Kɛ́nsísɔ́ 22:5 - MAWUXÓWÉMA

⁵ Balaki sɛ́ mɛ dó Baláamu, Beɔ́ɔ ví ɔ́, ɖo Petɔ́ɔ toxo mɛ. Balaki ɔ́, Efláti tɔ ɔ́ tó wɛ é nɔ́ nɔ, é kpódó mɛ tɔn lɛ́ɛ kpó. É sɛ́ mɛ dó ɖɔ è nǐ yi ɖɔ nú Baláamu ɖɔ: “Togun ɖé ɖíe gosín Ejípu bo wá fí, bó gba kpé to ɔ́ bǐ mɛ e; fí e yě ɖǒ gɔnu ɖó ɔ́ lín dó mǐ ɖěbǔ ǎ.

Kɛ́nsísɔ́ 22:5 Iomraidhean Croise

Bǐbɛ́mɛ 13:16

Un ná bló bɔ vǐvú towe lɛ́ɛ ná sukpɔ́ kɔ́gúdu ɖɔhun. Yě ná sukpɔ́ káká bɔ mɛɖé ná sixú xa yě ǎ, lě e è ma sixú xa kɔ́ e ɖo ayǐkúngban jí ɔ́ ǎ é ɖɔhun.

Ɖɛhan 105:24

Mawu bló bɔ togun tɔn gba kún, bó syɛ́n hú kɛntɔ́ tɔn lɛ́ɛ.

Tíntɔ́n 10:15

Yě kpé ayǐkúngban ɔ́ bǐ jí, bɔ ayǐkúngban ɔ́ dó ablu. Yě ɖu gběhan e ɖo ayǐkúngban ɔ́ jí lɛ́ɛ bǐ, bó ɖu atínsínsɛ́n lɛ́ɛ bǐ; yě ɖu nǔ e kɛ́njí ɔ́ ma hɛn gblé ǎ lɛ́ɛ bǐ, bɔ é sɔ́ kpo ama ɖěbǔ ɖo atín lɛ́ɛ jí ǎ, é ká sɔ́ kpo gběhan ɖěbǔ ɖo gle lɛ́ɛ mɛ ɖo Ejípu to ɔ́ mɛ ǎ.

Micée 6:5

Togun ce, hwenu e Balaki axɔ́sú Mɔwabu tɔn ɔ́ ɖo linlin wɛ ná wa nǔ dó mi ɔ́, xósin e Baláamu Beɔ́ɔ ví ɔ́ ná ɛ ɔ́, mi flín a? Énɛ́ ɔ́ gúdo ɔ́, un kplá mi sín Citímu káká wá Gilugalu, bónú mi ná mɔ ɖagbe e nyɛ Mawu Mavɔmavɔ mitɔn wa nú mi lɛ́ɛ é.”

Kɛ́nsísɔ́ 23:7

Bɔ Baláamu ɖɔ xó e Mawu Mavɔmavɔ ɖɔ n'i lɛ́ɛ; é ɖɔ: “Balaki wɛ ylɔ́ mì sín Silíi wá; axɔ́sú Mɔwabu tɔn Balaki wɛ ylɔ́ mì sín só ɖaxó zǎnzǎnhwe jí tɔn lɛ́ɛ jí wá. É ɖɔ nú mì ɖɔ: ‘Wǎ dó nu Jakɔ́bu nú mì! Wǎ gblɔ́n adǎn nú Izlayɛ́li nú mì!’

Kɛ́nsísɔ́ 31:8

Yě hu axɔ́sú Madiáani ví lɛ́ɛ tɔn atɔ́ɔ́n lɛ́ɛ; axɔ́sú lɛ́ɛ sín nyǐkɔ ɖíe: Ewi, Hlɛkɛ́mu, Súu, Húu kpó Hlɛva kpó. Yě hu nǔkantɔ́ Baláamu, Beɔ́ɔ ví súnnu ɔ́ lɔmɔ̌.

Sɛ́nflínmɛ 23:4

Amumɔ́ɔ ví lɛ́ɛ kpó Mɔwabunu lɛ́ɛ kpó ɖě ná sixú nɔ mawusɛntɔ́ lɛ́ɛ sín agun ɔ́ mɛ gbeɖé ǎ. Bɛ́ sín vǐ yětɔn jí káká yi jijimɛ wǒgɔ́ ɔ́ jí lɔmɔ̌ ná sixú nɔ mawusɛntɔ́ lɛ́ɛ sín agun ɔ́ mɛ ǎ.

Sɛ́nflínmɛ 23:5

Đó hwenu e mi gosín Ejípu tomɛ wá xweyǐgbe ɔ́, yě hɛn nǔɖuɖu kpó sin kpó wá nú mi ǎ; é nyɔ́ wa ɔ́, yě dǒ nǔ nu nú nǔkantɔ́ Baláamu, Beɔ́ɔ ví ɔ́, bónú é ná dó nu mi; é gosín Petɔ́ɔ toxo ɔ́ mɛ ɖo Mɛzopotamíi, bó wá.

Jozuwée 13:22

Nǔkantɔ́ Baláamu Beɔ́ɔ ví ɔ́ lɔ ɖo mɛ e Izlayɛ́li ví lɛ́ɛ hu hwenɛ́nu lɛ́ɛ mɛ.

Jozuwée 24:9

Axɔ́sú Mɔwabu tɔn Balaki Sipɔ́ɔ ví ɔ́ lɔ tɔ́n ahwan mi, é sɛ́ wɛn dó Baláamu, Beɔ́ɔ ví ɔ́, ɖɔ é ní wá dó nu mi.

Judi 1:11

Heelú yě, ɖó ali e Kanyɛ́ɛ gbɔn ɔ́ wɛ yě mlɛ́. Yě jó yěɖée dó nú nǔ wa nyi do, bó ná dó mɔ akwɛ́ Baláamu ɖɔhun. Yě dɔn, ɖó yě fɔ́n gǔ Kolée ɖɔhun.

Nǔɖexlɛ́mɛ 2:14

É ka ɖo mɔ̌ có a wa nǔɖé lɛ́ɛ bɔ é vɛ́ wǔ ce: mɛ e tɛ́ dó nǔkplɔ́nmɛ Baláamu tɔn wú lɛ́ɛ ɖo mi mɛ : Baláamu nɔ kplɔ́n nǔ Balaki ɖɔ ní dɔn Izlayɛ́li ví lɛ́ɛ, bónú yě ní ɖu kanlin e è xwlé vodún lɛ́ɛ sín lan, bó lɛ aga, bó ná dó hu hwɛ.