Kɛ́nsísɔ́ 24:4 - MAWUXÓWÉMA

⁴ Nyɛ mɛ e nɔ se xó e Mawu nɔ́ ɖɔ ɔ́, xó e un ɖɔ ɔ́ ɖíe. Nyɛ mɛ e nɔ mɔ nǔɖexlɛ́mɛ Nǔbǐwúkpétɔ́ ɔ́ tɔn lɛ́ɛ ɔ́, xó e un ɖɔ ɔ́ ɖíe, nyɛ mɛ e ɖo sinsɛn ɛ wɛ ɔ́, é nɔ́ ɖe éɖée xlɛ́ mì ɔ́, xó e un ɖɔ ɔ́ ɖíe:

Kɛ́nsísɔ́ 24:4 Iomraidhean Croise

Bǐbɛ́mɛ 15:1

Ée nǔ énɛ́ lɛ́ɛ jɛ wá yi gúdo ɔ́, Ablámu mɔ nǔ. É mɔ Mawu Mavɔmavɔ bɔ é ɖɔ xó n'i; é ɖɔ n'i ɖɔ: “Ablámu! Ma ɖi xɛsi ó; nyɛ wɛ nyí gǎglónú towe; un ná ná we ajɔ bɔ é ná d'agba ɖésú.”

Bǐbɛ́mɛ 15:12

Ée hwe ɖo xɔ yi wɛ ɔ́, Ablámu byɔ́ sɛnmlɔ ɖé mɛ, zǐnflú gɔngɔn ɖé dó dó e, bó dó xɛsi.

1 Axɔ́sú 22:17

Ée é ɖɔ mɔ̌ ɔ́, Micée ɖɔ n'i ɖɔ: “Un mɔ nǔ: un mɔ Izlayɛ́li togun ɔ́, togun ɔ́ bǐ gba dó gbɔn sókan mɛ sókan mɛ; yě gbadó lɛ̌ngbɔ́ e má ɖó nyinyitɔ́ ǎ lɛ́ɛ ɖɔhun, bɔ Mawu Mavɔmavɔ ɖɔ: ‘Mɛ nɛ́ lɛ́ɛ sɔ́ ɖó mɛɖé bɔ é ɖo yě nu ǎ. Mɛ ɖokpó ɖokpó ní bó lɛ́ kɔ yi xwé tɔn gbe; è ma fun ahwan ó.’ ”

Ɖɛhan 89:19

Mawu Mavɔmavɔ, hwi wɛ ná mɛ e ná cyɔ́n alɔ mǐ jí ɔ́ mǐ; Mɛ mímɛ́ Izlayɛ́li tɔn, hwi wɛ ná axɔ́sú mǐ.

Ezekiyɛ́li 1:28

Wěziza ɔ́ cí lě e jǐ nɔ ja bɔ nyǐ nɔ ɖi ɔ́ ɖɔhun. Susu Mawu Mavɔmavɔ tɔn sín xlɛ̌ wɛ. Ée un mɔ mɔ̌ ɔ́, un xwe agbɔ̌nnusú do; énɛ́ ɔ́, un se mɛ ɖé ɖo xó ɖɔ nú mì wɛ.

Kɛ́nsísɔ́ 12:6

bɔ é ɖɔ nú yě ɖɔ: “Mi ɖótó xó e ná ɖɔ nú mi wɛ un ɖe ɔ́ ganjí. Ényí gbeyíɖɔ ɖé ɖo mi mɛ ɔ́, nyɛ Mawu Mavɔmavɔ wɛ nɔ ɖe nyɛɖée xlɛ́ ɛ, bó nɔ́ ɖɔ xó n'i gbɔn nǔmimɔ kpódó dlɔ̌ kpó mɛ.

Kɛ́nsísɔ́ 22:20

Mawu wǎ Baláamu gɔ́n zǎn mɛ, bó ɖɔ n'i ɖɔ: “Ée é nyí ɖɔ mɛ élɔ́ lɛ́ɛ ɔ́, ylɔ̌ wɛ yě wǎ ylɔ́ we ɔ́, sɔ́ nǔ bó xwedó yě. Amɔ̌, nǔ e un ná ɖɔ nú we ɔ́ wɛ a nǎ bló.”

Kɛ́nsísɔ́ 22:31

Hwenɛ́nu ɔ́, Mawu Mavɔmavɔ hun nukún nú Baláamu bɔ é mɔ wɛnsagun ɔ́ ɖo te ɖo ali ɔ́ jí, bó hɛn hwǐ tɔn alɔ mɛ. Ée é mɔ mɔ̌ tlóló ɔ́, é xwe agbɔ̌nnusú do.

Kɛ́nsísɔ́ 24:15

Énɛ́ ɔ́, Baláamu ɖɔ nú Balaki ɖɔ: “Nyɛ Baláamu, Beɔ́ɔ ví ɔ́, xó e un ɖɔ ɔ́ ɖíe. Nyɛ mɛ e nɔ́ mɔ nǔ e ná jɛ sɔ ɔ́, xó e un ɖɔ ɔ́ ɖíe.

Kɛ́nsísɔ́ 24:5

Jakɔ́bu ví lɛ́ɛ mi, Goxɔ mitɔn lɛ́ɛ nyɔ́ ɖɛkpɛ mɛ nya! Izlayɛ́li ví lɛ́ɛ e mi, nɔtɛn mitɔn lɛ́ɛ nyɔ́ ɖɛkpɛ mɛ nya!

Mɛsɛ́dó 10:10

Xovɛ́ sin i, bɔ é jló ná ɖu nǔ. Hwenu e è ɖo nǔɖuɖu ɔ́ bló wɛ ɔ́, é ba éɖée kpo,

Mɛsɛ́dó 10:19

Piyɛ́ɛ ka kpo ɖo tamɛ lin dó nǔ e é mɔ ɔ́ wú wɛ, bɔ Yɛsinsɛn ɖɔ n'i ɖɔ: “Đǒtó; mɛ atɔn ɖé lɛ́ɛ nɛ́ ɖo biba we wɛ nɛ́.

Mɛsɛ́dó 22:17

“Ée un lɛ́ kɔ wá Jeluzalɛ́mu ɔ́, un wá ɖo ɖɛ xo wɛ gbe ɖokpó, ɖo sinsɛnxɔ mɛ, bó jɛ nǔ mɔ jí.

Nǔɖexlɛ́mɛ 1:10

Aklúnɔzán gbe ɔ́ , Yɛsinsɛn wá jǐ ce, bɔ un nɔ se gbe syɛ́nsyɛ́n ɖé ɖo gǔdo ce, bɔ gbe ɔ́ nɔ́ ɖɔ nǔ kpɛn ɖaxó ɖé ɖɔhun,

Nǔɖexlɛ́mɛ 1:17

Ée un mɔ ɛ ɔ́, un jɛ ayǐ ɖo asá tɔn mɛ, bó cí mɛkúkú ɖɔhun. É ɖó alɔ tɔn ɖisí ɔ́ jǐ ce, bó ɖɔ: “Ma ɖi xɛsi ó! Nyɛ wɛ nyí mɛ e jɛ nukɔn ɔ́, bó nyí mɛ e gbɔn gǔdo é.

1 Samuwɛ́li 19:24

É lɔmɔ̌ ɖe awu gbeyíɖɔ ɖě lɛ́ɛ ɖɔhun; é lɔ ɖo xó e Mawu Mavɔmavɔ ɖɔ n'i ɔ́ ɖɔ wɛ ɖo Samuwɛ́li nukɔn, bó ɖo wěxo mɔ̌, bó j'ayǐ, bó nɔ mɔ̌ gbe énɛ́ gbe káká bɔ ayǐ hɔ́n. Énɛ́ ɔ́ wú wɛ è nɔ kanbyɔ́ ɖɔ: “Sawúlu lɔ nyí gbeyíɖɔ Mawu tɔn wɛ a?”