Kɛ́nsísɔ́ 23:10 - MAWUXÓWÉMA

¹⁰ Mɛ̌ ká sixú xa Jakɔ́bu ví wɔ̌buwɔ́bú énɛ́ lɛ́ɛ, bó ná ɖɔ mɛ nabí e ɛnɛvlɔ́ɖó Izlayɛ́li ví lɛ́ɛ tɔn nyí é? Un byɔ́ ɖɔ má kú kú e hwɛjijɔnɔ lɛ́ɛ kú é. Un byɔ́ ɖɔ gbɛzán ce ní fó yědɛɛ lɛ́ɛ tɔn ɖɔhun.”

Kɛ́nsísɔ́ 23:10 Iomraidhean Croise

Bǐbɛ́mɛ 13:16

Un ná bló bɔ vǐvú towe lɛ́ɛ ná sukpɔ́ kɔ́gúdu ɖɔhun. Yě ná sukpɔ́ káká bɔ mɛɖé ná sixú xa yě ǎ, lě e è ma sixú xa kɔ́ e ɖo ayǐkúngban jí ɔ́ ǎ é ɖɔhun.

Bǐbɛ́mɛ 22:17

un ná xo ɖɛ dó jǐ we, bɔ vǐ towe lɛ́ɛ ná sukpɔ́ sunví e ɖo jǐnukúnsin lɛ́ɛ ɖɔhun; yě ná sukpɔ́ nyɛ̌kɛ́n e ɖo xutó ɔ́ ɖɔhun. Lě e vǐ towe lɛ́ɛ ná sukpɔ́ gbɔn ɔ́ nɛ́. Vǐ towe lɛ́ɛ ná ɖu ɖo kɛntɔ́ yětɔn lɛ́ɛ jí.

Bǐbɛ́mɛ 28:14

Vǐ towe lɛ́ɛ ná sukpɔ́ kɔ́gúdu ɖɔhun. Yě ná gba kpé ayǐkúngban ɔ́ jí sín zǎnzǎnhwe jí káká yi gbadahwe jí; sín totaligbé wá tofɔligbé, bɔ un ná xo ɖɛ dó akɔta e ɖo ayǐkúngban jí lɛ́ɛ bǐ jí, gbɔn hwi kpódó vǐ towe lɛ́ɛ kpó jí.

Ɖɛhan 116:15

Mɛ e ɖo gbejí nú Mawu Mavɔmavɔ lɛ́ɛ ɔ́, kú yětɔn nɔ́ vɛ́ n'i tawun.

Ɖɛhan 37:37

Kpɔ́n gbɛtɔ́ e xo tɔn mɛ ɖo wɛn é, kpɔ́n gbɛtɔ́ ayijlɔ́jlɔ́nɔ, a nǎ mɔ ɖɔ gbɛtɔ́ mɔ̌hun nɔ́ ɖó donu.

Nǔnywɛ́xó 14:32

Kpo e mɛdídá nyi é jɛ́n nɔ́ wa jɛ ta tɔn. Hwɛjijɔnɔ na bo ka ɖo kú nukɔn ɔ́, é nɔ́ ɖeji.

Kɛ́nsísɔ́ 2:16

Énɛ́ ɔ́, ahwanfuntɔ́ e sín kɛ́n è sɔ́, bɔ yě ɖo ahwansyá Hwlibɛ́ni tɔn kpá lɛ́ɛ bǐ bló súnnu adɔ̌kpo tɛ́nwe děgba we afɔwó-afɔtɛ́nwe kanɖé wǒ (151.450) jɛ jí. Yědɛɛ lɛ́ɛ wɛ ná jɛ ahwangɔnu Judáa tɔn ɔ́ gúdo.

Kɛ́nsísɔ́ 2:24

Énɛ́ ɔ́, ahwanfuntɔ́ e sín kɛ́n è sɔ́, bɔ yě ɖo ahwansyá Eflayímu tɔn ɔ́ mɛ lɛ́ɛ bǐ bló adɔ̌kpo atɔ́ɔ́n děgba we kanwe ko (108.100). Yědɛɛ lɛ́ɛ wɛ ná jɛ ahwangɔnu Hwlibɛ́ni tɔn ɔ́ gúdo.

Kɛ́nsísɔ́ 2:31

Énɛ́ ɔ́, ahwanfuntɔ́ e sín kɛ́n Mɔyízi kpó Aalɔ́ɔn kpó, kpódó gǎn lɛ́ɛ kpó sɔ́, bɔ yě ɖo ahwangɔnu Dan tɔn ɔ́ mɛ lɛ́ɛ bǐ bló adɔ̌kpo tɛ́nwe děgba ɛnɛ afɔtántɔn (157.600). Yědɛɛ lɛ́ɛ wɛ ná nyí ahwangɔnu e ná gbɔn gǔdo é bó ná hɛn ahwansyá yětɔn.”

Kɛ́nsísɔ́ 2:9

Énɛ́ ɔ́, ahwanfuntɔ́ e sín kɛ́n è sɔ́ bɔ yě ɖo ahwansyá Judáa tɔn ɔ́ kpá lɛ́ɛ bǐ bló súnnu adɔ̌kpo tɛ́nnɛ děgba ɖě afɔwó-afɔwe (186.400). Togun ɔ́ jɛ ali ɔ́, Judáa sín mɛ lɛ́ɛ wɛ ná nɔ nukɔn.

Kɛ́nsísɔ́ 31:8

Yě hu axɔ́sú Madiáani ví lɛ́ɛ tɔn atɔ́ɔ́n lɛ́ɛ; axɔ́sú lɛ́ɛ sín nyǐkɔ ɖíe: Ewi, Hlɛkɛ́mu, Súu, Húu kpó Hlɛva kpó. Yě hu nǔkantɔ́ Baláamu, Beɔ́ɔ ví súnnu ɔ́ lɔmɔ̌.

2 Kɔlɛ́ntinu 5:1

Nǔgbó ɔ́, mǐ tunwun ɖɔ nú è kíjá agbaza mǐtɔn e nyí goxɔ ayǐkúngban jí tɔn ɔ́, mǐ ɖó ɖěvo e nyí xɔ Mawu tɔn e gbɛtɔ́ sín alɔ ma bló ǎ, bɔ é ná nɔ ayǐ káká sɔ́yi ɔ́ ɖo sɛ́xwé.

Nǔɖexlɛ́mɛ 14:13

Un se gbe ɖé bɔ gbe ɔ́ ɖɔ nú mì sín jǐxwé ɖɔ: “Wlǎn nǔ élɔ́: ‘Mɛ e ɖo kúkú wɛ ɖo Aklúnɔ mɛ bɛ́ sín din lɛ́ɛ ɔ́, nǔ nyɔ́ nú yě!’ ” Yɛ ɔ́ ɖɔ: “Ɛɛn nǔgbó wɛ, yě hɛn ɔ́, yě ná gbɔjɛ́ ɖo azɔ̌ syɛ́nsyɛ́n e yě wa lɛ́ɛ mɛ, ɖó ɖagbe e yě wa lɛ́ɛ kpó yě kpo ɖo yiyi wɛ.”