Kɛ́nsísɔ́ 23:9 - MAWUXÓWÉMA

⁹ Un ɖo awǐnnya jí aga bo ɖo togun ɔ́ mɔ sɛ́ dó wɛ. Un ɖo só jí aga bo ɖo togun ɔ́ kpɔ́n sɛ́ dó wɛ. Togun ɖé wɛ bó ɖo vo. É ɖo akɔta ɖě lɛ́ɛ mɛ ǎ.

Kɛ́nsísɔ́ 23:9 Iomraidhean Croise

Ɛsidlási 9:2

Yě ɖésúnɔ da nyɔ̌nu togun énɛ́ lɛ́ɛ mɛ tɔn lɛ́ɛ, bó da nú vǐ yětɔn súnnu lɛ́ɛ, bɔ togun mímɛ́ ɔ́ ján dó to énɛ́ ɔ́ mɛ nu lɛ́ɛ mɛ. Gǎn lɛ́ɛ kpódó hwɛɖɔtɔ́ lɛ́ɛ kpó wɛ nyí mɛ nukɔntɔn e dó nǔ baɖabaɖa énɛ́ ɔ́ sin é.”

Ɛsitɛ́ɛ 3:8

Hamáa ɖɔ nú axɔ́sú Zɛ̌ɛzɛsi ɖɔ: “Sɛ́mɛɖó e, togun ɖé tíin bó ɖo axɔ́súɖuto mɛtɔn mɛ, bó gba kpé tokpɔn lɛ́ɛ bǐ mɛ. Togun énɛ́ ɔ́ gbɔn vo ɖo togun ɖě lɛ́ɛ bǐ mɛ, bɔ walɔ tɔn gbɔn vo nú togun ɖě lɛ́ɛ bǐ tɔn; mɛ e ɖo togun énɛ́ ɔ́ mɛ lɛ́ɛ nɔ nyi sɛ́n mɛtɔn lɛ́ɛ ǎ; è nǎ agbɔ̌n mɛ énɛ́ lɛ́ɛ ɔ́, é ná nyɔ́ nú mɛ ǎ.

Tíntɔ́n 33:16

Đó nú hwi ɖésú kpó mǐ kpó má zɔn ǎ ɔ́, nɛ̌ wɛ è ka ná tunwun ɖɔ a nǎ fɛ́nú towe nyɛ kpó togun towe kpó gbɔn? Nú a ɖo kpɔ́ xá mǐ ɔ́ wɛ ná ɖe xlɛ́ ɖɔ mǐ gbɔn vo nú togun ɖě lɛ́ɛ e ɖo ayǐkúngban jí lɛ́ɛ.”

Jelemíi 46:28

Mɛsɛntɔ́ ce Izlayɛ́li, ma sɔ́ ɖi xɛsi ɖě ó, ɖó un ɖo kpɔ́ xá we. Togun e mɛ un gba mi dó gbɔn lɛ́ɛ ɔ́, un ná sú bǐ kún dó. Amɔ̌, hwɛ ɔ́, un ná sú kún towe dó ǎ, lo ɔ́, un dɔn tó nú we lě e é jɛ xá gbɔn é. Un sixú jó we dó xomɛvɔ́ wɛ a ɖe ɖɔhun ǎ.”

Jelemíi 49:31

Mawu Mavɔmavɔ ɖɔ nú Babilɔ́nu xɔ́sú ɔ́ ɖɔ: “Sí te! Yi tɔ́n ahwan akɔta énɛ́ e ma ɖo nǔɖé lin kpɔ́n wɛ ǎ é; é nɔ́ mɔ ɖɔ nǔɖé kún sixú dó tagba nú émí ó; é ɖo xɛsi ɖi nú nǔɖé wɛ káká bó ná dó hɔn xɔnu ǎ. É yi cí zɔ nú mɛ bǐ. Yi tɔ́n ɛ ahwan.

Amɔ́si 9:9

Đó din ɔ́, un ná ɖe gbe bɔ è nǎ ɖe ɖɛ akɔta Izlayɛ́li tɔn ɔ́ sín akɔta ɖě lɛ́ɛ mɛ, lě e è nɔ ɖe ɖɛ jinukún bɔ kɛ́n ɖěbǔ má nɔ́ ján d'é mɛ ǎ é ɖɔhun.

Micée 7:14

Mawu Mavɔmavɔ, zě lɛ̌ngbɔ́nyitɔ́ kpogɛ towe dó kplá togun towe ná, ɖó é ɖo zɔ ɖo ayǐkúngban e jí nǔɖé má nɔ nyɔ́ ɖe ǎ é, có ayǐkúngban ɖagbe kɛ́ɖɛ́ wɛ ka lɛ́ lɛ̌ dó e, kplá ɛ yi ayǐkúngban ɖagbe ɖagbe Basáni tɔn kpó Galadi tɔn kpó jí, lě e a ko nɔ wa gbɔn ɖ'ayǐ é.

2 Kɔlɛ́ntinu 6:17

Énɛ́ ɔ́ wú wɛ Aklúnɔ ɖɔ: “Mi ɖó ná gosín yě mɛ, bó ná klán xá yě; mi ma ɖó alɔ nǔ e nyí suɖunú ɔ́ ɖě wú ó, énɛ́ ɔ́, nyɛ ná yí mi.

Sɛ́nflínmɛ 32:8

Hwenu e Mawu Ajalɔ̌nlɔn má to ɔ́ nú gbɛtɔ́ lɛ́ɛ ɔ́, é ɖó dogbó nú akɔta lɛ́ɛ. É sɔ́ togun lɛ́ɛ ɖokpó ɖokpó ɖó wɛnsagun ɖokpó glɔ́.

Sɛ́nflínmɛ 33:28

Izlayɛ́li ví lɛ́ɛ sín ayi jɛ ayǐ ɖo xwé yětɔn lɛ́ɛ gbe. Jakɔ́bu ví lɛ́ɛ vo ɖo to e mɛ ahǔn nɔ́ ja kpɔ́ gégé sín jǐxwé, bɔ jinukún kpó vǐwuntín kpó nɔ́ nyɔ́ ɖe é mɛ.

Titu 2:14

É sɔ́ éɖée jó dó ta mǐtɔn mɛ, bó ná xɔ mǐ ɖo nǔ nyanya bǐ mɛ, bó ná sɔ́ mǐ dó bló togun mímɛ́ e nyí é ɖokpónɔ géé tɔn ɔ́ ná, bɔ mǐ ná nɔ́ ɖó kan dó nǔ ɖagbe wiwa wú.

1 Piyɛ́ɛ 2:9

Amɔ̌ midɛɛ lɛ́ɛ ɔ́, akɔta e è cyán ɔ́ wɛ mi nyí, bó nyí vɔ̌sánú-xwlémawutɔ́ axɔ́sú ɔ́ tɔn; akɔta ɖe ɖó vo wɛ mi nyí, bó nyí togun Mawu tɔn. Mawu e ylɔ́ mi nú mi ná gosín ablu mɛ, bó wá wěziza tɔn ɖagbe ɖagbe ɔ́ nu ɔ́ cyán mi bónú mi ná jlá azɔ̌ ɖagbe ɖagbe e é nɔ wa lɛ́ɛ.