Kɛ́nsísɔ́ 22:34 - MAWUXÓWÉMA

³⁴ Baláamu ɖɔ nú wɛnsagun Mawu Mavɔmavɔ tɔn ɔ́ ɖɔ: “Un hu hwɛ, ɖó un tunwun ɖ'ayǐ ɖɔ a ɖo nukɔn ce ɖo ali ɔ́ jí ǎ; din ɔ́, nú a ma jló ɖɔ má yi to ɔ́ mɛ ǎ ɔ́, un ná lɛ́ kɔ yi xwé.”

Kɛ́nsísɔ́ 22:34 Iomraidhean Croise

2 Samuwɛ́li 12:13

Bɔ Davídi ɖɔ nú Natáan ɖɔ: “Hwɛ wɛ un hu dó Mawu Mavɔmavɔ.” Bɔ Natáan ɖɔ n'i ɖɔ: “Ée a tunwun ɖɔ mɔ̌ ɔ́, Mawu Mavɔmavɔ zé hwɛ towe kɛ we, a nǎ kú ǎ.

1 Tan 21:7

Kɛ́n énɛ́ e Davídi ɖɔ bɔ è sɔ́ ɔ́ nyɔ́ Mawu nukún mɛ ǎ, bɔ é dɔn tó nú Izlayɛ́li togun ɔ́.

Ɖɛhan 78:34

Hwenu e Mawu jɛ yě hu jí ɔ́, yě jɛ biba ɛ jí, yě lɛ́ kɔ wá bó jɛ Mawu ba jí.

Tíntɔ́n 9:27

Bɔ axɔ́sú ɔ́ ylɔ́ Mɔyízi kpó Aalɔ́ɔn kpó bó ɖɔ nú yě ɖɔ: “Din tɔn ɔ́, nyɛ wɛ hu hwɛ; Mawu Mavɔmavɔ wɛ nyí hwɛjijɔnɔ, nyɛ kpó togun ce kpó wɛ wa nǔ nyi do.

Nǔnywɛ́xó 24:18

A bló mɔ̌ ɔ́, Mawu Mavɔmavɔ ná mɔ, bɔ é ná vɛ́ n'i, bɔ é ná jó xomɛ e sin dó kɛntɔ́ towe wɛ é ɖe ɔ́ dó.

Kɛ́nsísɔ́ 11:1

É wá su gbe ɖokpó, bɔ Izlayɛ́li ví lɛ́ɛ jɛ gbɛvíhan dó sɛ́ dó Mawu Mavɔmavɔ jí, bɔ é nyɔ́ nukún tɔn mɛ ǎ. Ée Mawu Mavɔmavɔ se gbɛvíhan e dó wɛ yě ɖe ɔ́, xomɛ sin i, bɔ é sɛ́ myɔ dó yě, bɔ sin ɖa nǔ ɖo fí e yě ɖǒ gɔnu ɖó ɔ́ ɖo akpá ɖokpó.

Kɛ́nsísɔ́ 14:40

Énɛ́ ɔ́ wú wɛ togun ɔ́ fɔ́n zǎn jɛ ali, bó wlí sókan mɛ sín ali ɔ́ bó ɖɔ: “Mǐ wa nǔ nyi do! Amɔ̌, din ɔ́, mǐ ɖo gbesisɔ mɛ bo ná yi fí e Mawu Mavɔmavɔ ɖɔ mǐ ní yi ɔ́.”

Kɛ́nsísɔ́ 22:12

Mawu ká ɖɔ nú Baláamu ɖɔ: “A nǎ xwedó yě yi ǎ; a nǎ dó nu togun ɔ́ ǎ, ɖó un ko xo ɖɛ dó jǐ tɔn.”

Kɛ́nsísɔ́ 22:33

Azɔn atɔn wɛ tócí ɔ́ mɔ mì bó lɛ́ kɔ sín nukɔn ce. Nú é má nɔ́ lɛ́ kɔ sín nukɔn ce ǎ ɔ́, un ná ko hu we, bó ná jó éyɛ́ dó nyi gbɛ.”

1 Samuwɛ́li 15:24

Ée Samuwɛ́li ɖɔ mɔ̌ ɔ́, Sawúlu ɖɔ: “Un hu hwɛ, un bló nǔ e Mawu Mavɔmavɔ ɖɔ lɛ́ɛ ǎ, un ka bló nǔ e hwi lɔ ɖɔ lɛ́ɛ ǎ. Ahwanfuntɔ́ lɛ́ɛ ɖi xɛsi ná wɛ un ka ɖe, bó gbɔ bó bló nǔ e yě ɖɔ é.

1 Samuwɛ́li 15:30

Sawúlu lɛ́ ɖɔ: “Hwɛ wɛ un hu. Ka kɛnklɛ́n bó sɔ́ mì su ɖo tomɛxó lɛ́ɛ nukɔn, bó sɔ́ mì su ɖo Izlayɛ́li ví lɛ́ɛ nukɔn. Wǎ kplá mì nú má yi ɖe kɔ́ nú Mawu Mavɔmavɔ, Mawu towe.”

1 Samuwɛ́li 24:17

Ée Davídi ɖɔ xó énɛ́ lɛ́ɛ nú Sawúlu fó ɔ́, Sawúlu kanbyɔ́ Davídi ɖɔ: “Davídi, vǐ ce, hwi jɛ́n ɖo mɔ̌ ɖɔ nú mì wɛ a?” Ée é ɖɔ mɔ̌ ɔ́, é sú xó bó ya avǐ káká,

1 Samuwɛ́li 26:21

Ée é ɖɔ mɔ̌ ɔ́, Sawúlu sú xó, bó ɖɔ: “Davídi, vǐ ce, wǎ, hwɛ wɛ un hu, un sɔ́ ná wa nǔɖé nú we ǎ, ɖó égbé ɔ́, a ɖǒ sísí nú gbɛ ce. Taɖunɔ ɖɔhun wɛ un wa nǔ; nǔ ɖaxó ɖokpó wɛ un wa nyi do.”