Kɛ́nsísɔ́ 22:11 - MAWUXÓWÉMA

¹¹ ‘Togun ɖé gosín Ejípu bo gba kpé to ɔ́ bǐ mɛ. Kɛnklɛ́n bó wá dó nu i. Nú a yǐ gbe bo dó nu i ɔ́, afɔ nyɔ́ ɔ́, un ná sixú ɖu ɖo jǐ tɔn, bó nya ɛ.’ ”

Kɛ́nsísɔ́ 22:11 Iomraidhean Croise

Bǐbɛ́mɛ 27:29

Togun ɖě lɛ́ɛ ní nɔ glɔ̌ towe; akɔta ɖě lɛ́ɛ ní nɔ́ ɖe kɔ́ nú we! Nyǐ gǎn nú nɔví towe lɛ́ɛ, nɔ towe xomɛ ví lɛ́ɛ ní nɔ́ ɖe kɔ́ nú we. Mɛ ɖěbǔ dó nu we ɔ́, è nǎ dó nu mɛ ɔ́; mɛ ɖěbǔ xo ɖɛ dó jǐ we ɔ́, è nǎ xo ɖɛ dó mɛ ɔ́ jí.”

Kɛ́nsísɔ́ 22:10

Bɔ Baláamu yí gbe nú Mawu ɖɔ: “Balaki Sipɔ́ɔ ví e nyí axɔ́sú Mɔwabu tɔn ɔ́ wɛ sɛ́ yě dó, bó ɖɔ sɛ́ dó mì ɖɔ:

Kɛ́nsísɔ́ 22:12

Mawu ká ɖɔ nú Baláamu ɖɔ: “A nǎ xwedó yě yi ǎ; a nǎ dó nu togun ɔ́ ǎ, ɖó un ko xo ɖɛ dó jǐ tɔn.”

Kɛ́nsísɔ́ 23:11

Balaki ɖɔ nú Baláamu ɖɔ: “Étɛ́ a ka wa nú mì nɛ́? A nǎ dó nu kɛntɔ́ ce lɛ́ɛ wú wɛ un kplá we wá fí, bɔ a ka jɛ ɖɛ xo dó yě jí jí a?”

Kɛ́nsísɔ́ 23:7

Bɔ Baláamu ɖɔ xó e Mawu Mavɔmavɔ ɖɔ n'i lɛ́ɛ; é ɖɔ: “Balaki wɛ ylɔ́ mì sín Silíi wá; axɔ́sú Mɔwabu tɔn Balaki wɛ ylɔ́ mì sín só ɖaxó zǎnzǎnhwe jí tɔn lɛ́ɛ jí wá. É ɖɔ nú mì ɖɔ: ‘Wǎ dó nu Jakɔ́bu nú mì! Wǎ gblɔ́n adǎn nú Izlayɛ́li nú mì!’

Kɛ́nsísɔ́ 24:10

Ée Baláamu ɖɔ mɔ̌ ɔ́, Balaki sin xomɛ dó e ɖésú bó xo así bó ɖɔ nú Baláamu ɖɔ: “A nǎ dó nu kɛntɔ́ ce lɛ́ɛ wú wɛ un kplá we wá fí; azɔn atɔngɔ́ ɔ́ nɛ́ a ka xo ɖɛ dó yě jí nɛ́.

Jozuwée 24:10

Un ka jló ná ɖótó Baláamu ǎ; bɔ é gbɔ bó xo ɖɛ dó mi jí bɔ un hwlɛ́n mi sín así tɔn.

1 Samuwɛ́li 17:43

Nya ɔ́ kanbyɔ́ Davídi ɖɔ cukú wɛ émí ká nyí bɔ é ja émí gɔ́n bó hɛn kpo a jí. Ée é ɖɔ mɔ̌ ɔ́, é ɖó vodún Davídi.