Kɛ́nsísɔ́ 22:7 - MAWUXÓWÉMA

⁷ Tomɛxó Mɔwabu tɔn lɛ́ɛ kpó Madiáani tɔn lɛ́ɛ kpó hɛn nǔ e yě ná yi ná nǔkantɔ́ Baláamu é. Yě yi Baláamu gɔ́n bó ɖɔ xó e Balaki ɖɔ lɛ́ɛ n'i.

Kɛ́nsísɔ́ 22:7 Iomraidhean Croise

Ezayíi 1:23

Gǎn towe lɛ́ɛ ɔ́, gǔfɔ́ntɔ́ wɛ nú yě, yě nɔ́ nɔ awo mɛ nú ajotɔ́ lɛ́ɛ. Nǔwlóɖutɔ́ wɛ nú yě, nǔ ɖu ɖo nǔ mɛ ba wɛ jɛ́n yě nɔ́ ɖe. Yě nɔ́ táfú tɔ́cyɔvǐ lɛ́ɛ, yě nɔ́ ɖótó hwɛ e jɛ nú yě wɛ asúkúsi ɖe é ǎ.

Ezayíi 56:11

Cukú wɛ nú yě; nǔ e yě mɔ ɔ́ bǐ wɛ yě nɔ́ vún ɖu; nǔɖuɖu nɔ́ kpé yě gbeɖé ǎ. Nǔ ɖo mɔ̌ bɔ yě ká ɖo togun ce nu; yě tunwun ɖagbe ɖo nyanya mɛ ǎ; nǔ e jló yě lɛ́ɛ kɛ́ɖɛ́ wɛ yě nɔ́ bló; mɛ ɖokpó ɖokpó nɔ́ ɖo ɖagbe é ɖésúnɔ tɔn ba wɛ; yě ɖě hwe ɖ'é mɛ ǎ.

Ezekiyɛ́li 13:19

Mi nɔ yí jinukún alɔgogo kpɛɖé, abǐ wɔ̌xúxú gǒ ɖokpó ɖé ɖo mɛ lɛ́ɛ sí, bó nɔ́ dó hɛn nyǐkɔ ce blí ɖo togun ce mɛ. Mi nɔ yí nǔ énɛ́ lɛ́ɛ, bó nɔ́ hu mɛ e è ma ɖó ná hu ǎ lɛ́ɛ, bó nɔ́ jó mɛ e è ɖǒ ná hu lɛ́ɛ dó nyi gbɛ. Mi nɔ ɖó adingban nú togun ce bɔ yě lɔ nɔ ɖi nǔ nú mi.

Ezekiyɛ́li 21:21

Hwǐ ɖíɖá, hu mɛ ɖo aɖisí, hu mɛ ɖo amyɔ, hu gbɔn fí bǐ.

Micée 3:11

Hwɛɖɔtɔ́ lɛ́ɛ ɔ́, mɛ e dó nǔ nu nú yě ɔ́ sín hwɛ wɛ nɔ jɔ. Vɔ̌sánú-xwlémawutɔ́ lɛ́ɛ nɔ yí akwɛ́ ɖo mɛ sí, cóbó nɔ kplɔ́n Mawusɛ́n lɛ́ɛ mɛ. Gbeyíɖɔ Mawu tɔn lɛ́ɛ nɔ yí akwɛ́ ɖo mɛ sí cóbó nɔ dó Mawu sín wɛn mɛ. Nǔ ɖo mɔ̌ bɔ yě bǐ ká nɔ glá bó nɔ ɖɔ Mawu Mavɔmavɔ tɔn wɛ émí nyí, ɖɔ Mawu Mavɔmavɔ ɖo kpɔ́ xá émí, ɖɔ nǔ nyanya ɖěbǔ kún ná wa émí ó.

Kɛ́nsísɔ́ 22:8

Bɔ Baláamu ɖɔ nú yě ɖɔ: “Mi dɔ́ fí, bónú é kó jɛ sɔ ɔ́, un ná ɖɔ xósin e Mawu Mavɔmavɔ ná ná mì ɔ́ nú mi.” Énɛ́ ɔ́, Mɔwabu sín gǎn lɛ́ɛ nɔ Baláamu gɔ́n.

Kɛ́nsísɔ́ 23:23

Bǒ sixú kpé Jakɔ́bu ví lɛ́ɛ wú ǎ Vodún sixú wa nǔ ɖěbǔ nú yě ǎ. Hwe tɔn nu ko wá su ɔ́, è nǎ ɖɔ nǔ e Mawu wa ɔ́ nú yě.

Kɛ́nsísɔ́ 24:1

Baláamu mɔ ɖɔ Mawu Mavɔmavɔ ba ɖɔ émí ní xo ɖɛ dó Izlayɛ́li ví lɛ́ɛ jí. Énɛ́ ɔ́, é sɔ́ xaji yi Mawu Mavɔmavɔ nukɔn ɖ'ayǐ tɔn lɛ́ɛ ɖɔhun, bó ná se xó e é ná ɖɔ n'i é ǎ. Lo ɔ́, é lílɛ́ kpan nukɔn gbětótló mɛ,

Hlɔ̌manu 16:18

Đó gbɛtɔ́ mɔ̌hunkɔtɔn lɛ́ɛ ɖo azɔ̌ wa nú Klísu Aklúnɔ mǐtɔn ɔ́ wɛ ǎ; lo ɔ́, adɔgo yě ɖésúnɔ tɔn wa azɔ̌ ná wɛ yě ɖe. Yě nɔ ɖɔ xó víví, bó nɔ ɖɔ mɛblɛ́ɖuxó dó flú xomɛvɔ́nɔ lɛ́ɛ sín ayixa.

Titu 1:11

È ɖǒ ná xwe nu yětɔn dó xɔ, ɖó yě ɖo hunnyahunnya dó hɛ̌nnu lɛ́ɛ bǐ sésé mɛ wɛ, bɔ nǔ e è ma ɖó ná kplɔ́n mɛ ǎ ɔ́, yě nɔ kplɔ́n mɛ lɛ́ɛ, bó ná dó mɔ akwɛ́.

Jozuwée 13:22

Nǔkantɔ́ Baláamu Beɔ́ɔ ví ɔ́ lɔ ɖo mɛ e Izlayɛ́li ví lɛ́ɛ hu hwenɛ́nu lɛ́ɛ mɛ.

2 Piyɛ́ɛ 2:15

Yě gosín ali jlɔ́jlɔ́ ɔ́ jí, bó yi bú; Bosɔ́ɔ sín vǐ Baláamu e yí wǎn nú nǔ nyanya wiwa dó ɖu le ɔ́, ali e é gbɔn ɔ́ wɛ yě wlǐ.

Judi 1:11

Heelú yě, ɖó ali e Kanyɛ́ɛ gbɔn ɔ́ wɛ yě mlɛ́. Yě jó yěɖée dó nú nǔ wa nyi do, bó ná dó mɔ akwɛ́ Baláamu ɖɔhun. Yě dɔn, ɖó yě fɔ́n gǔ Kolée ɖɔhun.