Kɛ́nsísɔ́ 23:23 - MAWUXÓWÉMA

²³ Bǒ sixú kpé Jakɔ́bu ví lɛ́ɛ wú ǎ Vodún sixú wa nǔ ɖěbǔ nú yě ǎ. Hwe tɔn nu ko wá su ɔ́, è nǎ ɖɔ nǔ e Mawu wa ɔ́ nú yě.

Kɛ́nsísɔ́ 23:23 Iomraidhean Croise

Bǐbɛ́mɛ 3:15

Un ná bló bɔ hwi kpó nyɔ̌nu ɔ́ kpó ɔ́, mi ná nɔ́ mɔ miɖée gbɔ gbeɖé ǎ; kúnkan towe kpó kún tɔn kpó ɔ́, yě ná nɔ́ mɔ yěɖée gbɔ gbeɖé ǎ. Kúnkan tɔn ná nɔ́ nyínyɛ́ ta nú we, bɔ hwɛ ká ná nɔ́ gblé wǔ éyɛ́ tɔn dó afɔgbɛnnu.”

Ɖɛhan 31:19

Yě mɛ adingbannɔ nɛ́ lɛ́ɛ, goyítɔ́ nɛ́ lɛ́ɛ, wǎngbɛ́númɛtɔ́ nɛ́ lɛ́ɛ ɔ́, yě mɛ énɛ́ lɛ́ɛ e nɔ́ syɛ́n ta, bo nɔ́ kpɔ́n nukún mɛ nú hwɛjijɔnɔ é ɔ́, ɖɛ̌ yětɔn ní tɛ́.

Ɖɛhan 64:9

Đɛ̌ yětɔn wɛ zin yě dɛ́; mɛ e mɔ yě lɛ́ɛ bǐ wɛ nɔ́ húnhún ta bo nɔ ko yě.

Ezayíi 41:4

Mɛ̌ wɛ zɔ́n nǔ énɛ́ lɛ́ɛ? Nyɛ Mawu Mavɔmavɔ wɛ; nyɛ wɛ nɔ zɔ́n nǔ e nɔ jɛ ɖo gbɛ ɔ́ mɛ lɛ́ɛ sín do. Có nú nǔ nukɔntɔn e jɛ ɔ́ ná bɛ́ ɔ́, un ɖo tɛn tɔn mɛ; nǔ gǔdo gúdo tɔn e ka ná wá jɛ ɔ́, un ná lɛ́ ɖo tɛn tɔn mɛ.

Ezayíi 44:25

Din ɔ́, nǔ e ná wá jɛ bɔ nǔkantɔ́ lɛ́ɛ nɔ́ ɖɔ lɛ́ɛ ɔ́, un sɔ́ bǐ dó húzú nǔ yǎyá. Nǔmɔtɔ́ lɛ́ɛ ɔ́, un sɔ́ yě dó húzú xlonɔ; un nya nǔnywɛ́tɔ́ lɛ́ɛ dó gbě, un sɔ́ nǔnywɛ́ yětɔn dó húzú gblǒ.

Ezekiyɛ́li 21:21

Hwǐ ɖíɖá, hu mɛ ɖo aɖisí, hu mɛ ɖo amyɔ, hu gbɔn fí bǐ.

Daniyɛ́li 9:15

“Aklúnɔ, Mawu mǐtɔn, hwenu e a zě hlɔ̌nhlɔ́n towe e nukɔn mɛɖé ma sixú nɔ te ɖe ǎ é dó ɖe togun towe tɔ́n sín Ejípu ɔ́, nyǐkɔ towe yi jǐ, bó kpo ɖo mɔ̌ káká wá jɛ égbé. Lo ɔ́, mǐdɛɛ lɛ́ɛ ɔ́, mǐ hu hwɛ, mǐ jɛ agɔ dó we.

Micée 7:15

Wa nǔjíwǔ ɖo tɛ́ntin mǐtɔn hwenu e a ɖe mǐ tɔ́n sín Ejípu ɔ́ ɖɔhun.

Kɛ́nsísɔ́ 24:1

Baláamu mɔ ɖɔ Mawu Mavɔmavɔ ba ɖɔ émí ní xo ɖɛ dó Izlayɛ́li ví lɛ́ɛ jí. Énɛ́ ɔ́, é sɔ́ xaji yi Mawu Mavɔmavɔ nukɔn ɖ'ayǐ tɔn lɛ́ɛ ɖɔhun, bó ná se xó e é ná ɖɔ n'i é ǎ. Lo ɔ́, é lílɛ́ kpan nukɔn gbětótló mɛ,

Matíe 12:25

Ée Jezu ka mɔ nǔ jɛ ayi yětɔn mɛ ɔ́, é ɖɔ nú yě ɖɔ: “Axɔ́sú ɖé sín to ma ɖó gbe kpɔ́ ǎ ɔ́, to énɛ́ ɔ́ gba wɛ é nɔ́ gba; bɔ to abǐ xwé ɖé tíin bónú mɛ e ɖ'é mɛ lɛ́ɛ sín gbe ma ɖo kpɔ́ ǎ ɔ́, to énɛ́ ɔ́, abǐ xwé énɛ́ ɔ́ gba wɛ é nɔ́ gba.

Matíe 12:27

Ényí ɖɔ yɛ nyanya lɛ́ɛ xɔ́sú Bɛluzebúlu sín hlɔ̌nhlɔ́n wɛ nyɛ nɔ sɔ́ dó nya yɛ nyanya lɛ́ɛ ná ɔ́, mɛ̌ sín hlɔ̌nhlɔ́n wɛ ahwanvú mitɔn lɛ́ɛ ka nɔ dó nya yě ná lo? Énɛ́ ɔ́ wútu wɛ yě ɖésúnɔ ná wá ɖɔ hwɛ xá mi.

Matíe 16:18

Din ɔ́, má ɖɔ nú we: Piyɛ́ɛ wɛ nyǐkɔ towe nɔ́ nyí, tínmɛ tɔn wɛ nyí awǐnnya, bɔ awǐnnya élɔ́ ɔ́ jí wɛ un ná sɔ́ agun ce jínjɔ́n, bɔ kú sín hlɔ̌nhlɔ́n ná sixú wa nǔ ɖěbǔ n'i ǎ.

Jǎan 11:47

Bɔ vɔ̌sánú-xwlémawutɔ́gán lɛ́ɛ kpódó Falizyɛn lɛ́ɛ kpó ylɔ́ kplé toxóɖɔtɔ́ lɛ́ɛ tɔn, bó ɖɔ: “Nɛ̌ mǐ ká ná bló gbɔn nú nya élɔ́? Éɖíe ɖo nǔ gěgé jlɛ́ wɛ e.

Mɛsɛ́dó 10:38

Mi tunwun lě e Mawu gba Yɛsinsɛn sín hlɔ̌nhlɔ́n dó Jezu Nazalɛ́tinu ɔ́ jí gbɔn é; mi lɛ́ tunwun lě e Jezu gbɔn to ɔ́ mɛ, bó wa ɖagbe nú mɛ lɛ́ɛ, bó gbɔ azɔn nú mɛ e ɖo awǒvi sín acɛ mɛ lɛ́ɛ bǐ gbɔn é, ɖó Mawu ɖo kpɔ́ xá ɛ.

Mɛsɛ́dó 15:12

Énɛ́ ɔ́, agun ɔ́ bǐ nɔ abwɛ̌ tóó, bó ɖótó Baanabási kpódó Pɔ́lu kpán, bɔ yě wlǐ nǔ e Mawu jlɛ́ ɔ́, kpódó nǔdábaɖa e é ɖe xlɛ́ gbɔn yě jí, ɖo mɛ e ma nyí Jwifu ǎ lɛ́ɛ tɛ́ntin é bǐ ɖɔ.

Mɛsɛ́dó 4:16

Yě nɔ́ ɖɔ jí: “Nɛ̌ mǐ ká ná wa nya énɛ́ lɛ́ɛ sín nǔ gbɔn? Đó nǔ e Mawu jlɛ́ gbɔn yě jí din ɔ́ ɖo gannaganna; Jeluzalɛ́mu toxo ɔ́ bǐ wɛ mɔ nukúnnú jɛ wú céɖécéɖé ɖɔ yě wɛ bló, bɔ mǐ sixú gbɛ́ ǎ.

Mɛsɛ́dó 5:12

Mawu jlɛ́ nǔ gěgé, bó ɖe nǔdábaɖa gěgé xlɛ́ gbɔn mɛsɛ́dó lɛ́ɛ jí, ɖo togun ɔ́ mɛ. Nǔɖitɔ́ lɛ́ɛ bǐ nɔ́ nɔ kpɔ́ ɖo Salomɔ́ɔ gba jí.

Mɛsɛ́dó 5:14

Mɛ e ɖo nǔ ɖi nú Aklúnɔ wɛ lɛ́ɛ ɖo kpɔ́ su d'é jí wɛ, ɖo súnnu mɛ, ɖo nyɔ̌nu mɛ.

Hlɔ̌manu 16:20

Zaanɖé din ɔ́, Mawu e nɔ ná fífá mɛ ɔ́ ná nyínyɛ́ Satáan dó afɔ mitɔn lɛ́ɛ glɔ́. Fɛ́nú Aklúnɔ mǐtɔn Jezu tɔn ní nɔ kpɔ́ xá mi.

Sɛ́nflínmɛ 3:24

“Aklúnɔ Mavɔmavɔ, a jɛ lě e a kló gbɔn ɔ́, lě e alɔ towe kpé nǔ wú sɔ ɔ́ ɖe xlɛ́ nyɛ mɛsɛntɔ́ towe jí. Nǔmɛsɛn ɖěbǔ ɖo ayǐkúngban jí, abǐ sɛ́xwé, bó sixú bló nǔ e a nɔ bló lɛ́ɛ é ǎ; ɖěbǔ ká sixú jlɛ́ nǔ hwi ɖɔhun ǎ.

Jozuwée 13:22

Nǔkantɔ́ Baláamu Beɔ́ɔ ví ɔ́ lɔ ɖo mɛ e Izlayɛ́li ví lɛ́ɛ hu hwenɛ́nu lɛ́ɛ mɛ.

Nǔɖexlɛ́mɛ 12:9

È zě Dlagɔ́ɔn ɖaxó ɔ́ nyi dó ayǐkúngban jí; é wɛ nyí dan xóxó e è nɔ ylɔ́ ɖɔ awǒvi abǐ Satáan é; é wɛ flú gbɛ ɔ́ bǐ. È zě e nyi dó ayǐkúngban jí, é kpódó wɛnsagun tɔn lɛ́ɛ kpó.