Kɛ́nsísɔ́ 23:21 - MAWUXÓWÉMA

²¹ Mawu Mavɔmavɔ mɔ hwɛ ɖě ɖo Jakɔ́bu ví lɛ́ɛ tɛ́ntin ǎ. É mɔ tagba ɖěbǔ ɖo Izlayɛ́li ví lɛ́ɛ tɛ́ntin ǎ. Mawu Mavɔmavɔ, Mawu yětɔn ɖo kpɔ́ xá yě. É wɛ nyí axɔ́sú Izlayɛ́li togun ɔ́ tɔn. É wɛ nyí axɔ́sú e yě bǐ nɔ́ kpa awǒbóbó ná é.

Kɛ́nsísɔ́ 23:21 Iomraidhean Croise

2 Tan 13:12

Mi ɖótó! Mawu kpódó mɛ e nɔ xwlé vɔ̌sánú i lɛ́ɛ kpó wɛ ɖo mǐ nu. Vɔ̌sánú-xwlémawutɔ́ tɔn lɛ́ɛ ɖo fínɛ́ bó ná kwín kpɛn bɔ è nǎ tɔ́n ahwan mi. Izlayɛ́linu e mi, mi ma fun ahwan xá Mawu Mavɔmavɔ, Mawu tɔ́gbó mitɔn lɛ́ɛ tɔn ó, ɖó mi ná mɔ nu tɔn ǎ.”

Ɖɛhan 103:12

Lě do gbadahwe jí lín dó zǎnzǎnhwe jí sɔ ɔ́, mɔ̌ do wɛ Mawu Mavɔmavɔ nɔ́ sɛ nǔwanyido mǐtɔn lɛ́ɛ dó zɔ nú mǐ sɔ.

Ɖɛhan 118:15

Đuɖéjí kpó hwlɛngán kpó sín axwá wɛ nɔ́ ɖi, ɖo mɛ e nɔ wa nǔ jlɔ́jlɔ́ lɛ́ɛ sín goxɔ sá, bɔ yě nɔ́ ɖɔ: “Mawu Mavɔmavɔ bló nǔ ɖaxó ɖé!

Ɖɛhan 135:21

È nǐ dó kú ɖaxó ɖé nú Mawu Mavɔmavɔ sín Jeluzalɛ́mu. É ɖo Sinyɔ́ɔ só ɔ́ jí. È nǐ kpa susu nú Mawu Mavɔmavɔ.

Ɖɛhan 23:4

Mawu, un na bo ɖo tɔdo mɛ gbɔn wɛ ɖo ablu gɔngɔn mɛ ɔ́, un nɔ ɖi xɛsi nú nǔɖé ǎ, ɖó a ɖo kpɔ́ xá mì; lɛ̌ngbɔ́nyitɔ́kpo towe kpó kpogɛ towe kpó nɔ ná jiɖiɖe mì.

Ɖɛhan 32:2

Nǔ nyɔ́ nú mɛ e Mawu Mavɔmavɔ ma nɔ xa hwɛ dó kɔ ná ǎ é; mɛ e sín ayi mɛ ahizi ɖěbǔ ma ɖe ǎ é.

Ɖɛhan 32:5

Un ɖɔ dó ayi mɛ ɖɔ: “Un jɛ agɔ dó Mawu Mavɔmavɔ; un ná ɖɔ hwɛ ce lɛ́ɛ n'i.” Un ɖɔ hwɛ e un hu ɔ́ nú we, nǔ e un wa nyi do ɔ́, un hwlá dó we ǎ. Énɛ́ ɔ́, hwɛ ɔ́, a ɖe agɔ e un jɛ ɔ́ sín kɔ nú mì. Agbɔ̌n

Ɖɛhan 46:11

Mawu Mavɔmavɔ ɖɔ: “Mi fɔ ahwanfunnú bǐ ɖ'ayǐ! Mi bǐ ní tunwun ɖɔ nyi wɛ nyí Mawu! Un hú gǎn akɔta lɛ́ɛ bǐ. Un hú gǎn nǔ e ɖo ayǐkúngban ɔ́ jí é bǐ.”

Ɖɛhan 46:7

Akɔta lɛ́ɛ ɖo adǎn jí, axɔ́súɖuto lɛ́ɛ ɖo dǐndán wɛ. Mawu ka kɛ nu lě ɔ́, ayǐkúngban ɖésúnɔ nɔ́ sínsín.

Ɖɛhan 97:1

Mawu Mavɔmavɔ wɛ nyí axɔ́sú, gbɛ ɔ́ bǐ ní j'awǎ; xomɛ ní hun tɔtɛ́ntinto wɔ̌buwɔ́bú lɛ́ɛ.

Ɖɛhan 99:2

Mawu Mavɔmavɔ ɔ́, nǔsúɖaxó wɛ é nyí ɖo Sinyɔ́ɔ, é hú gǎn togun lɛ́ɛ bǐ.

Tíntɔ́n 13:21

Mawu Mavɔmavɔ nɔ́ ɖo nukɔn yětɔn ɖo akpɔ́kpɔ́ ɖaxó ɖé mɛ kéze, bó nɔ́ xlɛ́ ali yě; é jɛ zǎn mɛ ɔ́, é nɔ́ ɖo nukɔn yětɔn ɖo myɔ ɖé mɛ, bó nɔ́ ná wěziza yě, bónú yě ná nɔ sixú ɖo yiyi wɛ zǎn kpó kéze kpó.

Tíntɔ́n 3:12

Mawu ká ɖɔ n'i ɖɔ: “Un ɖo kpɔ́ xá we. Nǔ e ná ɖe xlɛ́ we ɖɔ nyɛ wɛ sɛ́ we dó ɔ́ ɖíe: a ɖe togun ɔ́ tɔ́n sín Ejípu ɔ́, mi ná wá sɛn mì ɖo só élɔ́ jí.”

Tíntɔ́n 34:9

bó ɖɔ: “Aklúnɔ, nú a nǎ fɛ́nú towe mì nǔgbó hǔn, kɛnklɛ́n bó wá nɔ tɛ́ntin mǐtɔn; togun élɔ́ ɔ́, tótlítɔ́ wɛ é nyí. Lo ɔ́, sɔ́ hwɛ e mǐ hu lɛ́ɛ kpódó nǔ e mǐ wa nyi do lɛ́ɛ kpó kɛ mǐ, bó yí mǐ dó yí togun towe.”

Ezayíi 1:18

Mawu Mavɔmavɔ ɖɔ: “Mi wá nú mǐ nǎ se nǔ jɛ mǐɖée gbe mɛ. Ényí hwɛ mitɔn lɛ́ɛ na bo myá cɛ́cɛ́ ɔ́, yě ná wé tété avɔkanfún ɖɔhun. Yě ná bó myá káká bó wi d'é mɛ ɔ́, yě ná wé la ɖɔhun.

Ezayíi 12:6

Sinyɔ́ɔnu lɛ́ɛ mi, mi ɖe awǎjijɛ mitɔn xlɛ́! Mi sú xó kpó xomɛhunhun kpó, ɖó mɛ e ɖo gɔ̌n mitɔn ɔ́, Mawu mímɛ́ Izlayɛ́li tɔn ɔ́, nǔ ɖaxó wɛ.

Ezayíi 33:21

Fínɛ́ wɛ Mawu Mavɔmavɔ ná xlɛ́ susu tɔn mǐ ɖe; tɔsisa kpɛví kpɛví lɛ́ɛ ná ɖo fínɛ́, tɔsisa ɖaxó ɖaxó lɛ́ɛ ná ɖo fínɛ́, bɔ ahwanhún e nɔ gbɔn tɔ jí é ɖě ká ná gbɔn jí ǎ. Tɔjíhún ɖaxó ɖě ká ná gbɔn jí ǎ.

Ezayíi 33:22

Mawu Mavɔmavɔ wɛ nyí gǎn mǐtɔn; Mawu Mavɔmavɔ wɛ nyí alixlɛ́mɛtɔ́ mǐtɔn; Mawu Mavɔmavɔ wɛ nyí axɔ́sú mǐtɔn. É wɛ nyí mɛhwlɛ́ngántɔ́ mǐtɔn.

Ezayíi 38:17

Din ɔ́, akpɔ e mɔ wɛ un ɖe ɔ́ húzú nǔkiko, ɖó a yǐ wǎn nú mì tawun, bó hwlɛ́n mì ɖo kú sí. A ɖe hwɛ e un hu lɛ́ɛ bǐ ɖó zɔ nú mì.

Ezayíi 41:10

Din ɔ́, ma ɖi xɛsi ó, ɖó un ɖo kpɔ́ xá we. Ma ɖo nukún dó gbɛmɛ kpɔ́n wɛ ó, ɖó nyi wɛ nyí Mawu towe. Un ná ná akɔ́nkpinkpan we; un ná gɔ́ alɔ nú we; un ɖo xɛ nya ɖo jǐ we wɛ kpódó aɖisí lɔ ce, ɖuɖéjí lɔ ɔ́ kpó.

Ezayíi 8:10

Mi ɖe wě mitɔn lɛ́ɛ ganjí, bǐ wɛ ná gba hánnyá. Mi yi kpá lě e é jló mi gbɔn é, nǔ e mi to é ná nyí wiwa gbeɖé ǎ, ɖó Mawu ɖo kpɔ́ xá mǐ.

Jelemíi 50:20

Nyɛ Mawu Mavɔmavɔ ɖɔ: azǎn énɛ́ lɛ́ɛ mɛ ɔ́, è na ba nǔ e Izlayɛ́li wa nyi do ɔ́ kpo. È nǎ mɔ hwɛ e Judáa hu ɔ́ ǎ, ɖó un ná zé hwɛ kɛ mɛ e un ná jó dó nyi gbɛ lɛ́ɛ. Xó e nyɛ Mawu Mavɔmavɔ ɖɔ ɔ́ nɛ́.

Ezekiyɛ́li 48:35

Dǒ e lɛ́ lɛ̌ dó toxo ɔ́, ga tɔn bǐ nyí nǔjlɛ́kpo yětɔn děgba ɛnɛ afɔwó (18.000). “Sín gbe énɛ́ gbe ɔ́, è nǎ nɔ ylɔ́ toxo ɔ́ ɖɔ: ‘Mawu Mavɔmavɔ ɖo fí.’ ”

Jowɛ́li 2:27

Énɛ́ ɔ́, Izlayɛ́li ví lɛ́ɛ mi, mi ná tunwun ɖɔ un ɖo tɛ́ntin mitɔn. Mi ná tunwun ɖɔ nyɛ wɛ nyí Mawu Mavɔmavɔ, Mawu mitɔn, ɖɔ Mawu ɖěvo kún sɔ́ tíin zɛ nyɛ wú ó. Bɔ mi mɛ e nyí togun ce ɔ́, mi sɔ́ ná ɖu winnyá gbeɖé ǎ.”

Levíi ví 9:24

Myɔ ɖé tɔ́n ɖo Mawu Mavɔmavɔ nukɔn, bó fyɔ́ vɔ̌ e è nɔ dó zo ɔ́ kpó jǒ lɛ́ɛ kpó ɖo vɔ̌sákpe ɔ́ jí. Togun ɔ́ bǐ wɛ mɔ, bɔ yě kpa awǒbóbó, bó xwe agbɔ̌nnusú do.

Kɛ́nsísɔ́ 14:18

‘Mawu Mavɔmavɔ wɛ un nyí; un nɔ yá wǔ sin xomɛ ǎ; un nyí Mawu xomɛnyɔ́tɔ́; un nɔ sɔ́ nǔ nyanya e è wa lɛ́ɛ kpódó tónú e è ma se ǎ lɛ́ɛ kpó kɛ mɛ. Un ká nɔ mɔ mɛ e hu hwɛ ɔ́ dó mɔ hwɛjijɔnɔ ǎ. Hwɛ e vǐtɔ́ lɛ́ɛ hu ɔ́, vǐ yětɔn lɛ́ɛ ná sún sin tɔn; vǐvú yětɔn lɛ́ɛ, vitikli yětɔn lɛ́ɛ kpó kpaba yětɔn lɛ́ɛ kpó ná sún sin tɔn.’

Kɛ́nsísɔ́ 14:19

Mawu Mavɔmavɔ, kɛnklɛ́n kpɔ́n dó xomɛnyínyɔ́ towe wú, bó zé hwɛ e togun élɔ́ hu ɔ́ kɛ ɛ, lě e a ko nɔ bló gbɔn n'i sín Ejípu káká wá jɛ fí é.”

Kɛ́nsísɔ́ 16:3

Yě kplé lɛ́ lɛ̌ dó Mɔyízi kpó Aalɔ́ɔn kpó, bó ɖɔ nú yě ɖɔ: “É kpé mɔ̌ lo! Đó mǐ mɛ e ɖo Izlayɛ́li sín togun ɔ́ mɛ lɛ́ɛ bǐ wɛ nyí Mawu Mavɔmavɔ tɔn, bɔ Mawu Mavɔmavɔ ɖo mǐ bǐ tɛ́ntin. Aniwú wɛ mi nɔ mɔ ɖɔ émí hú gǎn mɛ e ɖo togun Mawu Mavɔmavɔ tɔn mɛ lɛ́ɛ bǐ?”

Kɛ́nsísɔ́ 9:22

Amɔ̌, nú akpɔ́kpɔ́ ɔ́ nɔ Goxɔ ɔ́ jí nú azǎn we, abǐ nú sun ɖokpó, abǐ nú xwe ɖokpó ɔ́, Izlayɛ́li ví lɛ́ɛ nɔ́ cí fínɛ́; yě nɔ́ jɛ ali ǎ. Nú akpɔ́kpɔ́ ɔ́ wá sí te ɔ́, yě nɔ́ jɛ ali.

Matíe 1:23

“É ɖíe, nyɔ̌nu ɖo alɔjí ná mɔ xo, bó ná ji vǐ súnnu ɖokpó, bɔ è nǎ sun nyǐ i ɖɔ Emanuwɛ́li.” (Nyǐkɔ énɛ́ ɔ́ sín tínmɛ wɛ nyí: “Mawu ɖo kpɔ́ xá mǐ.”)

Hlɔ̌manu 6:14

Đó hwɛhuhu ná ɖó acɛ ɖo mi jí ǎ; ɖó mi sɔ́ ɖo sɛ́n ɔ́ sín acɛ mɛ ǎ; lo ɔ́, fɛ́nú Mawu tɔn mɛ wɛ mi ɖe.

Hlɔ̌manu 8:1

Hǔn din ɔ́, hwɛɖónúmɛ sɔ́ ɖe nú mɛ e ɖo bǔ xá Klísu Jezu lɛ́ɛ ǎ.

2 Kɔlɛ́ntinu 2:14

Lo ɔ́, susu nú Mawu, ɖó é nɔ dɔn mǐ hwebǐnu, bɔ mǐ ɖo gúdo tɔn ɖo ɖuɖéjíhwan e mɛ mǐ ɖo bǔ xá Klísu ɖe ɔ́ mɛ. É nɔ sɔ́ mǐ dó wa azɔ̌ ná, bónú mɛ lɛ́ɛ ná tunwun Klísu gbɔn fí bǐ, célu e wǎn tɔn nɔ gba kpé fí bǐ é ɖɔhun.

2 Kɔlɛ́ntinu 5:19

Đó Mawu kó ɖo azɔ̌ wa wɛ gbɔn Klísu jí, bó ná dó hwɛ gbɔ xá gbɛtɔ́ lɛ́ɛ bǐ; é kpɔ́n dó nǔwanyido yětɔn lɛ́ɛ wú ǎ. Hwɛdógbɔ sín azɔ̌ énɛ́ e wa wɛ é ɖe ɔ́, é sɔ́ dó así nú mǐ ɖɔ mǐ ní jlá.

2 Kɔlɛ́ntinu 6:16

Étɛ́ sinsɛnxɔ Mawu tɔn sixú kpé xá vodún lɛ́ɛ? Đó sinsɛnxɔ Mawu gbɛɖe ɔ́ tɔn wɛ mǐ nyí, lě e Mawu ko ɖɔ gbɔn é; Mawu ɖɔ: “Un ná nɔ yě mɛ, bó ná ɖi zɔnlin xá yě; un ná nyí Mawu yětɔn, bɔ yě ná nyí togun ce.”

Sɛ́nflínmɛ 31:23

Énɛ́ ɔ́ gúdo ɔ́, Mawu Mavɔmavɔ ɖɔ nú Jozuwée Nuni ví ɔ́ ɖɔ: “Kpan akɔ́n, bó dó gǎn ɖó hwi wɛ ná kplá Izlayɛ́li ví lɛ́ɛ byɔ́ to e sín akpá un dó nú yě ɔ́ mɛ; nyi ɖésú ká ná nɔ kpɔ́ xá we.”

Sɛ́nflínmɛ 32:5

Amɔ̌, mi togun nyanya, togun hízíhízí e mi! Mi hu hwɛ dó Mawu Mavɔmavɔ. Winnyá ní hu mi. Mi sɔ́ nyí vǐ tɔn ǎ.

Sɛ́nflínmɛ 33:5

Hwenu e togán lɛ́ɛ kpó akɔta Izlayɛ́li tɔn lɛ́ɛ bǐ kpó kplé ɔ́, yě tunwun ɖɔ Mawu Mavɔmavɔ wɛ nyí Yeculunu xɔ́sú.”

Sɛ́nflínmɛ 9:24

Sín gbe e gbe un tunwun mi ɔ́, mi gɔn gǔ fɔ́n dó Mawu Mavɔmavɔ jí gbeɖé kpɔ́n ǎ.

Hwɛɖɔtɔ́ 6:13

Jedenyɔ́ɔ ɖɔ n'i ɖɔ: “Aklúnɔ ce! Ényí Mawu Mavɔmavɔ ɖo kpɔ́ xá mǐ ɔ́, nɛ̌ ká gbɔn bɔ nǔ énɛ́ lɛ́ɛ bǐ jɛ dó mǐ jí? Azɔ̌jíwǔ e sín xó tɔ́ mǐtɔn lɛ́ɛ nɔ́ ɖɔ nú mǐ, bó nɔ́ ɖɔ Mawu Mavɔmavɔ ɖe émí tɔ́n sín Ejípu ɔ́, fítɛ́ nǔ énɛ́ lɛ́ɛ bǐ ká ɖe? È nǎ ɖɔ nǔgbó ɔ́, Mawu Mavɔmavɔ jó mǐ dó; é jó mǐ nú Madiáani ví lɛ́ɛ.”

1 Samuwɛ́li 25:28

Kɛnklɛ́n wɛ un dó nú we, sɔ́ hwɛ e un hu dó we ɔ́ kɛ mì. Mawu Mavɔmavɔ ná bló bɔ axɔ́súɖuɖu ná nɔ hɛ̌n towe nu tɛgbɛ, ɖó a nɔ fun ahwan n'i; ma nú è mɔ nǔ nyanya ɖé ɖo gbɛzán towe mɛ gbeɖé ó.