Kɛ́nsísɔ́ 22:22 - MAWUXÓWÉMA

²² Mawu sin xomɛ dó Baláamu, ɖó yi e é yi ɔ́ wú, bɔ wɛnsagun Mawu Mavɔmavɔ tɔn ɖokpó cí ali ɔ́ jí, bó ná gbo ali n'i. Baláamu xá tócí tɔn jí, bɔ mɛsɛntɔ́ tɔn we lɛ́ɛ xwedó e.

Kɛ́nsísɔ́ 22:22 Iomraidhean Croise

2 Axɔ́sú 10:20

Énɛ́ ɔ́ wú wɛ é ɖɔ: “Mi ylɔ́ kplé ɖaxó ɖokpó nú mǐ ná wa nǔ nú vodún Baalu.” Bɔ è ylɔ̌ kplé ɔ́.

Tíntɔ́n 23:20

Mawu lɛ́ ɖɔ: “Mi ɖótó, un ná sɛ́ wɛnsagun ɖokpó dó bɔ é ná nɔ nukɔn nú mi, é ná nya xɛ ɖo jǐ mitɔn ɖo alixo, bó ná kplá mi yi to e un blóɖó ɖ'ayǐ nú mi ɔ́ mɛ.

Tíntɔ́n 4:24

Hwenu e Mɔyízi jɛ ali bó ɖo yiyi wɛ ɔ́, é dɔ́ fí ɖé, bɔ Mawu Mavɔmavɔ zɔn jǐ tɔn bó ja huhu i gbé.

Gbɛvíhan 2:4

É tlɔ́ gǎ tɔn kɛntɔ́ ɖɔhun, bó ɖo gbesisɔ mɛ bó ná da. É hu mɛ e sín nǔ nyɔ́ nukún mǐtɔn mɛ lɛ́ɛ bǐ, bó dó ɖe xlɛ́ ɖɔ kɛntɔ́ mǐtɔn wɛ émí nyí. É gba xomɛsin tɔn kɔn nyi Sinyɔ́ɔ toxo ɔ́ jí myɔ ɖɔhun.

Ozée 1:4

Bɔ Mawu Mavɔmavɔ ɖɔ nú Ozée ɖɔ: “Sun nyǐ vǐ ɔ́ ɖɔ Izleyɛ́li, ɖó é nɔ zaanɖé din ɔ́, un ná dɔn tó nú Jehu sín kúnkan lɛ́ɛ, ɖó mɛ e yě hu ɖo Izleyɛ́li lɛ́ɛ é wú; un ná ɖó xwédo Izlayɛ́li tɔn ɔ́ sín axɔ́súɖuɖu te.

Kɛ́nsísɔ́ 22:23

Tócí ɔ́ mɔ wɛnsagun Mawu Mavɔmavɔ tɔn ɔ́ ɖo te ɖo ali jí, bó hɛn hwǐ tɔn alɔ mɛ. Hwǐ ɔ́ sɔ́ ɖo akún mɛ ǎ, bɔ tócí ɔ́ zɛ, bó byɔ́ gběhan mɛ; lo ɔ́, Baláamu xo e bó lɛ́ kɔ n'i wá ali ɔ́ jí.

Kɛ́nsísɔ́ 22:32

Bɔ Mawu Mavɔmavɔ kanbyɔ́ ɛ ɖɔ: “Nɛ̌ ka gbɔn bɔ a xo tócí towe azɔn atɔn? Ali wɛ un wá gbo nú we, ɖó un mɔ ɖɔ to élɔ́ e mɛ a xwe ɔ́, dindɔn gbé wɛ a xwe.

Kɛ́nsísɔ́ 22:35

Wɛnsagun ɔ́ ɖɔ nú Baláamu ɖɔ: “Ma lɛ́ kɔ yi xwé ó; xwedó nya lɛ́ɛ yi, amɔ̌, xó e un ná ɖɔ nú we lɛ́ɛ kɛ́ɖɛ́ wɛ a nǎ vɔ́ ɖɔ.” Énɛ́ ɔ́, Baláamu lɛ́ jɛ ali xwedó gǎn e Balaki sɛ́ dó lɛ́ɛ.