Kɛ́nsísɔ́ 23:19 - MAWUXÓWÉMA

¹⁹ Mawu nyí gbɛtɔ́ bó ná ɖó adingban ǎ. É nyí gbɛtɔ́ví, bó ná lɛ́ kɔ sín nǔ e ná wa wɛ é ɖe ɔ́ gúdo ǎ. Nǔ e é ɖɔ ɔ́, é ná bló ɖ'é jí a cé? Xó e é ɖɔ ɔ́, é ná bló ɖ'é jí a cé?

Kɛ́nsísɔ́ 23:19 Iomraidhean Croise

Bǐbɛ́mɛ 26:3

Nɔ to élɔ́ mɛ fí; un ná nɔ kpɔ́ xá we, bó ná xo ɖɛ dó jǐ towe, ɖó hwi kpó kúnkan towe lɛ́ɛ kpó wɛ un ná ayǐkúngban élɔ́ bǐ, bɔ akpá e un dó nú tɔ́ towe Ablaxámu, bó xwlé nyɛ ɖésú d'é jí ɔ́, un ná ɖe.

Bǐbɛ́mɛ 28:15

Đǒtó ganjí. Nyi ɖésú ɖo kpɔ́ xá we; un ná kpé nukún wǔ we gbɔn fí e a nǎ gbɔn lɛ́ɛ bǐ, bó ná lɛ́ kplá we wá to élɔ́ mɛ. Un ná jó we dó ǎ; un ná ɖe akpá e un dó nú we ɔ́ bǐ.”

1 Axɔ́sú 14:11

Jelobowámu sín xwégbenu e ná kú ɖo toxo ɔ́ mɛ lɛ́ɛ ɔ́, cukú lɛ́ɛ wɛ ná ɖu lan yětɔn. Mɛ tɔn e ka ná kú ɖo gběhan mɛ lɛ́ɛ ɔ́, xɛ lɛ́ɛ wɛ ná ɖu lan yětɔn. Mawu Mavɔmavɔ wɛ ɖɔ mɔ̌.’ ”

2 Axɔ́sú 15:12

Lě e nǔ e Mawu Mavɔmavɔ ɖɔ nú Jehu ɔ́ jɛ gbɔn é nɛ́. Mawu Mavɔmavɔ ɖɔ n'i ɖɔ: “Vǐ towe, vǐvú towe, vitikli towe kpó kpaba towe kpó ná yi axɔ́súzinkpo Izlayɛ́li tɔn jí.”

2 Axɔ́sú 7:2

Ée é ɖɔ mɔ̌ ɔ́, ahwangán e nɔ kplá axɔ́sú ɔ́ ɖɔ nú gbeyíɖɔ Mawu tɔn ɔ́ ɖɔ: “Ényí Mawu Mavɔmavɔ na bo tɔ́n ali dó jǐnukúnsin, bó sɛ́ jinukún dó gbɔn fínɛ́ ɔ́, nǔ e a ɖɔ din ɔ́ ná sixú jɛ wɛ a?” Elizée yí gbe n'i ɖɔ: “A nǎ mɔ kpó nukún towe kpó, lo ɔ́, ɖě ɖo nu towe ná jɛ wɛ ǎ.”

1 Tan 17:17

Mawu ce, nǔ énɛ́ ɔ́ nyí nǔɖé ɖo nukún towe mɛ ǎ. Din ɔ́ ɖíe a dǒ akpá ɖ'ayǐ nú xwédo ce, bɔ é ná nɔ ayǐ káká sɔ́yi e. Mawu Mavɔmavɔ, Mawu ce, a mɔ mì dó mɔ gbɛtɔ́ nukúnɖéjí ɖé ná.

Ɖɛhan 110:4

Mawu Mavɔmavɔ wɛ ɖɔ bó xwlé nǔ dó é jí, é sɔ́ ná húzú gbeɖé ǎ, é ɖɔ: “Vɔ̌sánú-xwlémawutɔ́ wɛ a nyǐ káká sɔ́yi mavɔ mavɔ, Mɛlukisedɛ́ki ɖɔhun.”

Ɖɛhan 132:11

Mawu Mavɔmavɔ dó akpá nú Davídi bó xwlé éɖée n'i, akpá ɔ́ ná húzú gbeɖé ǎ; é ɖɔ: “Vǐ towe lɛ́ɛ mɛ wɛ un ná sɔ́ axɔ́sú e ná nɔ zinkpo towe jí ɔ́ ɖe.

Ɖɛhan 77:9

Xomɛnyínyɔ́ tɔn kó vɔ bǐ sésé jɛ́n nɛ́ ǎ? Xó e é nɔ́ ɖɔ nú mǐ ɔ́, é sɔ́ ná ɖɔ ɖě gbeɖé ǎ cé?

Ɖɛhan 89:34

Lo ɔ́, un ná gɔn xomɛ nyɔ́ dó yě wú ǎ, un ka ná gɔn gbejí nɔ nú yě ǎ.

Ɖɛhan 89:35

Un ná gba akɔ e un jɛ xá yě ɔ́ ǎ, akpá e un dó ɔ́ ná húzú gbeɖé ǎ.

Ezayíi 21:17

Gǎdatɔ́ tɔn lɛ́ɛ kpó sɔ́ja tɔn syɛ́nsyɛ́n lɛ́ɛ kpó sɔ́ ná kpo gěgé ɖé ǎ. Yě mɛ kpɛɖé jɛ́n ná kpo.” Xó e Mawu Mavɔmavɔ, Mawu Izlayɛ́li tɔn ɖɔ é nɛ́.

Ezayíi 31:2

Mawu lɔ ka tunwun lě e é ná wa nǔ gbɔn é: é sɛ́ nǔ nyanya dó, nǔ e é ɖɔ émí ná wa lɛ́ɛ ɔ́, é gɔn ɖě wa ǎ. É sí te dó nǔnyanyawatɔ́ lɛ́ɛ jí, bó sí te dó mɛ e nɔ dó alɔ mɛdídá énɛ́ lɛ́ɛ jí,

Ezayíi 40:8

Nǔgbó ɔ́, gběhan nɔ́ xú, folówa nɔ́ mlú ɖa, amɔ̌, xó e Mawu mǐtɔn ɖɔ ɔ́ ná nɔ ayǐ káká sɔ́yi.”

Ezayíi 46:11

Un ylɔ́ nǔsáxɛ ɖokpó sín fí e hwe nɔ tɔ́n sín é; Mɛ e ná bló nǔ e un lɛ́n ɔ́ wɛ; un ylɔ́ ɛ sín to línlín ɖé mɛ; un ɖɔ xó lě tlóló ɔ́, tlóló jɛ́n nǔ e un ɖɔ ɔ́ nɔ́ nyí wiwa. Un lɛ́n nǔɖé bó ná wa ɔ́, un nɔ wa.

Ezayíi 55:11

Mɔ̌ ɖokpó ɔ́, xó e nɔ́ tɔ́n sín nu ce mɛ ɔ́ nɔ́ lɛ́ kɔ wá gɔ̌n ce agba ǎ; é nɔ́ bló nǔ e un lɛ́n é, é nɔ́ bló nǔ e gbé un sɛ́ ɛ dó é.”

Jelemíi 4:28

Énɛ́ wɛ zɔ́n bɔ to ɔ́ ɖo aluwɛ mɛ, bɔ jǐxwé dó ablu. Đó un ko ɖɔ lě e un ba gbɔn ɔ́ nɛ́. É ná wá vɛ́ nú mì ǎ, un sɔ́ ná lɛ́ wá jí ǎ.”

Daniyɛ́li 4:28

Hwenu e Nabukodonɔzɔ́ɔ ɖo xó énɛ́ lɛ́ɛ ɖɔ wɛ ɔ́, é se gbe ɖé sín jǐxwé, bɔ gbe ɔ́ ɖɔ: “Axɔ́sú Nabukodonɔzɔ́ɔ, ɖǒ tó xó élɔ́. È ko yí acɛkpikpa ɔ́ sín así we!

Ozée 11:9

Un ná zé xomɛ ɖaxó e un sin ɔ́ dó wa nǔ xá we ǎ. Eflayímu, un sɔ́ ná sú kún towe dó ǎ. Đó Mawu wɛ un nyí, un nyí gbɛtɔ́ ǎ. Mawu mímɛ́ wɛ un nyí ɖo tɛ́ntin towe. Un ná wá kpó xomɛsin kpó ǎ.

Micée 7:20

A nǎ ɖe wǎn yíyí towe e ma nɔ húzú ǎ é xlɛ́ Ablaxámu ví lɛ́ɛ, bó ná ɖe xlɛ́ Jakɔ́bu ví lɛ́ɛ, lě e a ko dó akpá tɔn nú tɔ́gbó mǐtɔn lɛ́ɛ gbɔn é.

Xabakúku 2:3

Đó nǔɖexlɛ́mɛ wɛ é nyí, bɔ è ko ɖó hwenu e é ná jɛ dó é. Hwe ɔ́ nu kó ɖo susu wɛ, bɔ é ká ná gblá ǎ. Nú hwe ɔ́ nu ná bo ɖo lǐnlín wɛ hǔn, nɔ te kpɔ́n, ɖó nǔ e un ɖɔ ɔ́ ná jɛ jɛ́n wɛ.

Malacíi 3:6

“Nyɛ Mawu Mavɔmavɔ ɔ́, un nɔ húzú ǎ, midɛɛ lɛ́ɛ ɔ́, mi ka gɔn Jakɔ́bu ví titewungbe lɛ́ɛ nyí ǎ.

Kɛ́nsísɔ́ 14:35

Nyɛ Mawu Mavɔmavɔ wɛ ɖɔ mɔ̌! Lě e un ná wa togun baɖabaɖa élɔ́ e fɔ́n gǔ dó jǐ ce ɔ́ sín nǔ gbɔn ɔ́ nɛ́. Yě bǐ wɛ ná kú ɖo gbětótló mɛ fí. Mɛ ɖé ná kpo ǎ.’ ”

Kɛ́nsísɔ́ 23:18

Bɔ Baláamu ɖɔ xó e Mawu Mavɔmavɔ ɖɔ n'i é ɖɔ: “Balaki, sí te, ɖǒtó mì! Sipɔ́ɔ ví, ɖǒtó mì ganjí!

Luki 21:33

Jǐnukúnsin kpódó ayǐkúngban kpán ná vɔ, amɔ̌ xó ce lɛ́ɛ ná vɔ gbeɖé ǎ.”

Hlɔ̌manu 11:29

Đó Mawu nɔ lɛ́ vɔ́ nǔ e é ná mɛ é yí ǎ; é ka nɔ húzú nǔ e é lin dó mɛ e è ylɔ́ lɛ́ɛ ɔ́ wú é ǎ.

Hlɔ̌manu 9:6

Ényí akpá e Mawu dó ɔ́ gɔn azɔ̌ wa ɖɔ wɛ un ɖe ǎ. Đó é nyí mɛ e Izlayɛ́li ji lɛ́ɛ bǐ wɛ nyí togun Izlayɛ́li tɔn nǔgbó ɔ́ ǎ.

2 Timɔtée 2:13

Ényí mǐ ma nɔ gbejí ǎ ɔ́, éyɛ́ ɖo gbejí tɛgbɛ; ɖó é sixú gbɛ́ ɖɔ émí kún nyí nǔ e émí nyí ɔ́ ó ǎ.”

Titu 1:2

bónú yě ná ɖo gbɛ mavɔ mavɔ sín nukúnɖíɖó mɛ. Mawu ko dó gbɛ mavɔ mavɔ ɔ́ sín akpá cóbɔ gbɛ ɔ́ wá tíin; é ka nɔ ɖó adingban ǎ.

Eblée 6:18

Hǔn, nǔ we tíin: akpá e é dó ɔ́ kpó nǔ e é xwlé ɔ́ kpó; nǔ we énɛ́ lɛ́ɛ ɔ́, è sixú ɖyɔ́ yě ǎ, bɔ ɖo nǔ we énɛ́ lɛ́ɛ mɛ ɔ́, Mawu sixú ɖó adingban ǎ. Énɛ́ ɔ́ wú wɛ mǐ mɛ e mɔ bibɛtɛn ɖo Mawu glɔ́ lɛ́ɛ ɔ́, mǐ mɔ akɔ́nkpinkpan ɖaxó, bó ná hɛn nukúnɖíɖó e è sɔ́ ɖó te nú mǐ ɔ́ syɛ́nsyɛ́n.

Eblée 7:21

Lo ɔ́, Mawu sɔ́ Jezu vɔ̌sánú-xwlémawutɔ́, bó xwlé nǔ d'é jí hwenu e é ɖɔ n'i ɖɔ: “Aklúnɔ xwlé nǔ bó ɖɔ: ‘A nǎ nyí vɔ̌sánú-xwlémawutɔ́ káká sɔ́yi.’ ” É ka ná húzú gbe ǎ.

Jaki 1:17

Nǔníná ɖagbe ɖagbe bǐ, kpó nǔnámɛ e nǔ vɔ ɖ'é wú ɔ́ bǐ kpó ɔ́, sɛ́xwé wɛ yě nɔ gosín; yě nɔ jɛ te sín Mawu e bló nǔ e ɖo jǐxwé bó nɔ ná wěziza lɛ́ɛ é gɔ́n; Mawu nɔ húzú ǎ; é ɖo ɖěbǔ ɔ́, é nɔ dó zǐnflú ǎ.

Jaki 4:5

Mi ma vɛdó ɖɔ yǎyá wɛ è wlǎn xó élɔ́ dó Mawuxówéma ɔ́ mɛ sín ó: è wlǎn ɖɔ: “Mawu nɔ zé wǔhwinhwan dó byɔ́ yɛ e é sɔ́ dó mǐ mɛ ɔ́ ná.”

Jozuwée 21:45

Akpá e Mawu Mavɔmavɔ dó nú Izlayɛ́li togun ɔ́ lɛ́ɛ, bǐ wɛ é ɖe. É gɔn ɖěbǔ ɖe ǎ.

1 Samuwɛ́li 15:29

Mawu Mavɔmavɔ e nyí susu Izlayɛ́li tɔn ɔ́ nɔ ɖó adingban ǎ; nǔ e é ká ɖɔ ɔ́, é nɔ lɛ́ vɔ́ wá jí ǎ. Đó é nyí gbɛtɔ́, bó ná ɖɔ xó bó lɛ́ húzú ǎ.”

1 Samuwɛ́li 3:12

Gbe énɛ́ ɔ́ gbe ɔ́, nǔ e un ko ɖɔ un ná wa xá Eli sín xwédo ɔ́ bǐ ná jɛ. Un bɛ́ ɔ́, un ná bló yi fó.