jí, bó ná kpɔ́n ɖɔ glenáditín lɛ́ɛ kó gba sɛ́ a jí.

Ezayíi 41:19

Un ná tun sɛ́dlutín kpó kasyatín kpó gbɔn akúgbéjí, bó ná tun míititín kpó olívutín kpó. Un ná tun siplɛ́tín kpó bwisitín kpó, kpó pɛ́ɛntín kpó gbɔn gbě e jí sin ma ɖe ǎ é.

Ezayíi 58:11

Mawu Mavɔmavɔ ná nɔ́ xlɛ́ ali we hwebǐnu. A na bo ɖo axéko jí ɔ́, é ná nɔ́ ná nǔɖuɖu we; é ná nɔ́ ná hlɔ̌nhlɔ́n we. A nǎ cí jikpá e sin kpé ɔ́ ɖɔhun, bó ná cí tɔjɔtɛn e ma nɔ mɛ gbeɖé ǎ é ɖɔhun.

Jelemíi 17:18

Mɛ e ɖo ya dó nú mì wɛ lɛ́ɛ ní ɖu winnyá, nyɛ ní ma ka ɖu ɖě ó. Xɛsi ní jɛ yě jí, nyɛ ní ma ká ɖi xɛsi ɖě ó. Sɛ́ awěxomɛ zán ɔ́ dó yě, alɔ towe ní jɛ yě wǔ, bónú nǔ ní xá yě gbɔn zǔndohlando.

Jelemíi 31:12

Yě ná wá Sinyɔ́ɔ só ɔ́ ta kpó awǎjijɛ kpó xósúsú kpó. Yě ná dó ahwan gbě, bó yi nǔ ɖagbe ɖagbe e Mawu Mavɔmavɔ ná ná yě lɛ́ɛ kɔn; é ná ná blěe yě, bó ná vɛ̌ɛn yɔ̌yɔ́ yě, bó ná ami yě, bó ná gbɔ̌ kpódó nyibú kpó yě. Yě ná cí jikpá e è hǔ sin ná ganjí é ɖɔhun, yě sɔ́ ná nɔ adohu adohu jí ɖě ǎ.

Ezekiyɛ́li 47:12

Ɖo tɔsisa e gosín Mawu xwé ɔ́ gbe é tó ɔ́, atínsínsɛ́n tɛnmɛ tɛnmɛ ná wú gbɔn aɖisí amyɔ. Yě ná lúnlún ɖa gbeɖé ǎ, yě ná nɔ́ sɛ́n hwebǐnu. Sun ɖokpó ɖokpó mɛ ɔ́, è nǎ nɔ́ gbɛ sínsɛ́n ɖo yě jí, ɖó tɔ e sa sín Mawu xwé ɔ́ gbe é wɛ ná nɔ́ sa gbɔn kɔ yětɔn. Sínsɛ́n yětɔn lɛ́ɛ ná nyí nǔɖuɖu, ama yětɔn ná nyí amasin.”

Kɛ́nsísɔ́ 24:5

Jakɔ́bu ví lɛ́ɛ mi, Goxɔ mitɔn lɛ́ɛ nyɔ́ ɖɛkpɛ mɛ nya! Izlayɛ́li ví lɛ́ɛ e mi, nɔtɛn mitɔn lɛ́ɛ nyɔ́ ɖɛkpɛ mɛ nya!