Kɛ́nsísɔ́ 22:36 - MAWUXÓWÉMA

³⁶ Balaki se ɖɔ Baláamu jǎwe, bó tɔ́n yi kpé e ɖo káká Mɔwabu sín toxo e ɖo Aanɔ́ni tɔ ɔ́ tó, ɖo to ɔ́ sín dogbó jí e mɛ.

Kɛ́nsísɔ́ 22:36 Iomraidhean Croise

Bǐbɛ́mɛ 14:17

Ée Ablámu ɖu ɖo Kedɔ́laomɛ́ɛ kpó axɔ́sú e ɖo jǐ tɔn lɛ́ɛ kpó jí, bó lɛ́ kɔ jǎwe ɔ́, axɔ́sú Sodɔ́mu tɔn ɔ́ tɔ́n, bó yi kpé e ɖo tɔdo Cawée tɔn ɔ́ mɛ. Tɔdo Cawée tɔn ɔ́, è nɔ lɛ́ ylɔ́ ɖɔ tɔdo Axɔ́sú tɔn.

Bǐbɛ́mɛ 18:2

É zé ta d'aga bó ná mɔ nǔɖé kpowun ɔ́, é mɔ súnnu atɔn ɖo te ɖo nukɔn tɔn; yě lín dó e ǎ. Ée é mɔ yě ɔ́, é kán wezun sín goxɔ tɔn nukɔn bó yi kpé yě, bó ɖe kɔ́ nú yě.

Bǐbɛ́mɛ 46:29

Jozɛ́fu sɔ́ kɛkɛ́ví tɔn sin dó sɔ́ tɔn wú, bó byɔ́ mɛ, lobo ɖidó Gocɛ́ni, bó ná yi kpé tɔ́ tɔn Jakɔ́bu. Ée é mɔ ɛ lě tlóló ɔ́, é zunfán ɛ, bó ya avǐ káká.

Tíntɔ́n 18:7

Mɔyízi ka sɛ yi asi tɔn tɔ́ ɔ́ gɔ́n, bó jɛ kpo bó ɖe kɔ́ n'i lobo kí si n'i. Yě kan lě e yě ɖe gbɔn ɔ́ byɔ́ yěɖée, bó byɔ́ Mɔyízi sín goxɔ mɛ.

Ezayíi 16:2

Mɔwabu nyɔ̌nu lɛ́ɛ ɖo flúflú wɛ xɛ e è nya sín adɔ̌ mɛ é ɖɔhun; yě ɖo flúflú wɛ ɖo fí e è nɔ zɔn afɔ gbɔn Aanɔ́ni tɔ ɔ́ mɛ ɖe é.

Jelemíi 48:20

Mi kan mɔ̌ byɔ́ yě ɔ́, yě ná ɖɔ nú mi ɖɔ: “Mɔwabu to ɔ́ ɖu winnyá, Mɔwabu to ɔ́ gba hánnyá bǐ.” Mi sú xó, mi dó axwá. Mi jlá gbɔn Aanɔ́ni gbé ɔ́ bǐ jǐ ɖɔ Mɔwabu gba.

Kɛ́nsísɔ́ 22:35

Wɛnsagun ɔ́ ɖɔ nú Baláamu ɖɔ: “Ma lɛ́ kɔ yi xwé ó; xwedó nya lɛ́ɛ yi, amɔ̌, xó e un ná ɖɔ nú we lɛ́ɛ kɛ́ɖɛ́ wɛ a nǎ vɔ́ ɖɔ.” Énɛ́ ɔ́, Baláamu lɛ́ jɛ ali xwedó gǎn e Balaki sɛ́ dó lɛ́ɛ.

Kɛ́nsísɔ́ 22:37

Ée Balaki mɔ Baláamu ɔ́, é kanbyɔ́ ɛ ɖɔ: “Un sɛ́ wɛn dó we ɖ'ayǐ ɖɔ hwi ní wá gɔ̌n ce a cé? Nɛ̌ ka gbɔn bɔ a ma wá ǎ? Hǔn a tunwun ɖɔ un kpé wú bó ná wlí yɛ̌yi nú we a cé?”

Mɛsɛ́dó 28:15

Nɔví mǐtɔn ɖo Klísu mɛ e ɖo Hlɔ̌ma lɛ́ɛ kó se ɖɔ mǐ jǎwe, bó wá kpé mǐ ɖo alixo; mɛɖé lɛ́ɛ wá nɔ te kpɔ́n mǐ ɖo Jǒnɔyítɛn Atɔn lɛ́ɛ nukɔn; mɛɖé lɛ́ɛ hun káká wá kpé mǐ ɖo Apiwúsixi mɛ. Ée Pɔ́lu mɔ yě ɔ́, é dó kú nú Mawu, bɔ wǔ yá ɛ.

Sɛ́nflínmɛ 2:24

Énɛ́ gúdo ɔ́, Mɔyízi ɖɔ Mawu Mavɔmavɔ ɖɔ: “Mi sí te bó jɛ ali; mi gbɔn Aanɔ́ni tɔ ɔ́ mɛ dín. Un ná jó axɔ́sú Hɛcibɔ́ni tɔn Amɔliti e è nɔ ylɔ́ ɖɔ Sihɔ́ni ɔ́ kpódó to tɔn kpó nú mi. Mi jɛ to ɔ́ yí jí; mi tɔ́n ahwan yě.

Sɛ́nflínmɛ 3:8

Mɔyízi ɖɔ: “Hwenɛ́nu ɔ́, lě e mǐ yǐ axɔ́sú Amɔliti lɛ́ɛ tɔn we sín ayǐkúngban gbɔn é nɛ́. Mǐ yǐ ayǐkúngban énɛ́ lɛ́ɛ ɖo Judɛ́ɛn tɔ ɔ́ sín zǎnzǎnhwe jí, bɛ́ sín Aanɔ́ni tɔ ɔ́ kɔn káká wá Ɛmɔ́ɔ só ɔ́ kɔn.

Hwɛɖɔtɔ́ 11:18

Énɛ́ ɔ́ gúdo ɔ́, Izlayɛ́li ví lɛ́ɛ lɛ́ vɔ́ sɔ́ ali gbɔn gbětótló mɛ, bó kpa kɛ́n nú ayǐkúngban Edɔ́mu tɔn ɔ́ kpó Mɔwabu tɔn ɔ́ kpó, bó wá jɛ Mɔwabu sín zǎnzǎnhwe jí. Yě ɖǒ gɔnu ɖó tɔsisa Aanɔ́ni tɔn ɔ́ sín akpá ɖě ɔ́ xwé; yě ká yi ayǐkúngban Mɔwabu tɔn ɔ́ jí ǎ, ɖó Aanɔ́ni ɔ́ wɛ nyí Mɔwabu sín dogbó.

1 Samuwɛ́li 13:10

Vɔ̌ ɔ́ sá fó wɛ è ɖe kɛ́ɖɛ́, bɔ Samuwɛ́li wá, bɔ é yi gɔ̌n tɔn, bó ná dó gbe e.