Kɛ́nsísɔ́ 21:9 - MAWUXÓWÉMA

⁹ Ée Mawu Mavɔmavɔ ɖɔ mɔ̌ ɔ́, Mɔyízi zé ganvɔ dó tun dan ɖokpó ná, bó sɔ́ ɖó kpo nu; énɛ́ ɔ́, nú dan ɖu mɛ ɖěbǔ, bónú mɛ ɔ́ kpɔ́n dan e Mɔyízi zé ganvɔ dó tun ná ɔ́, mɛ ɔ́ nɔ́ gán.

Kɛ́nsísɔ́ 21:9 Iomraidhean Croise

2 Axɔ́sú 18:4

É gba vɔ̌sákpe e gbɔn só jí só jí lɛ́ɛ bǐ, bó gba awǐnnya e yě tun te bo nɔ sɛn lɛ́ɛ, bó sɛ́n vodún Acela. Dan e Mɔyízi sɔ́ ganvɔ dó bló ná ɔ́, é gba hánnyá, ɖó káká wá jɛ hwenɛ́nu ɔ́, Izlayɛ́li ví lɛ́ɛ kpo ɖo zǎlínkpɔ́n dó zo nú dan énɛ́ ɔ́ wɛ. È nɔ ylɔ́ dan ɔ́ ɖɔ Nɛxucitáni.

Ezayíi 45:22

Mi mɛ e ɖo wɛ̌kɛ́ ɔ́ mɛ lɛ́ɛ bǐ ní wá gɔ̌n ce; énɛ́ ɔ́, un ná hwlɛ́n mi gán. Đó nyi wɛ nyí Mawu; é sɔ́ kpo mɛɖé ǎ.

Zakalíi 12:10

Énɛ́ ɔ́, un ná gba wǔjɔmɛ kpó vosisa kpó sín yɛ kɔn nyi Davídi xwé ɔ́ kpó Jeluzalɛ́munu lɛ́ɛ kpó jí, bɔ yě ná sɔ́ nukún yětɔn ɖó nyɛ mɛ e yě sɔ́ hwǎn é wú. Yě ná ví mì, lě e è nɔ ví vǐɖokpónɔ e kú nú mɛ é ɖɔhun. Yě ná ví mì, bó só hehe, lě e è nɔ ví nukɔngbéví e kú nú mɛ é ɖɔhun.

Jǎan 1:29

Ayǐhɔ́ngbe tɔn ɔ́, Jǎan mɔ Jezu jǎwe bó ɖɔ: “Mi kpɔ́n! Lɛ̌ngbɔ́ví Mawu tɔn e nɔ sɔ́ hwɛ kɛ gbɛtɔ́ lɛ́ɛ ɔ́ ɖíe.

Jǎan 12:32

Hwenu e è nǎ sɔ́ mì sín ayǐkúngban jí dó jǐ ɔ́, un ná dɔn gbɛtɔ́ lɛ́ɛ bǐ dó wǔ.”

Jǎan 6:40

Nǔ e Tɔ́ ce jló ɔ́ wɛ nyí ɖɔ mɛ e mɔ Vǐ ɔ́, bó ɖi nǔ n'i lɛ́ɛ ní mɔ gbɛ mavɔ mavɔ, bónú má fɔ́n yě sín kú azǎn gǔdo gúdo tɔn ɔ́ gbe.”

Hlɔ̌manu 1:17

Nǔgbó ɔ́, Wɛn Ɖagbe ɔ́ ɖe lě e Mawu nɔ zé gbɛtɔ́ lɛ́ɛ dó húzú hwɛjijɔnɔ ná ɖo nukɔn tɔn gbɔn ɔ́ xlɛ́; sín bǐbɛ́mɛ káká yi vivɔnu ɔ́, nǔɖiɖi kɛ́ɖɛ́ jí wɛ é nɔ zé yě dó húzú hwɛjijɔnɔ ná gbɔn lě e Mawuxówéma ɔ́ ɖɔ gbɔn é; é wɛ nyí ɖɔ: “Mɛ e Mawu mɔ dó mɔ hwɛjijɔnɔ ɖó nǔɖiɖi tɔn wú ɔ́ ná nɔ gbɛ.”

Hlɔ̌manu 8:3

Nǔ e Mɔyízisɛ́n ɔ́ ma kpé wú bó bló ǎ ɖó hwɛhuhu sín ninɔmɛ e gbɛtɔ́ ɖó ɔ́ zɔ́n bɔ é vɔ́da wútu ɔ́, Mawu bló: é sɛ́ Vǐ é ɖésúnɔ tɔn dó, ɖó hwɛhuhu ɔ́ wútu, bɔ é zɔn agbaza mɛ wá; agbaza e mɛ é zɔn wá ɔ́ cí hwɛhuhu sín agbaza e gbɛtɔ́ ɖó é ɖɔhun. Mawu bló mɔ̌, bó dó ɖó hwɛ nú hwɛhuhu ɖo gbɛtɔ́ sín agbaza mɛ.

2 Kɔlɛ́ntinu 5:21

Klísu hu hwɛ ɖě kpɔ́n gbeɖé ǎ; amɔ̌ Mawu ɖíɖá ɛ hwɛ mǐtɔn lɛ́ɛ, bónú ɖo bǔ e mǐ ɖe xá Klísu ɔ́ mɛ ɔ́, mǐ ná sixú ɖu azɔ̌ e gbla mɛ Mawu sɔ́ mǐ dó húzú hwɛjijɔnɔ ná ɖo nukɔn tɔn ɔ́ sín le.

Eblée 12:2

Mǐ ní sɔ́ nukún mǐtɔn ɖó Jezu jí; é wɛ jɛ nǔɖiɖi mǐtɔn jí; é wɛ ná lɛ́ fó. É yí gbe bɔ è hu i ɖó aklúzu jí; é kpɔ́n winnyá e è nɔ mɔ ɖo kú mɔ̌hunkɔtɔn mɛ ɔ́ ǎ, ɖó é ɖo awǎjijɛ e è sɔ́ ɖó te n'i ɔ́ flín wɛ, bɔ égbé din ɔ́, é ɖo ayǐjínjɔ́n ɖo axɔ́súzinkpo Mawu tɔn kpá ɖo ɖisíxwé.

1 Jǎan 3:8

Mɛ e nɔ ɖo hwɛ hu wɛ ɔ́, awǒvi tɔn wɛ é nyí, ɖó awǒvi ɔ́ ko ɖo hwɛ hu wɛ sín do, bɔ Mawu ví ɔ́ ka wá, bó ná sú awǒvi sín nǔwiwa lɛ́ɛ sín kún dó.