Kɛ́nsísɔ́ 23:1 - MAWUXÓWÉMA

¹ Baláamu ɖɔ nú Balaki ɖɔ: “Mɛ vɔ̌sákpe tɛ́nwe ɖó fí nú mì, bó hɛn nyibúsú tɛ́nwe kpódó agbo tɛ́nwe kpó wá nú mì.”

Kɛ́nsísɔ́ 23:1 Iomraidhean Croise

2 Axɔ́sú 18:22

Mi ná ɖɔ nú mì din ɖɔ Mawu Mavɔmavɔ, Mawu émítɔn wú wɛ émí gán jɛ. É ma ká nyí hwi ɖésú Ezekiyási ɔ́ wɛ gba vɔ̌sákpe e gbɔn só jí só jí lɛ́ɛ, bó gba vɔ̌sákpe lɛ́ɛ, bó ɖɔ nú Judáanu lɛ́ɛ kpó Jeluzalɛ́munu lɛ́ɛ kpó ɖɔ yě ma sɔ́ jɛ kpo ɖo vɔ̌sákpe ɖěvo nukɔn zɛ Jeluzalɛ́mu tɔn wú ó a?

1 Tan 15:26

Mawu wɛ gɔ́ alɔ nú Levíi ví e hɛn akɔjijɛgbá ɔ́ lɛ́ɛ. Énɛ́ ɔ́, è hu nyibúsú tɛ́nwe, agbo tɛ́nwe dó sá vɔ̌ ná.

2 Tan 29:21

Yě hɛn nyibúsú tɛ́nwe, agbo tɛ́nwe, lɛ̌ngbɔ́ví tɛ́nwe kpódó gbǎgbá tɛ́nwe kpó, bó ná sá hwɛsɔ́kɛmɛvɔ́ ná dó hɛ̌nnu axɔ́sú ɔ́ tɔn ɔ́ kpó Mawu Mavɔmavɔ xwé ɔ́ kpó, kpódó Judáa to ɔ́ kpó tamɛ. Bɔ axɔ́sú ɔ́ ná gbe vɔ̌sánú-xwlémawutɔ́ Aalɔ́ɔn ví lɛ́ɛ ɖɔ yě ní sá vɔ̌ ɖo vɔ̌sákpe Mawu Mavɔmavɔ tɔn ɔ́ jí.

Jɔ̌bu 42:8

Din ɔ́, mi ná zé nyibúsú tɛ́nwe, agbo tɛ́nwe bó ná yi mɔ mɛsɛntɔ́ ce Jɔ̌bu, lobo ná sá vɔ̌ e è nɔ dó zo ɔ́, ɖó nǔ e mi wa nyi do ɔ́ wú; mɛsɛntɔ́ ce Jɔ̌bu ná xo ɖɛ dó ta mitɔn mɛ. Mi ɖɔ xó ce dó jlɔ̌jlɔ́ jí lě e mɛsɛntɔ́ ce Jɔ̌bu ɖɔ gbɔn é ǎ, amɔ̌, un ná nyɔ́ xomɛ dó éyɛ́ wú, bó ná se ɖɛ tɔn, bó sɔ́ ná wa nǔ e mi wa nyi do ɔ́ sín nǔ xá mi ǎ.”

Tíntɔ́n 20:24

Mi ná nɔ sɔ́ kɔ́ dó mɛ vɔ̌sákpe ɖokpó nú mì, bó ná nɔ sá vɔ̌ e è nɔ dó zo lɛ́ɛ kpó kɔnɖókpɔ́ vɔ́ lɛ́ɛ kpó ɖ'é jí; mi ná nɔ zé gbɔ̌ mitɔn lɛ́ɛ kpó nyibú mitɔn lɛ́ɛ kpó dó sá vɔ̌ nú mì ɖ'é jí. Énɛ́ ɔ́, un sɔ́ fí ɖěbǔ ɖó vo nú mi, bónú mi ná nɔ́ sɛn mì ɖe ɔ́, un ná nɔ́ wá gɔ̌n mitɔn ɖo fínɛ́, bó ná xo ɖɛ dó mi jí.

Nǔnywɛ́xó 15:8

Mawu Mavɔmavɔ nɔ gbɛ́ wǎn nú vɔ̌sísá mɛdídá tɔn; lo ɔ́, é nɔ́ se hwɛjijɔnɔ sín ɖɛ kpó xomɛ ɖagbe kpó.

Ezekiyɛ́li 33:31

Énɛ́ ɔ́, yě nɔ́ dó ahwan gbě kpɔ́ gégé bó ná ɖótó we; yě nɔ́ jínjɔ́n ayǐ bó nɔ́ ɖótó we ganjí; amɔ̌, yě nɔ́ xwédo xó towe dó wa nǔ ǎ. Nǔ e jló yě lɛ́ɛ kɛ́ɖɛ́ wɛ yě nɔ́ wa; yě nɔ́ bló nǔ e ná nyí ɖagbe nú yě ɖokpónɔ lɛ́ɛ kɛ́ɖɛ́.

Ezekiyɛ́li 45:23

Mɔ̌ ɖokpó ɔ́, ayǐhɔ́ngbe ayǐhɔ́ngbe ɔ́, è nǎ nɔ́ hu nyibúsú e máɖóblɔ̌ ɖo wǔ ǎ é tɛ́nwe, agbo e maɖóblɔ̌ ɖo wǔ ǎ é tɛ́nwe dó sá vɔ̌ e è nɔ dó zo é nú mì nú azǎn tɛ́nwe e è nǎ ɖu xwe ɔ́ xɔ é; ayǐhɔ́ngbe tɛgbɛ ɔ́, è ka na nɔ́ lɛ́ hu gbǎgbá ɖokpó dó sá hwɛsɔ́kɛmɛvɔ́ ná.

Kɛ́nsísɔ́ 22:41

Ayǐhɔ́ngbe zǎnzǎn ɔ́, Balaki kplá Baláamu, bɔ yě fán kpó yi Bamɔ́ti-Baalu toxo mɛ, bɔ Baláamu mɔ togun ɔ́ hǎbǔ ɖo fínɛ́.

Kɛ́nsísɔ́ 23:2

Balaki bló nǔ e Baláamu ɖɔ é; énɛ́ ɔ́, Balaki kpó Baláamu kpó sɔ́ nyibúsú ɖokpó ɖokpó, agbo ɖokpó ɖokpó dó sá vɔ̌ ná ɖo vɔ̌sákpe lɛ́ɛ ɖokpó ɖokpó jí.

Kɛ́nsísɔ́ 23:29

Baláamu ɖɔ nú Balaki ɖɔ: “Mɛ vɔ̌sákpe tɛ́nwe ɖó fí nú mì, bó hɛn nyibúsú tɛ́nwe kpódó agbo tɛ́nwe kpó wá nú mì.”

Kɛ́nsísɔ́ 23:30

Bɔ Balaki bló nǔ e Baláamu ɖɔ é, bɔ é sɔ́ nyibúsú ɖokpó, agbo ɖokpó dó sá vɔ̌ ná ɖo vɔ̌sákpe lɛ́ɛ ɖokpó ɖokpó jí.

Kɛ́nsísɔ́ 29:32

Azǎn tɛ́nwegɔ́ ɔ́ gbe ɔ́, mi ná ná nyibúsú tɛ́nwe, agbo we, lɛ̌ngbɔ́ví e ɖó xwe ɖokpó ɔ́ wǒ-ɛnɛ nyɛ Mavɔmavɔ. Blɔ̌ ɖěbǔ ká ná ɖo kanlin énɛ́ lɛ́ɛ wú ǎ.

Matíe 23:13

Jezu ka lɛ́ ɖɔ: “Heelú mi sɛ́nkplɔ́nmɛtɔ́ lɛ́ɛ kpódó Falizyɛn lɛ́ɛ kpó, yɛmɛnúwatɔ́ e mi! Ɖó mi nɔ sú axɔ́súɖuto sɛ́xwé tɔn sín ali dó mɛ lɛ́ɛ, mi ɖésú ka nɔ byɔ́ ɛ mɛ ǎ; mi ka nɔ ná tɛn mɛ e jló ná byɔ́ ɛ mɛ lɛ́ɛ ǎ. [

Judi 1:11

Heelú yě, ɖó ali e Kanyɛ́ɛ gbɔn ɔ́ wɛ yě mlɛ́. Yě jó yěɖée dó nú nǔ wa nyi do, bó ná dó mɔ akwɛ́ Baláamu ɖɔhun. Yě dɔn, ɖó yě fɔ́n gǔ Kolée ɖɔhun.

1 Samuwɛ́li 15:22

Samuwɛ́li lɛ́ ɖɔ: “Lě e Mawu Mavɔmavɔ yí wǎn nú tónú se nú xó tɔn gbɔn ɔ́ wɛ é yí wǎn nú vɔ̌ e è nɔ dó zo ɔ́, kpódó vɔ̌sísá ɖě lɛ́ɛ kpó gbɔn a? Gbeɖé! É yí wǎn nú tónú se n'i hú vɔ̌sísá. È blǒ nǔ e é ɖɔ ɔ́, é nɔ́ víví n'i hú jǒ.