Kɛ́nsísɔ́ 21:8 - MAWUXÓWÉMA

⁸ Mawu Mavɔmavɔ ka ɖɔ nú Mɔyízi ɖɔ: “Tun dan ɖokpó, bó sɔ́ ɖó kpo nu; ényí dan ɖu mɛ ɖěbǔ, bónú mɛ ɔ́ kpɔ́n dan e ɖo kponu ɔ́, mɛ ɔ́ ná gán.”

Kɛ́nsísɔ́ 21:8 Iomraidhean Croise

2 Axɔ́sú 18:4

É gba vɔ̌sákpe e gbɔn só jí só jí lɛ́ɛ bǐ, bó gba awǐnnya e yě tun te bo nɔ sɛn lɛ́ɛ, bó sɛ́n vodún Acela. Dan e Mɔyízi sɔ́ ganvɔ dó bló ná ɔ́, é gba hánnyá, ɖó káká wá jɛ hwenɛ́nu ɔ́, Izlayɛ́li ví lɛ́ɛ kpo ɖo zǎlínkpɔ́n dó zo nú dan énɛ́ ɔ́ wɛ. È nɔ ylɔ́ dan ɔ́ ɖɔ Nɛxucitáni.

Ɖɛhan 145:8

Mawu Mavɔmavɔ nyɔ́ xomɛ; mɛ nú nɔ́ blá wǔ n'i. É nɔ́ yá wǔ sin xomɛ ǎ; xomɛnyínyɔ́ tɔn d'agba.

Ezayíi 14:29

Filisitɛ́ɛn lɛ́ɛ e mi, è wɛ̌n kpo e è nɔ dó xo mi ná lɛ́ɛ é có, xomɛ ní má hun mi ɖó mɔ̌ wú ó, ɖó dan ɖěvo ná tɔ́n sín dan kúkú ɔ́ sín xomɛ, bó ná lɛ́ ɖó aɖǐvɛ́ hú ɖě ɔ́, bɔ dan ɖaxó e nɔ zɔn é ná tɔ́n sín azin e é ɖó ɔ́ mɛ.

Ezayíi 30:6

Xó e Mawu ɖɔ dó kanlin e ɖo gbětótló tofɔligbé tɔn mɛ lɛ́ɛ wú ɔ́ ɖíe: “To e mɛ gbɛwúvɛ́ kpó adohuhu kpó ɖe ɔ́, to e kinnikínní asú kpó asi kpó gɔ́ ɔ́, to e jakpata kpó dan ɖaxó e nɔ zɔn lɛ́ɛ kpó gɔ́ ɔ́, toví lɛ́ɛ dó dɔkun e ɖo to yětɔn mɛ lɛ́ɛ sín agban nú lǎkúnmí yětɔn lɛ́ɛ, lobo bɛ́ xweyǐgbe to e ma sixú kpé nǔɖé wú nú yě ǎ é mɛ.

Ezayíi 45:22

Mi mɛ e ɖo wɛ̌kɛ́ ɔ́ mɛ lɛ́ɛ bǐ ní wá gɔ̌n ce; énɛ́ ɔ́, un ná hwlɛ́n mi gán. Đó nyi wɛ nyí Mawu; é sɔ́ kpo mɛɖé ǎ.

Jǎan 3:14

Lě e Mɔyízi sɔ́ dan ɖó jǐ gbɔn ɖo gbětótló mɛ ɔ́, mɔ̌ ɖokpó ɔ́ wɛ è nǎ sɔ́ Gbɛtɔ́ví ɔ́ ɖó jǐ ,