Kɛ́nsísɔ́ 23:3 - MAWUXÓWÉMA

³ Baláamu ɖɔ nú Balaki ɖɔ: “Nɔ vɔ̌ towe kɔn fí, nú nyɛ má yi nɔ zɔ. Afɔ nyɔ́ ɔ́, Mawu Mavɔmavɔ sixú wá ɖe éɖée xlɛ́ mì. Énɛ́ ɔ́, un ná ɖɔ xó e é ná ɖɔ nú mì ɔ́ nú we.” Ée Baláamu ɖɔ mɔ̌ ɔ́, é yi xá só kpɛví ɖé jí,

Kɛ́nsísɔ́ 23:3 Iomraidhean Croise

Bǐbɛ́mɛ 22:13

Hwe énɛ́ ɔ́ nu ɔ́, Ablaxámu mɔ agbo ɖokpó sɛ́ dó ɖo zunkan mɛ, bɔ zo tɔn dɔ́ dó zunkan mɛ. Ablaxámu yi zé agbo ɔ́, bó dó wá sá vɔ̌ nú Mawu ɖó vǐ tɔn tɛnmɛ.

Bǐbɛ́mɛ 22:2

Bɔ Mawu ɖɔ n'i ɖɔ: “Zě vǐɖokpónɔ towe Izáki; vǐ énɛ́ ɔ́ e a yǐ wǎn ná sɔ mɔ̌ ɔ́, zě e, bó yi Mɔliya; un ná xlɛ́ we só ɖé ɖo to énɛ́ ɔ́ mɛ, bɔ a nǎ zě vǐ ɔ́ dó sá vɔ̌ nú mì, ɖo só ɔ́ jí.”

Bǐbɛ́mɛ 8:20

Ée yě tɔ́n ɔ́, Nɔwée bló vɔ̌sákpe ɖokpó nú Mawu Mavɔmavɔ, bó fɔ kanlin tɛnmɛ tɛnmɛ e ma vɛ́ mɛ ǎ lɛ́ɛ ɖokpó ɖokpó, xɛ tɛnmɛ tɛnmɛ e ma vɛ́ mɛ ǎ lɛ́ɛ ɖokpó ɖokpó, bó bɛ́ bǐ dó sá vɔ̌ e è nɔ dó zo ɔ́ nú Mawu Mavɔmavɔ ɖo vɔ̌sákpe ɔ́ jí.

Tíntɔ́n 18:12

Jetlo, Mɔyízi sín asitɔ́ ɔ́ sá vɔ̌ e è nɔ dó zo ɔ́ kpódó kɔnɖókpɔ́ sín vɔ̌ lɛ́ɛ kpó nú Mawu. Aalɔ́ɔn kpódó tomɛxó lɛ́ɛ bǐ kpó wá ɖu kɔnɖókpɔ́ nǔɖuɖu ɔ́ xá Mɔyízi sín asitɔ́ ɔ́, ɖo Mawu nukɔn.

Levíi ví 1:1

Mawu Mavɔmavɔ nɔ goxɔ e mɛ é nɔ́ kpé togun tɔn ɖe ɔ́ mɛ, bó ylɔ́ Mɔyízi, bó ɖɔ n'i ɖɔ

Kɛ́nsísɔ́ 23:12

Baláamu ka kanbyɔ́ ɛ ɖɔ: “Xó e Mawu Mavɔmavɔ ɖɔ nú mì ɔ́ kɛ́ɖɛ́ wɛ un ɖó ná nɔ́ ɖɔ a cé?”

Kɛ́nsísɔ́ 23:15

Baláamu ɖɔ nú Balaki ɖɔ: “Nɔ vɔ̌ towe kɔn fí, nú nyɛ má yi ɖótó Mawu.”

Kɛ́nsísɔ́ 23:2

Balaki bló nǔ e Baláamu ɖɔ é; énɛ́ ɔ́, Balaki kpó Baláamu kpó sɔ́ nyibúsú ɖokpó ɖokpó, agbo ɖokpó ɖokpó dó sá vɔ̌ ná ɖo vɔ̌sákpe lɛ́ɛ ɖokpó ɖokpó jí.

Kɛ́nsísɔ́ 23:26

Bɔ Baláamu ɖɔ n'i ɖɔ: “Un ma ka ko ɖɔ nú we ɖ'ayǐ ɖɔ nǔ e Mawu Mavɔmavɔ ɖɔ nyɛ ní wa lɛ́ɛ bǐ wɛ un ná wa a?”

Kɛ́nsísɔ́ 23:4

bɔ Mawu wá ɖe éɖée xlɛ́ ɛ ɖo fínɛ́, bɔ Baláamu ɖɔ n'i ɖɔ: “Un mɛ vɔ̌sákpe tɛ́nwe lɛ́ɛ, bó sɔ́ nyibúsú ɖokpó, agbo ɖokpó dó sá vɔ̌ ná ɖo vɔ̌sákpe lɛ́ɛ ɖokpó ɖokpó jí.”

Kɛ́nsísɔ́ 24:1

Baláamu mɔ ɖɔ Mawu Mavɔmavɔ ba ɖɔ émí ní xo ɖɛ dó Izlayɛ́li ví lɛ́ɛ jí. Énɛ́ ɔ́, é sɔ́ xaji yi Mawu Mavɔmavɔ nukɔn ɖ'ayǐ tɔn lɛ́ɛ ɖɔhun, bó ná se xó e é ná ɖɔ n'i é ǎ. Lo ɔ́, é lílɛ́ kpan nukɔn gbětótló mɛ,

Matíe 4:8

Awǒvi lɛ́ kplá ɛ yi só ɖé jí; só ɔ́ yi jǐ ɖésú; é xlɛ́ ɛ axɔ́súɖuto gbɛmɛ fí tɔn lɛ́ɛ, kpódó dɔkun yětɔn lɛ́ɛ kpan,

Jozuwée 24:10

Un ka jló ná ɖótó Baláamu ǎ; bɔ é gbɔ bó xo ɖɛ dó mi jí bɔ un hwlɛ́n mi sín así tɔn.