Kɛ́nsísɔ́ 22:20 - MAWUXÓWÉMA

²⁰ Mawu wǎ Baláamu gɔ́n zǎn mɛ, bó ɖɔ n'i ɖɔ: “Ée é nyí ɖɔ mɛ élɔ́ lɛ́ɛ ɔ́, ylɔ̌ wɛ yě wǎ ylɔ́ we ɔ́, sɔ́ nǔ bó xwedó yě. Amɔ̌, nǔ e un ná ɖɔ nú we ɔ́ wɛ a nǎ bló.”

Kɛ́nsísɔ́ 22:20 Iomraidhean Croise

Ɖɛhan 81:12

Lo ɔ́, togun ce ɖótó gbe ce ǎ; Izlayɛ́li ví lɛ́ɛ ba xó ce ǎ.

Ezayíi 37:29

A sin xomɛ dó mì, bó dó mɛmasígbe bɔ é wá káká gɔ̌n ce. Énɛ́ wú ɔ́, un ná dó gan awɔntín mɛ nú we, bó ná dó aja nu nú we, bó ná lɛ́ kɔ nú we gbɔn ali e a gbɔn wá é.

Jelemíi 1:7

Bɔ Mawu Mavɔmavɔ ɖɔ nú mì ɖɔ: “Ma ɖɔ émí nyí yɔkpɔ́vú ó; mɛ e gɔ́n un ná sɛ́ we dó lɛ́ɛ ɔ́, a nǎ yi bǐ gɔ́n bó ná ɖɔ nǔ e un zɔ́n we lɛ́ɛ bǐ nú yě.

Ozée 13:11

Un sin xomɛ bó ná axɔ́sú ɖokpó mi; un ka ná yí i sín mi sí kpó adǎn kpó.

Kɛ́nsísɔ́ 22:19

Amɔ̌, mi kɛnklɛ́n bó nɔ fí zǎn élɔ́ mɛ; énɛ́ ɔ́, un ná se xó e Mawu Mavɔmavɔ ná lɛ́ ɖɔ nú mì é.”

Kɛ́nsísɔ́ 22:35

Wɛnsagun ɔ́ ɖɔ nú Baláamu ɖɔ: “Ma lɛ́ kɔ yi xwé ó; xwedó nya lɛ́ɛ yi, amɔ̌, xó e un ná ɖɔ nú we lɛ́ɛ kɛ́ɖɛ́ wɛ a nǎ vɔ́ ɖɔ.” Énɛ́ ɔ́, Baláamu lɛ́ jɛ ali xwedó gǎn e Balaki sɛ́ dó lɛ́ɛ.

Kɛ́nsísɔ́ 23:12

Baláamu ka kanbyɔ́ ɛ ɖɔ: “Xó e Mawu Mavɔmavɔ ɖɔ nú mì ɔ́ kɛ́ɖɛ́ wɛ un ɖó ná nɔ́ ɖɔ a cé?”

Kɛ́nsísɔ́ 23:16

Mawu Mavɔmavɔ wá ɖe éɖée xlɛ́ Baláamu, bó ɖɔ xó e é ɖó ná ɖɔ lɛ́ɛ n'i. Énɛ́ ɔ́ gúdo ɔ́, é ɖɔ n'i ɖɔ é ní lɛ́ kɔ yi Balaki gɔ́n, bó ɖɔ xó e émí ɖɔ n'i ɔ́ n'i.

Kɛ́nsísɔ́ 23:26

Bɔ Baláamu ɖɔ n'i ɖɔ: “Un ma ka ko ɖɔ nú we ɖ'ayǐ ɖɔ nǔ e Mawu Mavɔmavɔ ɖɔ nyɛ ní wa lɛ́ɛ bǐ wɛ un ná wa a?”

Kɛ́nsísɔ́ 23:5

Mawu Mavɔmavɔ ka ɖɔ xó e Baláamu ɖó ná ɖɔ lɛ́ɛ n'i. Énɛ́ ɔ́ gúdo ɔ́, é ɖɔ n'i ɖɔ ní lɛ́ kɔ yi Balaki gɔ́n, bó yi ɖɔ xó e émí ɖɔ n'i ɔ́ n'i.

Kɛ́nsísɔ́ 24:13

‘Kpatágan kpó siká kpó na bo gɔ́ Balaki sín xwé, bónú é ná xwé ɔ́ mì ɔ́, un sixú wa nǔ ɖěbǔ bɔ é ná gbɔn vo nú xó e Mawu Mavɔmavɔ ɖɔ nú mì ɔ́ ǎ; é sixú nyí nǔ ɖagbe, é sixú nyí nǔ nyanya; xó e Mawu Mavɔmavɔ ɖɔ ɔ́ wɛ un ná ɖɔ.’

Kɛ́nsísɔ́ 24:4

Nyɛ mɛ e nɔ se xó e Mawu nɔ́ ɖɔ ɔ́, xó e un ɖɔ ɔ́ ɖíe. Nyɛ mɛ e nɔ mɔ nǔɖexlɛ́mɛ Nǔbǐwúkpétɔ́ ɔ́ tɔn lɛ́ɛ ɔ́, xó e un ɖɔ ɔ́ ɖíe, nyɛ mɛ e ɖo sinsɛn ɛ wɛ ɔ́, é nɔ́ ɖe éɖée xlɛ́ mì ɔ́, xó e un ɖɔ ɔ́ ɖíe: