Kɛ́nsísɔ́ 22:6 - MAWUXÓWÉMA

⁶ Kɛnklɛ́n bó wá dó alɔ mì; wǎ dó nu togun ɔ́, ɖó é syɛ́n hú mì; nú a yǐ gbe bo dó nu yě ɔ́, afɔ nyɔ́ ɔ́, un sixú ɖu ɖo yě jí, bó ná nya yě sín to ɔ́ mɛ. Đó un tunwun ɖɔ a xo ɖɛ dó mɛɖé jí ɔ́, mɛ ɔ́ nɔ́ mɔ nyɔ̌ná, a dǒ nu mɛɖé ɔ́, é nɔ́ ɖi mɛ ɔ́ wú.”

Kɛ́nsísɔ́ 22:6 Iomraidhean Croise

Bǐbɛ́mɛ 12:3

Un ná xo ɖɛ dó mɛ e ná xo ɖɛ dó jǐ towe lɛ́ɛ jí; un ná dó nu mɛ e ná dó nu we lɛ́ɛ. Hwi jí wɛ un ná gbɔn bó ná xo ɖɛ dó hɛ̌nnu e ɖo gbɛ ɔ́ mɛ lɛ́ɛ bǐ jí.”

Bǐbɛ́mɛ 27:29

Togun ɖě lɛ́ɛ ní nɔ glɔ̌ towe; akɔta ɖě lɛ́ɛ ní nɔ́ ɖe kɔ́ nú we! Nyǐ gǎn nú nɔví towe lɛ́ɛ, nɔ towe xomɛ ví lɛ́ɛ ní nɔ́ ɖe kɔ́ nú we. Mɛ ɖěbǔ dó nu we ɔ́, è nǎ dó nu mɛ ɔ́; mɛ ɖěbǔ xo ɖɛ dó jǐ we ɔ́, è nǎ xo ɖɛ dó mɛ ɔ́ jí.”

1 Axɔ́sú 22:13

Wɛnsagun e yi Micée ylɔ́ gbé ɔ́ ɖɔ n'i ɖɔ: “Gbeyíɖɔ ɖě lɛ́ɛ bǐ wɛ ɖɔ nǔ ɖokpó ɔ́; yě bǐ ɖɔ xó ɖagbe nú axɔ́sú ɔ́. Hwi lɔ tɛ́nkpɔ́n bó ɖɔ xó ɖagbe nú axɔ́sú ɔ́, yě ɖɔhun.”

1 Axɔ́sú 22:6

Énɛ́ ɔ́, Izlayɛ́li xɔ́sú ɔ́ kplé gbeyíɖɔ lɛ́ɛ. Yě yi afɔwe (400) mɔ̌. É kanbyɔ́ yě ɖɔ: “Má yi tɔ́n ahwan Hlamɔti toxo ɖo Galadi a, abǐ má gbɔ?” Bɔ yě yí gbe n'i ɖɔ: “Yi, Aklúnɔ ná jó toxo ɔ́ nú we.”

1 Axɔ́sú 22:8

Axɔ́sú Izlayɛ́li tɔn ɔ́ ká yí gbe n'i ɖɔ: “Nya ɖokpó jɛ́n ɖo fí, bɔ mǐ sixú kan nǔ byɔ́ Mawu Mavɔmavɔ gbɔn jǐ tɔn. Un ka gbɛ́ wǎn n'i, ɖó é nɔ mɔ nǔ ɖagbe ɖé ɖɔ nú mì ǎ. Nǔ nyanya kɛ́ɖɛ́ jɛ́n é nɔ mɔ bó nɔ́ ɖɔ nú mì. Micée Yimula ví ɔ́ wɛ.” Ée é ɖɔ mɔ̌, Jozafáti ɖɔ n'i ɖɔ: “Sɛ́mɛɖó, ma ɖɔ mɔ̌ ó!”

Nɛɛmíi 13:2

Đó ɖ'ayǐ xóxó ɔ́, yě hɛn nǔɖuɖu kpó sin kpó wá nú Izlayɛ́li ví lɛ́ɛ ǎ, bó ká lɛ́ ná nǔ Baláamu ɖɔ é ní dó nu Izlayɛ́li ví lɛ́ɛ. Lo ɔ́, Mawu sɔ́ nudómɛ énɛ́ ɔ́ dó húzú nyɔ̌ná nú Izlayɛ́li ví lɛ́ɛ.

Ɖɛhan 109:28

Nu wɛ yědɛɛ lɛ́ɛ nɔ́ dó mɛ, hwɛ ka nɔ xo ɖɛ dó mɛ jí. Nú yě sí te dó jǐ ce ɔ́, yě ná ɖu winnyá, bɔ nyɛ mɛsɛntɔ́ towe ná j'awǎ.

Nǔnywɛ́xó 26:2

Mɛ e nɔ yǎyá kpowun bó dó nu mɛ ɔ́, xó wɛ é ɖɔ dó jɔhɔn mɛ; nudómɛ énɛ́ cí xɛ ɖo jɔhɔn mɛ ɖɔhun; é cí azɔnxɛ e ɖo yiyi wɛ kpowun ɔ́ ɖɔhun.

Ezekiyɛ́li 13:6

Nǔ wɛ yě nɔ́ kpa ɖɔ bó nɔ́ ɖɔ émí mɔ nǔ; nǔ e yě nɔ́ ɖɔ é ná wá jɛ lɛ́ɛ ɔ́, adingban kɛ́ɖɛ́ wɛ; adingban ɖó wɛ yě nɔ́ ɖe bó nɔ́ ɖɔ: ‘Mawu Mavɔmavɔ ɖɔ lě’; nyɛ Mawu Mavɔmavɔ ka zɔ́n nǔɖé yě ǎ. Yě nɔ́ wa mɔ̌, bó nɔ́ ɖo te nɔ kpɔ́n wɛ ɖɔ nyɛ ná wa nǔ dó ɖe xlɛ́ ɖɔ émí ɖɔ nǔgbó.

Micée 6:5

Togun ce, hwenu e Balaki axɔ́sú Mɔwabu tɔn ɔ́ ɖo linlin wɛ ná wa nǔ dó mi ɔ́, xósin e Baláamu Beɔ́ɔ ví ɔ́ ná ɛ ɔ́, mi flín a? Énɛ́ ɔ́ gúdo ɔ́, un kplá mi sín Citímu káká wá Gilugalu, bónú mi ná mɔ ɖagbe e nyɛ Mawu Mavɔmavɔ mitɔn wa nú mi lɛ́ɛ é.”

Kɛ́nsísɔ́ 22:12

Mawu ká ɖɔ nú Baláamu ɖɔ: “A nǎ xwedó yě yi ǎ; a nǎ dó nu togun ɔ́ ǎ, ɖó un ko xo ɖɛ dó jǐ tɔn.”

Kɛ́nsísɔ́ 22:17

É ɖɔ hwi wá ɔ́, émí ná wlí yɛ̌yi nú hwi ɖésú. Émí ná bló nǔ e hwi ná byɔ́ émí lɛ́ɛ bǐ. Hwi ní kɛnklɛ́n wá dó nu togun ɔ́ nú émí.”

Kɛ́nsísɔ́ 23:13

Balaki lɛ́ yí xó, bó ɖɔ: “Wǎ nú mǐ nǎ yi tɛn ɖěvo mɛ; a nǎ mɔ Izlayɛ́li ví lɛ́ɛ bǐ ɖo fínɛ́. Fí élɔ́ e mǐ ɖe ɔ́, Izlayɛ́li ví lɛ́ɛ hǎbǔ jɛ́n mɔ wɛ a ɖe. Nú mǐ jɛ fí ɔ́, a nǎ dó nu yě nú mì.”

Kɛ́nsísɔ́ 23:27

Balaki ka ɖɔ nú Baláamu ɖɔ: “Bo wá nú má lɛ́ kplá we yi tɛn ɖěvo mɛ. Afɔ nyɔ́ ɔ́, Mawu sixú yí gbe ɖɔ a nǐ dó nu togun élɔ́ nú mì ɖo fínɛ́.”

Kɛ́nsísɔ́ 24:9

Izlayɛ́li ví lɛ́ɛ ɖo gbigbɔjɛ́ wɛ, yě mlɔ́ ayǐ kinnikínní ɖɔhun, kinnikínní asi ɖɔhun. Mɛ̌ ká ná sixú fɔ́n yě sí te? Izlayɛ́li togun e, Mawu ní xo ɖɛ dó mɛ e ná xo ɖɛ dó jǐ towe ɔ́ jí. Mawu ní dó nu mɛ e ná dó nu we é.”

Mɛsɛ́dó 16:16

Mǐ wá xwe ɖɛxotɛnmɛ gbe ɖokpó, bó kpé nyɔ̌nu mɛsɛntɔ́ ɖé, bɔ yɛ nyanya ɖé ɖo jǐ tɔn, bɔ é nɔ kan amɔɛ nú mɛ lɛ́ɛ. Nǔ énɛ́ e é nɔ wa ɔ́ nɔ zɔ́n, bɔ é nɔ dɔn akwɛ́ gěgé wá nú gǎn tɔn lɛ́ɛ.

Sɛ́nflínmɛ 23:4

Amumɔ́ɔ ví lɛ́ɛ kpó Mɔwabunu lɛ́ɛ kpó ɖě ná sixú nɔ mawusɛntɔ́ lɛ́ɛ sín agun ɔ́ mɛ gbeɖé ǎ. Bɛ́ sín vǐ yětɔn jí káká yi jijimɛ wǒgɔ́ ɔ́ jí lɔmɔ̌ ná sixú nɔ mawusɛntɔ́ lɛ́ɛ sín agun ɔ́ mɛ ǎ.

Jozuwée 24:9

Axɔ́sú Mɔwabu tɔn Balaki Sipɔ́ɔ ví ɔ́ lɔ tɔ́n ahwan mi, é sɛ́ wɛn dó Baláamu, Beɔ́ɔ ví ɔ́, ɖɔ é ní wá dó nu mi.

1 Samuwɛ́li 17:43

Nya ɔ́ kanbyɔ́ Davídi ɖɔ cukú wɛ émí ká nyí bɔ é ja émí gɔ́n bó hɛn kpo a jí. Ée é ɖɔ mɔ̌ ɔ́, é ɖó vodún Davídi.