Kɛ́nsísɔ́ 23:17 - MAWUXÓWÉMA

¹⁷ Baláamu lɛ́ kɔ yi Balaki gɔ́n nǔgbó, bó mɔ ɛ ɖo vɔ̌ tɔn kɔn, é kpódó Mɔwabu sín gǎn lɛ́ɛ bǐ kpó. Bɔ Balaki kanbyɔ́ ɛ ɖɔ: “Xó tɛ́ Mawu Mavɔmavɔ ɖɔ?”

Kɛ́nsísɔ́ 23:17 Iomraidhean Croise

Jelemíi 37:17

cóbɔ axɔ́sú Sedesíyasi wá sɛ́ mɛ dó, bɔ è yi kplá ɛ wá n'i, bɔ é kan nǔ byɔ́ ɛ dó nǔglɔ́. É kanbyɔ́ ɛ ɖɔ: “Mawu Mavɔmavɔ ɖɔ xó ɖé nú we, bɔ a nǎ ɖɔ nú mì a?” Bɔ Jelemíi yí gbe n'i ɖɔ: “Ɛɛn, é ɖɔ nú mì ɖɔ è nǎ jó we nú Babilɔ́nu xɔ́sú ɔ́.”

Kɛ́nsísɔ́ 23:16

Mawu Mavɔmavɔ wá ɖe éɖée xlɛ́ Baláamu, bó ɖɔ xó e é ɖó ná ɖɔ lɛ́ɛ n'i. Énɛ́ ɔ́ gúdo ɔ́, é ɖɔ n'i ɖɔ é ní lɛ́ kɔ yi Balaki gɔ́n, bó ɖɔ xó e émí ɖɔ n'i ɔ́ n'i.

Kɛ́nsísɔ́ 23:18

Bɔ Baláamu ɖɔ xó e Mawu Mavɔmavɔ ɖɔ n'i é ɖɔ: “Balaki, sí te, ɖǒtó mì! Sipɔ́ɔ ví, ɖǒtó mì ganjí!

Kɛ́nsísɔ́ 23:26

Bɔ Baláamu ɖɔ n'i ɖɔ: “Un ma ka ko ɖɔ nú we ɖ'ayǐ ɖɔ nǔ e Mawu Mavɔmavɔ ɖɔ nyɛ ní wa lɛ́ɛ bǐ wɛ un ná wa a?”

1 Samuwɛ́li 3:17

Eli kanbyɔ́ ɛ ɖɔ: “Xó tɛ́ Mawu ka ɖɔ nú we? Ma hwlá ɖěbǔ dó mì ó. Ényí a hwlǎ ɖěbǔ dó mì hǔn, Mawu ní dɔn tó nú we, bónú é syɛ́n hú tódɔnnúmɛ lɛ́ɛ bǐ.”