Kɛ́nsísɔ́ 21:7 - MAWUXÓWÉMA

⁷ Izlayɛ́li ví e kpo lɛ́ɛ fyá wá Mɔyízi gɔ́n, bó ɖɔ n'i ɖɔ: “Mǐ hu hwɛ, ɖó mǐ hlún nǔ ɖɔ dó Mawu Mavɔmavɔ kpó hwi kpó wú; sa vo nú Mawu Mavɔmavɔ, bónú é ná nya dan énɛ́ lɛ́ɛ dó zɔ nú mǐ.” Ée yě ɖɔ mɔ̌ ɔ́, Mɔyízi jɛ vo sa nú Mawu Mavɔmavɔ jí dó Izlayɛ́li ví lɛ́ɛ tamɛ.

Kɛ́nsísɔ́ 21:7 Iomraidhean Croise

Bǐbɛ́mɛ 20:17

Ablaxámu ka sa vo nú Mawu bɔ é gbɔ azɔn nú Abimɛlɛ́ki kpó asi tɔn kpó, kpó mɛsɛntɔ́ tɔn nyɔ̌nu lɛ́ɛ kpó, bɔ yě lɛ́ jɛ vǐ ji jí.

Bǐbɛ́mɛ 20:7

Hǔn din ɔ́, jǒ nyɔ̌nu ɔ́ dó nú nya ɔ́, ɖó gbeyíɖɔ ce wɛ; é ná xo ɖɛ nú we bɔ a nǎ nɔ gbɛ. Amɔ̌, nú a ma jó nyɔ̌nu ɔ́ dó ǎ ɔ́, tunwun ɖɔ a nǎ kú, hwi kpó mɛ towe lɛ́ɛ kpó.”

1 Axɔ́sú 13:6

Ée nǔ cí mɔ̌ ɔ́, axɔ́sú ɔ́ yí xó, bó ɖɔ nú gbeyíɖɔ Mawu tɔn ɔ́ ɖɔ: “Ylɔ̌ Mawu Mavɔmavɔ, Mawu towe, bó sa vo n'i dó ta ce mɛ, bónú má sixú wún alɔ ce!” Bɔ gbeyíɖɔ Mawu tɔn ɔ́ sa vo nú Mawu Mavɔmavɔ, bɔ axɔ́sú ɔ́ wún alɔ tɔn, bɔ alɔ jɛ alɔ tɛnmɛ.

2 Axɔ́sú 13:4

Lo ɔ́, Yoakázi sa vo nú Mawu Mavɔmavɔ ɖɔ é ní fá xomɛ. Bɔ Mawu Mavɔmavɔ yí gbe nú ɖɛ tɔn, ɖó é mɔ lě e Silíi xɔ́sú ɔ́ ɖo Izlayɛ́linu lɛ́ɛ sín nǔ wa gbɔn wɛ é.

Jɔ̌bu 42:10

Ée Jɔ̌bu xo ɖɛ nú xɔ́ntɔn tɔn lɛ́ɛ fó ɔ́, Mawu Mavɔmavɔ lɛ́ vɔ́ ninɔmɛ tɔn bǐ bló ɖó. Nǔ e Jɔ̌bu ko ɖó ɖ'ayǐ lɛ́ɛ bǐ ɔ́, Mawu Mavɔmavɔ lɛ́ ná ɛ mɔ̌hunkɔtɔn donu we.

Jɔ̌bu 42:8

Din ɔ́, mi ná zé nyibúsú tɛ́nwe, agbo tɛ́nwe bó ná yi mɔ mɛsɛntɔ́ ce Jɔ̌bu, lobo ná sá vɔ̌ e è nɔ dó zo ɔ́, ɖó nǔ e mi wa nyi do ɔ́ wú; mɛsɛntɔ́ ce Jɔ̌bu ná xo ɖɛ dó ta mitɔn mɛ. Mi ɖɔ xó ce dó jlɔ̌jlɔ́ jí lě e mɛsɛntɔ́ ce Jɔ̌bu ɖɔ gbɔn é ǎ, amɔ̌, un ná nyɔ́ xomɛ dó éyɛ́ wú, bó ná se ɖɛ tɔn, bó sɔ́ ná wa nǔ e mi wa nyi do ɔ́ sín nǔ xá mi ǎ.”

Ɖɛhan 106:23

É ɖe gbe ɖɔ è nǐ vívá kún yětɔn bǐ. Lo ɔ́, Mɔyízi e é sɔ́ ɔ́ sa vo n'i dó ta yětɔn mɛ, bó yí yě sín xomɛsin Mawu tɔn sí, bónú é má sú kún yětɔn dó ó.

Ɖɛhan 78:34

Hwenu e Mawu jɛ yě hu jí ɔ́, yě jɛ biba ɛ jí, yě lɛ́ kɔ wá bó jɛ Mawu ba jí.

Tíntɔ́n 10:17

Hǔn mi bo lɛ́ sɔ́ hwɛ ce kɛ mì ɖo élɔ́ mɛ; gǔdo tɔn ɖíe. Mi sa vo nú Mawu Mavɔmavɔ, Mawu mitɔn bónú é ní lɛ́ sɛ nǔ nyanya élɔ́ e ná dɔn mɛ yi kú ɔ́ dó zɔ nú mì.”

Tíntɔ́n 32:11

Mɔyízi ka sa vo nú Mawu Mavɔmavɔ, Mawu tɔn ɖɔ ní fá xomɛ; é ɖɔ n'i ɖɔ: “Mawu Mavɔmavɔ, aniwú wɛ a nǎ zé xomɛsin towe dó wa nǔ xá togun towe e a zǎn hlɔ̌nhlɔ́n towe, lobo zán nǔwúkpíkpé towe dó ɖe e tɔ́n sín Ejípu ɔ́?

Tíntɔ́n 32:30

Ayǐhɔ́ngbe tɔn ɔ́, Mɔyízi ɖɔ nú togun ɔ́ ɖɔ: “Hwɛ ɖaxó wɛ mi hu. Din ɔ́, un ná lɛ́ kɔ yi Mawu Mavɔmavɔ gɔ́n ɖo só ɔ́ jí; afɔ nyɔ́ ɔ́, é sixú yí gbe nú vosisa ce lɛ́ɛ, bó sɔ́ hwɛ mitɔn lɛ́ɛ kɛ mi.”

Tíntɔ́n 8:28

Nǔ énɛ́ ɔ́ jɛ có, axɔ́sú ɔ́ lɛ́ tlí tó; é jó togun ɔ́ dó bɔ é yi ǎ.

Tíntɔ́n 8:4

Énɛ́ ɔ́, axɔ́sú ɔ́ ylɔ́ Mɔyízi kpó Aalɔ́ɔn kpó, bó ɖɔ nú yě ɖɔ: “Mi sa vo nú Mawu Mavɔmavɔ, bónú é ná nya běsé lɛ́ɛ sín nyɛ kpó togun ce kpó gɔ́n; énɛ́ ɔ́, un ná jó Izlayɛ́li ví lɛ́ɛ dó, bɔ yě ná yi sá vɔ̌ n'i.”

Tíntɔ́n 8:8

Énɛ́ ɔ́ gúdo ɔ́, Mɔyízi kpó Aalɔ́ɔn kpó tɔ́n sín axɔ́sú ɔ́ xwé. Bɔ Mɔyízi sa vo nú Mawu Mavɔmavɔ ɖɔ é ní hwlɛ́n axɔ́sú ɔ́ ɖo běsé e é sɛ́ dó lɛ́ɛ sí.

Ezayíi 26:16

Mawu Mavɔmavɔ, adǎn ɖo gbigbo mǐ wɛ ɔ́, hwi wɛ mǐ nɔ́ hɔn wá su; a ɖo tó dɔn nú mǐ wɛ ɔ́, mǐ nɔ́ sa vo nú we dó ayi mɛ.

Jelemíi 15:1

Mawu Mavɔmavɔ ɖɔ nú mì ɖɔ: “Mɔyízi kpó Samuwɛ́li kpó ná bó wá sa vo nú mì dó togun élɔ́ tamɛ ɔ́, un ná húzú nǔ e un lin ná wá xá togun élɔ́ ɔ́ ǎ. Jelemíi, nya yě sín nukɔn ce, yě ní yi.

Jelemíi 37:3

É ká ɖo mɔ̌ có, axɔ́sú Sedesíyasi sɛ́ Yexukali Cɛlɛmiya ví ɔ́, kpó vɔ̌sánú-xwlémawutɔ́ Sefaníyahu Maaseya ví ɔ́ kpó dó gbeyíɖɔ Jelemíi gɔ́n, ɖɔ yě ní yi ɖɔ n'i ɖɔ: “Sa vo nú Mawu Mavɔmavɔ, Mawu mǐtɔn dó ta mǐtɔn mɛ.”

Ozée 5:15

Mawu Mavɔmavɔ ɖɔ: “Un ná yi, un ná yi nɔ xwé ce gbe, káká jɛ hwenu e yě ná tunwun ɖɔ émí wa nǔ nyi do bó ná lɛ́ kɔ wá gɔ̌n ce dó é. Nú adǎn kó jɛ yě gbo jí ɔ́, yě ná ba mì mɔ.”

Kɛ́nsísɔ́ 11:2

Bɔ togun ɔ́ sú xó ylɔ́ Mɔyízi, bɔ Mɔyízi sa vo nú Mawu Mavɔmavɔ, bɔ myɔ ɔ́ cí.

Matíe 27:4

bó ɖɔ: “Un hu hwɛ; nya e un jó nú mi ɔ́, xomɛvɔ́nɔ wɛ.” Yě ká yí gbe n'i ɖɔ: “Étɛ́ wɛ kan mǐ ɖ'é mɛ? Hwi wɛ énɛ́ kan.”

Mɛsɛ́dó 8:24

Sinmɔ́ɔ ka yí gbe ɖɔ jí: “Mi ɖésúnɔ mi bo sa vo nú Aklúnɔ nú mì, bónú nǔ e mi ɖɔ ɔ́ ɖě ma ɖi wǔ ce ó.”

Hlɔ̌manu 10:1

Nɔví lɛ́ɛ mi, nǔ e ba wɛ un ɖe kpó ayi ce bǐ kpó, bó ɖo byɔ̌byɔ́ ɖo Mawu sí wɛ nú Jwifu lɛ́ɛ ɔ́, wɛ nyí ɖɔ yě ní mɔ hwlɛngán.

Sɛ́nflínmɛ 9:20

Xomɛ e Mawu Mavɔmavɔ sin dó Aalɔ́ɔn ɔ́ syɛ́n ɖésú; é sin xomɛ dó e káká bó jló ná hu i. Lo ɔ́, un sa vo nú Mawu Mavɔmavɔ dó é lɔmɔ̌ tamɛ hwe énɛ́ nu,

Jaki 5:16

Hǔn, mi bo ɖɔ hwɛ e mi hu lɛ́ɛ nú miɖée, bó xo ɖɛ nú miɖée, bónú azɔn mitɔn ná gbɔ. Đɛ e hwɛjijɔnɔ nɔ xo ɔ́ nɔ ɖó hlɔ̌nhlɔ́n ɖésú.

1 Samuwɛ́li 15:24

Ée Samuwɛ́li ɖɔ mɔ̌ ɔ́, Sawúlu ɖɔ: “Un hu hwɛ, un bló nǔ e Mawu Mavɔmavɔ ɖɔ lɛ́ɛ ǎ, un ka bló nǔ e hwi lɔ ɖɔ lɛ́ɛ ǎ. Ahwanfuntɔ́ lɛ́ɛ ɖi xɛsi ná wɛ un ka ɖe, bó gbɔ bó bló nǔ e yě ɖɔ é.

1 Samuwɛ́li 15:30

Sawúlu lɛ́ ɖɔ: “Hwɛ wɛ un hu. Ka kɛnklɛ́n bó sɔ́ mì su ɖo tomɛxó lɛ́ɛ nukɔn, bó sɔ́ mì su ɖo Izlayɛ́li ví lɛ́ɛ nukɔn. Wǎ kplá mì nú má yi ɖe kɔ́ nú Mawu Mavɔmavɔ, Mawu towe.”