Kɛ́nsísɔ́ 24:17 - MAWUXÓWÉMA

¹⁷ Un mɔ nǔ e ɖo nǎ jɛ wɛ ɔ́, amɔ̌, égbé wɛ nǔ ɔ́ ná jɛ ǎ. Ayi ce ɖo nǔ e ná jɛ ɔ́ mɔ wɛ. É kó wá yá ɔ́, nǔ ɔ́ ná jɛ. Sunví ɖokpó tɔ́n ɖo Jakɔ́bu kúnkan lɛ́ɛ mɛ. Axɔ́sú ɖaxó ɖokpó tɔ́n ɖo Izlayɛ́li togun ɔ́ tɛ́ntin. É zin gǎnkpogɛ tɔn dó tókpá nú Mɔwabunu lɛ́ɛ. É dó gǎnkpogɛ tɔn dó ta nú Sɛ́ti ví lɛ́ɛ.

Kɛ́nsísɔ́ 24:17 Iomraidhean Croise

Bǐbɛ́mɛ 49:10

Axɔ́sú kpogɛ ɔ́ ná nɔ Judáa hɛ́nnu mɛ, gǎn kpogɛ ɔ́ ná nɔ vǐ tɔn lɛ́ɛ sín alɔmɛ, káká jɛ hwenu e mɛ e tɔn é nyí ɔ́ ná wá, bɔ togun lɛ́ɛ ná se tónú n'i é.

2 Samuwɛ́li 8:14

É zé tokpɔngán lɛ́ɛ ɖó Edɔ́munu lɛ́ɛ nu gǎnnugǎnnu, bɔ Edɔ́munu lɛ́ɛ húzú kannumɔ Davídi tɔn. Mawu Mavɔmavɔ dó alɔ Davídi bɔ é fun ahwan gbɔn fí ɖěbǔ ɔ́, é nɔ ɖu ɖ'é jí.

2 Samuwɛ́li 8:2

É lɛ́ ɖu ɖo Mɔwabunu lɛ́ɛ jí. É ná gbe bɔ yě bǐ mlɔ́ kɔ́ mɛ bɔ è nɔ xa mɛ atɔn bó nɔ́ hu we bó nɔ́ jó ɖokpó dó. Énɛ́ ɔ́, é wá kpo gbɛtɔ́ atɔnvlɔ́ɖó ɖo gbɛ ɖo to ɔ́ mɛ. Sín hwenɛ́nu ɔ́, Mɔwabunu lɛ́ɛ húzú kannumɔ Davídi tɔn, bo nɔ hɛn nǔjɔ wá n'i.

2 Axɔ́sú 3:5

Lo ɔ́, ée Akábu zán wá kú ɔ́, axɔ́sú Mɛca fɔ́n gǔ dó Yolámu e jɛ tɛn tɔn mɛ ɔ́ jí.

1 Tan 18:2

É lɛ́ ɖu ɖo Mɔwabunu lɛ́ɛ jí, bɔ yě húzú kannumɔ tɔn, bó nɔ hɛn nǔjɔ wá n'i.

Ɖɛhan 110:2

Mawu Mavɔmavɔ ná vlɔ́n kan nú axɔ́súɖuto towe, Sinyɔ́ɔ wɛ é ná bɛ́ sín; hwɛ ɔ́, a nǎ kpa acɛ nú kɛntɔ́ towe lɛ́ɛ.

Ɖɛhan 45:6

Gǎ towe lɛ́ɛ sín nu xwíɖí; gǎ towe ná xo kɛntɔ́ towe lɛ́ɛ sín hǔn zlɛ́, togun lɛ́ɛ ná j'ayǐ ɖo nukɔn towe.

Ezayíi 15:1

Xó e Mawu ɖɔ dó Mɔwabu jí é ɖíe: È sɔ́ zǎn ɖokpó ɖó te bó gba Aa-Mɔwabu, zǎn ɖokpó mɛ kpowun ɔ́, è ba ɛ kpo. È sɔ́ zǎn ɖokpó ɖó te bó gba Kíi-Mɔwabu, zǎn ɖokpó mɛ kpowun ɔ́, è ba ɛ kpo.

Ezayíi 9:7

Aklúnɔ ɖɔ xó dó Jakɔ́bu ví lɛ́ɛ wú; xó e é ɖɔ ɔ́ jɛ dó axɔ́súɖuto Izlayɛ́li tɔn ɔ́ jí.

Jelemíi 48:1

Xó e Mawu Mavɔmavɔ Nǔbǐwúkpétɔ́, Mawu Izlayɛ́li tɔn ɖɔ dó Mɔwabu wú é ɖíe: “Awě tɛ́ ɖíe ká xo mɛ e ɖo Nɛbo toxo ɔ́ mɛ lɛ́ɛ e! È gba toxo yětɔn bǐ. Ahwi xo Kiliyatayimu toxo ɔ́, din ɔ́, kɛntɔ́ lɔ mɛ wɛ é ɖe. Ahwi xo toxo énɛ́ e mɛ kɛntɔ́ ma nɔ́ sixú byɔ́ gbeɖé ǎ é, é ɖu winnyá, è gba to ɔ́ bǐ.

Jelemíi 48:45

Mɛ e ná hɔn lɛ́ɛ ɔ́, nǔ ná ci kɔ nú yě, bɔ yě ná ɖɔ émí ná hwlá cí Hɛcibɔ́ni. Lo ɔ́, myɔ ɖokpó ná wlí ɖo Hɛcibɔ́ni to ɔ́ mɛ, ɖo axɔ́sú Sihɔ́ni sín hɔnmɛ. Zo ɔ́ ná fyɔ́ zǐngídiɖútɔ́ énɛ́ lɛ́ɛ sín to, bɛ́ sín to ɔ́ sín dogbó lɛ́ɛ jí káká wá to ɔ́ tɛ́ntin.

Zakalíi 10:4

Judáa togun ɔ́ mɛ wɛ gǎn alɔkpa alɔkpa lɛ́ɛ ná tɔ́n sín, bó ná syɛ́n awǐnnya e ɖo xɔzwe jí é ɖɔhun. Yě ná syɛ́n goxɔ sín dotín ɖɔhun. Yě ná ɖó hlɔ̌nhlɔ́n da e è nɔ dó fun ahwan ná é ɖɔhun.

Zakalíi 12:10

Énɛ́ ɔ́, un ná gba wǔjɔmɛ kpó vosisa kpó sín yɛ kɔn nyi Davídi xwé ɔ́ kpó Jeluzalɛ́munu lɛ́ɛ kpó jí, bɔ yě ná sɔ́ nukún yětɔn ɖó nyɛ mɛ e yě sɔ́ hwǎn é wú. Yě ná ví mì, lě e è nɔ ví vǐɖokpónɔ e kú nú mɛ é ɖɔhun. Yě ná ví mì, bó só hehe, lě e è nɔ ví nukɔngbéví e kú nú mɛ é ɖɔhun.

Kɛ́nsísɔ́ 21:29

Heelú we Mɔwabu! Mi bǐ dɔn, mi mɛ e nɔ sɛn vodún Kemɔci lɛ́ɛ ɔ́, mi bǐ dɔn. Súnnu e gán ɖ'é mɛ lɛ́ɛ kpó nyɔ̌nu kpó bǐ wɛ è wlǐ ahwankannumɔ yětɔn. È wlǐ ahwankannumɔ yětɔn yi jó nú Sihɔ́ni, Amɔliti lɛ́ɛ xɔ́sú ɔ́.

Kɛ́nsísɔ́ 24:16

Nyɛ mɛ e nɔ se xó e Mawu nɔ́ ɖɔ lɛ́ɛ ɔ́, xó e un ɖɔ ɔ́ ɖíe. Nyɛ mɛ e nɔ mɔ do nú tito Ajalɔ̌nlɔn ɔ́ tɔn lɛ́ɛ ɔ́, xó e un ɖɔ ɔ́ ɖíe. Nyɛ mɛ e nɔ mɔ nǔɖexlɛ́mɛ Nǔbǐwúkpétɔ́ ɔ́ tɔn lɛ́ɛ ɔ́, xó e un ɖɔ ɔ́ ɖíe. Nyɛ mɛ e ɖo sinsɛn ɛ wɛ ɔ́, é nɔ́ ɖe éɖée xlɛ́ mì ɔ́, xó e un ɖɔ ɔ́ ɖíe.

Luki 1:78

Đó Mawu mǐtɔn ɔ́, nǔbláwǔkúnúmɛtɔ́ wɛ, bó ká lɛ́ fá xomɛ; é ná bló bɔ hwlɛngán sín wěziza ɔ́ ná hɔ́n dó mǐ jí sín jǐxwé hwesivɔ́ ɖɔhun;

Eblée 1:8

Lo ɔ́, Mawu ɖɔ dó vǐ ɔ́ wú ɖɔ: “Óo! Mawu, axɔ́súzinkpo towe ɖo te káká sɔ́yi. Hwɛjijɔ jí wɛ axɔ́súɖuɖu towe jínjɔ́n.

Eblée 7:14

È tunwun ganjí ɖɔ Judáa kún mɛ wɛ é jɔ ɖe, bɔ Mɔyízi ka ɖɔ xó ɖěbǔ dó kún énɛ́ wú hwenu e é ɖɔ vɔ̌sánú-xwlémawutɔ́ lɛ́ɛ sín xó é ǎ.

2 Piyɛ́ɛ 1:19

Énɛ́ ɔ́ zɔ́n bɔ mǐ lɛ́ ɖó jiɖiɖe dó wɛn e gbeyíɖɔ Mawu tɔn lɛ́ɛ dó ɔ́ wú ganjí. Ényí mi wlí tó wú ganjí ɔ́, é ná nyɔ́, ɖó é cí zogbɛ́n e ɖo ɖɛ̌ ɖi wɛ ɖo zǐnflú mɛ káká bɔ ayǐ ná hɔ́n, bɔ sunví zǎnzǎn tɔn ná ná wěziza dó ayi mitɔn mɛ ɔ́ ɖɔhun.

Judi 1:11

Heelú yě, ɖó ali e Kanyɛ́ɛ gbɔn ɔ́ wɛ yě mlɛ́. Yě jó yěɖée dó nú nǔ wa nyi do, bó ná dó mɔ akwɛ́ Baláamu ɖɔhun. Yě dɔn, ɖó yě fɔ́n gǔ Kolée ɖɔhun.

Nǔɖexlɛ́mɛ 1:7

Mi kpɔ́n! É jǎwe ɖo akpɔ́kpɔ́ mɛ! Mɛ bǐ ná mɔ ɛ; mɛ e sɔ́ hwǎn ɛ lɛ́ɛ lɔ ná mɔ ɛ. Akɔta e ɖo ayǐkúngban jí lɛ́ɛ bǐ ná ná alě ɖó éyɛ́ wú. Nǔgbó wɛ, é ná nyí mɔ̌! Amǐ.

Nǔɖexlɛ́mɛ 11:15

Énɛ́ ɔ́ gúdo ɔ́, wɛnsagun Mawu tɔn tɛ́nwegɔ́ ɔ́ kún kpɛn, bɔ gbe ɖaxó ɖé lɛ́ɛ ɖi ɖo jǐxwé bó ɖɔ: “Axɔ́súɖuɖu gbɛ ɔ́ tɔn nyí Aklúnɔ mǐtɔn kpó Klísu tɔn kpán tɔn lo! Bɔ é ná ɖu axɔ́sú káká sɔ́yi.”

Nǔɖexlɛ́mɛ 22:16

“Nyɛ Jezu ɔ́, un sɛ́ wɛnsagun ce dó mi, nú é ná ɖɔ nǔ énɛ́ lɛ́ɛ bǐ nú mi ɖo agun lɛ́ɛ mɛ. Davídi sín hɛ̌nnu mɛ wɛ un jɔ ɖe; un nyí sunví zǎnzǎn tɔn e nɔ kɔ́n é.”

1 Samuwɛ́li 14:38

Énɛ́ ɔ́, Sawúlu ylɔ́ gǎn lɛ́ɛ bǐ, bó ɖɔ: “Mi ba do nú hwɛ e jɛ́n mǐ hu égbé é.