Kɛ́nsísɔ́ 22:41 - MAWUXÓWÉMA

⁴¹ Ayǐhɔ́ngbe zǎnzǎn ɔ́, Balaki kplá Baláamu, bɔ yě fán kpó yi Bamɔ́ti-Baalu toxo mɛ, bɔ Baláamu mɔ togun ɔ́ hǎbǔ ɖo fínɛ́.

Kɛ́nsísɔ́ 22:41 Iomraidhean Croise

2 Tan 11:15

Jelobowámu ɖésúnɔ kó ɖe mɛɖé lɛ́ɛ, bɔ yě nyǐ vɔ̌sánú-xwlémawutɔ́ gbɔn tɛn mímɛ́ e ɖo só jí só jí lɛ́ɛ, bó ɖe mɛ ɖé lɛ́ɛ, bɔ yě nyí vodúnnɔ ɖo fí e gbǎgbá kpó nyibúví kpó sín akpajlɛ́ e é bló lɛ́ɛ nɔ́ nɔ lɛ́ɛ.

Jelemíi 19:5

Yě lí vodún Baalu, bó nɔ dó vǐ yětɔn lɛ́ɛ zo dó sá vɔ̌ n'i. Nyɛ zɔ́n nǔ mɔ̌hunkɔtɔn kpɔ́n gbeɖé ǎ; un ka ɖɔ xó tɔn nú mɛɖé ǎ; ayixa mɔ̌hunkɔtɔn ká wá xo ce mɛ lɔ gbeɖé ǎ.

Jelemíi 48:35

“Mɛ e ɖo Mɔwabu, bó nɔ́ sá vɔ̌ nú nǔmɛsɛn yětɔn lɛ́ɛ gbɔn só jí só jí lɛ́ɛ ɔ́, un na sú yě bǐ sín kún dó.” Xó e Mawu Mavɔmavɔ ɖɔ ɔ́ nɛ́.

Kɛ́nsísɔ́ 21:28

Đó myɔ ɖé tɔ́n sín Hɛcibɔ́ni, zo ɖé tɔ́n sín axɔ́sú Sihɔ́ni sín toxo ɔ́ mɛ. Myɔ fyɔ́ Áa toxo ɔ́ ɖo Mɔwabu to mɛ, bó fyɔ́ vodún e ɖo Aanɔ́ni tɔ ɔ́ sín kpó jí lɛ́ɛ.

Kɛ́nsísɔ́ 22:40

Balaki zé nyibú kpó gbɔ̌ kpó dó sá vɔ̌ ná, bó sɛ́ ɖě dó Baláamu kpó gǎn e xwedó e lɛ́ɛ kpó.

Kɛ́nsísɔ́ 23:1

Baláamu ɖɔ nú Balaki ɖɔ: “Mɛ vɔ̌sákpe tɛ́nwe ɖó fí nú mì, bó hɛn nyibúsú tɛ́nwe kpódó agbo tɛ́nwe kpó wá nú mì.”

Kɛ́nsísɔ́ 23:13

Balaki lɛ́ yí xó, bó ɖɔ: “Wǎ nú mǐ nǎ yi tɛn ɖěvo mɛ; a nǎ mɔ Izlayɛ́li ví lɛ́ɛ bǐ ɖo fínɛ́. Fí élɔ́ e mǐ ɖe ɔ́, Izlayɛ́li ví lɛ́ɛ hǎbǔ jɛ́n mɔ wɛ a ɖe. Nú mǐ jɛ fí ɔ́, a nǎ dó nu yě nú mì.”

Sɛ́nflínmɛ 12:2

“Mi ná gba vodún xwé lɛ́ɛ bǐ hánnyá: vodún xwé e ɖo só jí lɛ́ɛ, ée ɖo kpó ta lɛ́ɛ, ée ɖo atínkan mɛ lɛ́ɛ, mi ná gba bǐ. Mi ná gba fí e akɔta e mi nya tɔ́n lɛ́ɛ nɔ́ sɛn nǔmɛsɛn yětɔn lɛ́ɛ ɖe lɛ́ɛ bǐ.