Kɛ́nsísɔ́ 23:13 - MAWUXÓWÉMA

¹³ Balaki lɛ́ yí xó, bó ɖɔ: “Wǎ nú mǐ nǎ yi tɛn ɖěvo mɛ; a nǎ mɔ Izlayɛ́li ví lɛ́ɛ bǐ ɖo fínɛ́. Fí élɔ́ e mǐ ɖe ɔ́, Izlayɛ́li ví lɛ́ɛ hǎbǔ jɛ́n mɔ wɛ a ɖe. Nú mǐ jɛ fí ɔ́, a nǎ dó nu yě nú mì.”

Kɛ́nsísɔ́ 23:13 Iomraidhean Croise

1 Axɔ́sú 20:23

Silíi xɔ́sú ɔ́ sín azaglɔ́gán lɛ́ɛ ɖɔ n'i ɖɔ: “Vodún Izlayɛ́linu lɛ́ɛ tɔn ɔ́, vodún sókan mɛ tɔn wɛ, énɛ́ ɔ́ wú wɛ yě hú gǎn mǐ. Din ɔ́, mǐ ní tɔ́n ahwan yě ɖo ayǐkúngban wɛnjɛ jí, mi ná mɔ ɖɔ mǐ syɛ́n hú yě.

1 Axɔ́sú 20:28

Đɛ̌mɛnu Mawu tɔn ɔ́ lɛ́ wá mɔ axɔ́sú Izlayɛ́li tɔn ɔ́, bó ɖɔ n'i ɖɔ: “Mawu Mavɔmavɔ ɖɔ: ‘Silíinu lɛ́ɛ ɖɔ nyɛ Mawu Mavɔmavɔ ɔ́, vodún sókan mɛ tɔn wɛ un nyí, un kún nyí ayǐkúngban wɛnjɛ tɔn ó. Énɛ́ ɔ́ wú ɔ́, un ná jó ahwan wɔ̌buwɔ́bú énɛ́ ɔ́ bǐ nú we; énɛ́ ɔ́, mi ná tunwun ɖɔ nyɛ wɛ nyí Mawu Mavɔmavɔ e ɖó acɛ dó nǔ bǐ jí é.’ ”

Ɖɛhan 109:17

É yí wǎn nú nudómɛ káká, bɔ é flí jɛ jǐ tɔn. É gbɛ́ wǎn nú ɖɛ ɖagbe xo nú mɛ káká, bɔ ɖagbe sɛ yi zɔ n'i.

Micée 6:5

Togun ce, hwenu e Balaki axɔ́sú Mɔwabu tɔn ɔ́ ɖo linlin wɛ ná wa nǔ dó mi ɔ́, xósin e Baláamu Beɔ́ɔ ví ɔ́ ná ɛ ɔ́, mi flín a? Énɛ́ ɔ́ gúdo ɔ́, un kplá mi sín Citímu káká wá Gilugalu, bónú mi ná mɔ ɖagbe e nyɛ Mawu Mavɔmavɔ mitɔn wa nú mi lɛ́ɛ é.”

Kɛ́nsísɔ́ 22:41

Ayǐhɔ́ngbe zǎnzǎn ɔ́, Balaki kplá Baláamu, bɔ yě fán kpó yi Bamɔ́ti-Baalu toxo mɛ, bɔ Baláamu mɔ togun ɔ́ hǎbǔ ɖo fínɛ́.

Kɛ́nsísɔ́ 22:6

Kɛnklɛ́n bó wá dó alɔ mì; wǎ dó nu togun ɔ́, ɖó é syɛ́n hú mì; nú a yǐ gbe bo dó nu yě ɔ́, afɔ nyɔ́ ɔ́, un sixú ɖu ɖo yě jí, bó ná nya yě sín to ɔ́ mɛ. Đó un tunwun ɖɔ a xo ɖɛ dó mɛɖé jí ɔ́, mɛ ɔ́ nɔ́ mɔ nyɔ̌ná, a dǒ nu mɛɖé ɔ́, é nɔ́ ɖi mɛ ɔ́ wú.”

Kɛ́nsísɔ́ 23:12

Baláamu ka kanbyɔ́ ɛ ɖɔ: “Xó e Mawu Mavɔmavɔ ɖɔ nú mì ɔ́ kɛ́ɖɛ́ wɛ un ɖó ná nɔ́ ɖɔ a cé?”

Kɛ́nsísɔ́ 23:14

Ée Balaki ɖɔ mɔ̌ ɔ́, é kplá Baláamu yi káká Sofimu sín gle ɔ́ mɛ, ɖo Pisiga kpó ɔ́ ta. É mɛ vɔ̌sákpe tɛ́nwe ɖó fí énɛ́ lɔmɔ̌, bó sɔ́ nyibúsú ɖokpó, agbo ɖokpó dó sá vɔ̌ ná ɖo vɔ̌sákpe lɛ́ɛ ɖokpó ɖokpó jí.

Jozuwée 24:9

Axɔ́sú Mɔwabu tɔn Balaki Sipɔ́ɔ ví ɔ́ lɔ tɔ́n ahwan mi, é sɛ́ wɛn dó Baláamu, Beɔ́ɔ ví ɔ́, ɖɔ é ní wá dó nu mi.