Kɛ́nsísɔ́ 23:4 - MAWUXÓWÉMA

⁴ bɔ Mawu wá ɖe éɖée xlɛ́ ɛ ɖo fínɛ́, bɔ Baláamu ɖɔ n'i ɖɔ: “Un mɛ vɔ̌sákpe tɛ́nwe lɛ́ɛ, bó sɔ́ nyibúsú ɖokpó, agbo ɖokpó dó sá vɔ̌ ná ɖo vɔ̌sákpe lɛ́ɛ ɖokpó ɖokpó jí.”

Kɛ́nsísɔ́ 23:4 Iomraidhean Croise

Kɛ́nsísɔ́ 22:20

Mawu wǎ Baláamu gɔ́n zǎn mɛ, bó ɖɔ n'i ɖɔ: “Ée é nyí ɖɔ mɛ élɔ́ lɛ́ɛ ɔ́, ylɔ̌ wɛ yě wǎ ylɔ́ we ɔ́, sɔ́ nǔ bó xwedó yě. Amɔ̌, nǔ e un ná ɖɔ nú we ɔ́ wɛ a nǎ bló.”

Kɛ́nsísɔ́ 22:9

Mawu wǎ Baláamu gɔ́n, bó kanbyɔ́ ɛ ɖɔ: “Mɛ̌ ká nyí mɛ élɔ́ lɛ́ɛ e a yǐ dó xwé towe gbe ɔ́?”

Kɛ́nsísɔ́ 23:1

Baláamu ɖɔ nú Balaki ɖɔ: “Mɛ vɔ̌sákpe tɛ́nwe ɖó fí nú mì, bó hɛn nyibúsú tɛ́nwe kpódó agbo tɛ́nwe kpó wá nú mì.”

Kɛ́nsísɔ́ 23:16

Mawu Mavɔmavɔ wá ɖe éɖée xlɛ́ Baláamu, bó ɖɔ xó e é ɖó ná ɖɔ lɛ́ɛ n'i. Énɛ́ ɔ́ gúdo ɔ́, é ɖɔ n'i ɖɔ é ní lɛ́ kɔ yi Balaki gɔ́n, bó ɖɔ xó e émí ɖɔ n'i ɔ́ n'i.

Kɛ́nsísɔ́ 23:3

Baláamu ɖɔ nú Balaki ɖɔ: “Nɔ vɔ̌ towe kɔn fí, nú nyɛ má yi nɔ zɔ. Afɔ nyɔ́ ɔ́, Mawu Mavɔmavɔ sixú wá ɖe éɖée xlɛ́ mì. Énɛ́ ɔ́, un ná ɖɔ xó e é ná ɖɔ nú mì ɔ́ nú we.” Ée Baláamu ɖɔ mɔ̌ ɔ́, é yi xá só kpɛví ɖé jí,

Kɛ́nsísɔ́ 23:5

Mawu Mavɔmavɔ ka ɖɔ xó e Baláamu ɖó ná ɖɔ lɛ́ɛ n'i. Énɛ́ ɔ́ gúdo ɔ́, é ɖɔ n'i ɖɔ ní lɛ́ kɔ yi Balaki gɔ́n, bó yi ɖɔ xó e émí ɖɔ n'i ɔ́ n'i.

Matíe 20:12

bó nɔ́ ɖɔ: ‘Yě mɛ e wá gbɔn gǔdo lɛ́ɛ ɔ́, gan xixo ɖokpó jɛ́n wɛ yě dó wa azɔ̌ ná. A ka sú axɔ́ ɖokpó ɔ́ yě kpódó mǐ kpó; mǐdɛɛ lɛ́ɛ ka ko wá jɛ nukɔn, bó xú hwesivɔ́ káká wá jɛ din, bɔ nǔ cikɔ nú mǐ.’

Luki 18:12

Nyɛ ɔ́, un nɔ blá nu azɔn we ɖo aklúnɔzángbla ɖokpó mɛ, bɔ nǔ e un ɖó lɛ́ɛ bǐ ɔ́, un nɔ ná mǎɖówǒ tɔn.’

Jǎan 16:2

È nǎ wá ɖe mi sín kplɔ́ngbasá lɛ́ɛ. Gan ɔ́ ko ɖo nǎ xo wɛ lɔ, bɔ mɛ ɖěbǔ hu mi ɔ́, mɛ ɔ́ ná vɛdó ɖɔ Mawu sín azɔ̌ wa wɛ émí ɖe nɛ́ sín.

Hlɔ̌manu 3:27

Hǔn, nǔ e wú gbɛtɔ́ lɛ́ɛ ná ɖó dó, bó dó yí go ɔ́ ɖě sɔ́ tíin a? Éeǒ! Đokpó géé lě tíin ǎ. Étɛ́wú nǔ ká nyí mɔ̌? Đó yě nɔ bló nǔ e sɛ́n ɔ́ zɔ́n ɔ́ wútu wɛ a? Éeǒ! Lo ɔ́, nǔ e yě ɖi nú Klísu ɔ́ wútu wɛ.

Efɛ́zinu 2:9

É nyí nǔ e mi wa lɛ́ɛ sín ajɔ wɛ ǎ; énɛ́ ɔ́, mɛ ɖěbǔ sixú yí go ná ǎ.