Kɛ́nsísɔ́ 22:4 - MAWUXÓWÉMA

⁴ Énɛ́ ɔ́, Mɔwabunu lɛ́ɛ ɖɔ nú tomɛxó Madiáani tɔn lɛ́ɛ ɖɔ: “Ahwan wɔ̌buwɔ́bú élɔ́ ná vɔ nǔ e lɛ́ dó mǐ lɛ́ɛ bǐ, lě e nyibú nɔ́ jɛ fí ɖé bó nɔ́ ɖu ama e gbɔn fínɛ́ ɔ́ bǐ é ɖɔhun.” Hwenɛ́nu ɔ́, Balaki, Sipɔ́ɔ ví ɔ́, wɛ nyí Mɔwabu sín axɔ́sú.

Kɛ́nsísɔ́ 22:4 Iomraidhean Croise

1 Axɔ́sú 11:18

Yě gosín Madiáani, bó yi Paláni. Yě kplá súnnu Paláninu ɖé lɛ́ɛ, bó yi Ejípu ɖo axɔ́sú Ejípu tɔn ɔ́ gɔ́n. Axɔ́sú ɔ́ ná xwé ɖokpó Hadádi, bó nɔ ná ɛ nǔɖuɖu, lobo ná ɛ ayǐkúngban.

Tíntɔ́n 15:15

Ado hu Edɔ́mu sín gǎn lɛ́ɛ; Mɔwabu sín ahwanfuntɔ́ lɛ́ɛ jɛ sísɔ́sísɔ́ jí Kanáanu lɛ́ɛ ɖěbǔ sɔ́ ɖó akɔ́nkpinkpan ǎ.

Jelemíi 48:38

È ɖo alě ná wɛ ɖo tokplétɛn Mɔwabu tɔn lɛ́ɛ, è ɖo alě ná wɛ ɖo xɔ bǐ ta, ɖó un gba Mɔwabu, zɛ̌n e è ma sɔ́ jló ná zán ǎ é ɖɔhun. Xó e nyɛ Mawu Mavɔmavɔ ɖɔ ɔ́ nɛ́.

Kɛ́nsísɔ́ 22:2

Balaki Sipɔ́ɔ ví ɔ́ mɔ nǔ e Izlayɛ́li ví lɛ́ɛ wa xá Amɔliti lɛ́ɛ é bǐ.

Kɛ́nsísɔ́ 22:7

Tomɛxó Mɔwabu tɔn lɛ́ɛ kpó Madiáani tɔn lɛ́ɛ kpó hɛn nǔ e yě ná yi ná nǔkantɔ́ Baláamu é. Yě yi Baláamu gɔ́n bó ɖɔ xó e Balaki ɖɔ lɛ́ɛ n'i.

Kɛ́nsísɔ́ 24:17

Un mɔ nǔ e ɖo nǎ jɛ wɛ ɔ́, amɔ̌, égbé wɛ nǔ ɔ́ ná jɛ ǎ. Ayi ce ɖo nǔ e ná jɛ ɔ́ mɔ wɛ. É kó wá yá ɔ́, nǔ ɔ́ ná jɛ. Sunví ɖokpó tɔ́n ɖo Jakɔ́bu kúnkan lɛ́ɛ mɛ. Axɔ́sú ɖaxó ɖokpó tɔ́n ɖo Izlayɛ́li togun ɔ́ tɛ́ntin. É zin gǎnkpogɛ tɔn dó tókpá nú Mɔwabunu lɛ́ɛ. É dó gǎnkpogɛ tɔn dó ta nú Sɛ́ti ví lɛ́ɛ.

Kɛ́nsísɔ́ 25:6

Hwenu e Mɔyízi ɖo xó énɛ́ lɛ́ɛ ɖɔ nú gǎn lɛ́ɛ wɛ ɔ́, Izlayɛ́li ví ɖokpó kplá Madiáani ví nyɔ̌nu ɖokpó wá mɛ tɔn lɛ́ɛ mɛ, bɔ Mɔyízi kpó Izlayɛ́li ví ɖě lɛ́ɛ kpó mɔ ɛ. Yě bǐ kó kplé ɖo Goxɔ ɔ́ sín ali nu bo ɖo avǐ ya wɛ hwenɛ́nu.

Kɛ́nsísɔ́ 31:1

Mawu Mavɔmavɔ ɖɔ nú Mɔyízi ɖɔ:

Kɛ́nsísɔ́ 31:8

Yě hu axɔ́sú Madiáani ví lɛ́ɛ tɔn atɔ́ɔ́n lɛ́ɛ; axɔ́sú lɛ́ɛ sín nyǐkɔ ɖíe: Ewi, Hlɛkɛ́mu, Súu, Húu kpó Hlɛva kpó. Yě hu nǔkantɔ́ Baláamu, Beɔ́ɔ ví súnnu ɔ́ lɔmɔ̌.

Hwɛɖɔtɔ́ 11:25

A vɛdó ɖɔ émí dó hlɔ̌nhlɔ́n hú Balaki, Sipɔ́ɔ ví axɔ́sú Mɔwabu tɔn ɔ́ wɛ sín a? Có éyɛ́ ba nǔɖɔ Izlayɛ́li ví lɛ́ɛ ǎ, é ká tɔ́n ahwan yě ǎ.

Hwɛɖɔtɔ́ 6:1

Izlayɛ́li ví lɛ́ɛ lɛ́ wa nǔ e má nyɔ́ Mawu Mavɔmavɔ nukún mɛ ǎ é. Énɛ́ ɔ́ wú wɛ Mawu Mavɔmavɔ jó yě nú Madiáani ví lɛ́ɛ xɔ xwe tɛ́nwe.