Kɛ́nsísɔ́ 23:14 - MAWUXÓWÉMA

¹⁴ Ée Balaki ɖɔ mɔ̌ ɔ́, é kplá Baláamu yi káká Sofimu sín gle ɔ́ mɛ, ɖo Pisiga kpó ɔ́ ta. É mɛ vɔ̌sákpe tɛ́nwe ɖó fí énɛ́ lɔmɔ̌, bó sɔ́ nyibúsú ɖokpó, agbo ɖokpó dó sá vɔ̌ ná ɖo vɔ̌sákpe lɛ́ɛ ɖokpó ɖokpó jí.

Kɛ́nsísɔ́ 23:14 Iomraidhean Croise

Ezayíi 46:6

Mi kpɔ́n mɛ e nɔ zán dɔkun yětɔn bǐ, bó nɔ́ da kpatágan, bó nɔ́ da siká, bó nɔ́ yí nǔtuntɔ́ ɖokpó bɔ é nɔ́ bló nǔmɛsɛn nú yě, bɔ yě nɔ́ jɛ kpo ɖo asá tɔn mɛ, bó nɔ́ sɛn ɛ lɛ́ɛ.

Ozée 12:11

Un ɖɔ xó nú gbeyíɖɔ ce lɛ́ɛ, un ɖe nǔ alɔkpa alɔkpa lɛ́ɛ xlɛ́ yě. Gbeyíɖɔ ce lɛ́ɛ jí wɛ un nɔ gbɔn bó nɔ́ dó lǒ.

Kɛ́nsísɔ́ 21:20

Yě gosín Bamɔ́ti bo wá yi tɔdo e ɖo Mɔwabu, ɖo Pisiga só ɔ́ kɔn, ɖo gbětótló ɔ́ nukɔn ɔ́ mɛ.

Kɛ́nsísɔ́ 23:13

Balaki lɛ́ yí xó, bó ɖɔ: “Wǎ nú mǐ nǎ yi tɛn ɖěvo mɛ; a nǎ mɔ Izlayɛ́li ví lɛ́ɛ bǐ ɖo fínɛ́. Fí élɔ́ e mǐ ɖe ɔ́, Izlayɛ́li ví lɛ́ɛ hǎbǔ jɛ́n mɔ wɛ a ɖe. Nú mǐ jɛ fí ɔ́, a nǎ dó nu yě nú mì.”

Kɛ́nsísɔ́ 23:15

Baláamu ɖɔ nú Balaki ɖɔ: “Nɔ vɔ̌ towe kɔn fí, nú nyɛ má yi ɖótó Mawu.”

Kɛ́nsísɔ́ 23:29

Baláamu ɖɔ nú Balaki ɖɔ: “Mɛ vɔ̌sákpe tɛ́nwe ɖó fí nú mì, bó hɛn nyibúsú tɛ́nwe kpódó agbo tɛ́nwe kpó wá nú mì.”

Sɛ́nflínmɛ 3:27

Xá Pisiga só jí, bó ván nukún, bó kpɔ́n totaligbé, bó kpɔ́n tofɔligbé, bó kpɔ́n zǎnzǎnhwe jí, bó kpɔ́n gbadahwe jí; a nǎ mɔ nǔ lɛ́ɛ ganjí, a ka ɖo Judɛ́ɛn tɔ ɔ́ ná dó asá wɛ ǎ.

Sɛ́nflínmɛ 34:1

Mɔyízi gosín ayǐkúngban wɛnjɛ e ɖo Mɔwabu é jí, bó xá Nɛbo, só ɖaxó e ɖo Pisiga sókan mɛ ɔ́ jí. Pisiga ɔ́ ɖo zǎnzǎnhwe jí nú Jeliko; Mawu Mavɔmavɔ xlɛ́ ɛ to ɔ́ bǐ. É jɛ to ɔ́ xlɛ́ ɛ jí sín Galadi gbé jí káká yi Dan.

Sɛ́nflínmɛ 4:49

Ayǐkúngban yětɔn wɛ nyí éé ɖo zǎnzǎnhwe jí nú Judɛ́ɛn tɔdo ɔ́, bó zɔn mɔ̌ káká wá Xu Kúkú ɔ́ kɔn ɖo Pisiga só kpá é.