Kɛ́nsísɔ́ 24:19 - MAWUXÓWÉMA

¹⁹ Mɛ e tɔ́n ɖo Jakɔ́bu kúnkan mɛ ɔ́ kpa acɛ nú kɛntɔ́ tɔn lɛ́ɛ. É sú mɛ e kpo ɖo toxo yětɔn mɛ lɛ́ɛ sín kún dó.”

Kɛ́nsísɔ́ 24:19 Iomraidhean Croise

Bǐbɛ́mɛ 49:10

Axɔ́sú kpogɛ ɔ́ ná nɔ Judáa hɛ́nnu mɛ, gǎn kpogɛ ɔ́ ná nɔ vǐ tɔn lɛ́ɛ sín alɔmɛ, káká jɛ hwenu e mɛ e tɔn é nyí ɔ́ ná wá, bɔ togun lɛ́ɛ ná se tónú n'i é.

Ezayíi 11:10

Gbe énɛ́ gbe ɔ́, Jɛsée ví ɔ́ ná cí asyá e è tun te ɔ́ ɖɔhun nú togun e ɖo gbɛ ɔ́ mɛ lɛ́ɛ bǐ. Akɔta lɛ́ɛ ná nɔ́ wá ɖó xó te n'i, bó ná nɔ́ se xó ɖo nu tɔn, bɔ susu Mawu tɔn ná hɔ́n ɖo fí e é ɖe ɔ́.

Micée 5:2

Énɛ́ ɔ́ wú wɛ Mawu Mavɔmavɔ ná jó togun tɔn dó nú kɛntɔ́ lɛ́ɛ káká jɛ hwenu e nyɔ̌nu e ɖo ajidonu ɔ́ ná ji vǐ dó é. Yě mɛ e ná kpo ɖo gbɛ ɖo kannumɔgbénu lɛ́ɛ ná lɛ́ kɔ wá gɔ́ nú Izlayɛ́li ví e kpo ɖo xwé lɛ́ɛ.

Micée 5:4

É wɛ ná hɛn fífá wá. Ényí Asilíinu lɛ́ɛ wá tɔ́n ahwan mǐ, bó byɔ́ axɔ́sú mǐtɔn lɛ́ɛ sín xwé gbe ɔ́, mǐ ná sɛ́ ahwan gěgé dó yě.

Kɛ́nsísɔ́ 24:18

É kpa acɛ nú Edɔ́mu. É kpa acɛ nú kɛntɔ́ tɔn Seyíinu lɛ́ɛ. Izlayɛ́li togun ɔ́ ɖe hlɔ̌nhlɔ́n tɔn xlɛ́.

Kɛ́nsísɔ́ 24:20

Un lɛ́ kpɔ́n, bó mɔ Amalɛ́ki ví lɛ́ɛ bó ɖɔ: “Amalɛ́ki ví lɛ́ɛ wɛ nyí akɔta e syɛ́n hú akɔta ɖě lɛ́ɛ é. Amɔ̌, yě bǐ wɛ ná vɔ gbe ɖokpó.”

Matíe 25:46

Mɛ nyanya énɛ́ lɛ́ɛ ɔ́, è nǎ ɖo tó dɔn nú yě wɛ ma gbokɔ, bɔ mɛ e bló jlǒ Mawu tɔn lɛ́ɛ ná yi gbɛ mavɔ mavɔ mɛ.”

Matíe 28:18

Jezu ka sɛ yá yě, bó ɖɔ nú yě ɖɔ: “Mawu ná acɛ e ɖo jǐnukúnsin, kpódó ée ɖo ayǐkúngban jí ɔ́ kpó bǐ mì.

Luki 19:12

Bɔ é ɖɔ: “Nya nukúnɖéjí ɖé wɛ sɔ́nǔ xwe to línlín ɖé mɛ, nú è nǎ yi sɔ́ ɛ axɔ́sú, bɔ é ná lɛ́ kɔ wá xwé.

Luki 19:27

Kɛntɔ́ ce e ka ɖɔ nyɛ kún ná ɖu axɔ́sú ɖo émí nu ó lɛ́ɛ ɔ́, mi dɔn yě bǐ wá fí, bó hu yě ɖo nukún ce mɛ.’ ”

1 Kɔlɛ́ntinu 15:25

Đó Klísu ɖó ná ɖo axɔ́sú ɖu wɛ káká bɔ Mawu ná ɖu ɖo kɛntɔ́ lɛ́ɛ bǐ jǐ, bó ná bɛ́ yě dó afɔ tɔn lɛ́ɛ glɔ́.

Eblée 1:8

Lo ɔ́, Mawu ɖɔ dó vǐ ɔ́ wú ɖɔ: “Óo! Mawu, axɔ́súzinkpo towe ɖo te káká sɔ́yi. Hwɛjijɔ jí wɛ axɔ́súɖuɖu towe jínjɔ́n.

1 Piyɛ́ɛ 3:22

Jezu Klísu ɔ́ wɛ yi sɛ́xwé bó jínjɔ́n ɖisíxwé nú Mawu; fínɛ́ wɛ é ɖu axɔ́sú nú wɛnsagun lɛ́ɛ bǐ kpó acɛkpikpa lɛ́ɛ bǐ kpó, kpódó hlɔ̌nhlɔ́n lɛ́ɛ bǐ kpán ɖe.

Nǔɖexlɛ́mɛ 19:16

È wlǎn nyǐkɔ ɖé dó awu tɔn kpó asá tɔn kpó wú; è wlǎn ɖɔ: “Axɔ́sú axɔ́sú lɛ́ɛ tɔn; Aklúnɔ aklúnɔ lɛ́ɛ tɔn.”