Kɛ́nsísɔ́ 21:5 - MAWUXÓWÉMA

⁵ Bɔ mɛ lɛ́ɛ jɛ nǔ hlún ɖɔ dó Mawu kpó Mɔyízi kpó wú jí ɖɔ: “Aniwú mi ka kplá mǐ tɔ́n sín Ejípu bɔ mǐ ná kú jɛ gbětótló mɛ fí? Đó nǔɖuɖu ɖe ɖo fí ǎ; sin ka ɖe ǎ. Wamamɔnɔ nǔɖuɖu élɔ́ cikɔ nú mǐ.”

Kɛ́nsísɔ́ 21:5 Iomraidhean Croise

Ɖɛhan 68:6

Mawu ɖo nɔtɛn mímɛ́ tɔn, bó nyí tɔ́ nú tɔ́cyɔvǐ lɛ́ɛ, bó nyí xɛnyaɖomɛjítɔ́ nú asúkúsi lɛ́ɛ.

Ɖɛhan 78:19

Yě ɖɔ xó nyanya dó Mawu wú ɖɔ: “Mawu ka sixú ná nǔɖuɖu mǐ ɖo gbětótló mɛ a?

Tíntɔ́n 14:11

Yě kanbyɔ́ Mɔyízi ɖɔ: “Yɔdo ɖo Ejípu ǎ wú wɛ a kplá mǐ bɔ mǐ ná wá kú jɛ gbětótló mɛ fí lě a? Aniwú wɛ a kplá mǐ sín Ejípu?

Tíntɔ́n 15:24

Énɛ́ ɔ́, togun ɔ́ jɛ nǔ hlún ɖɔ dó Mɔyízi wú jí ɖɔ: “Étɛ́ wɛ mǐ nǎ nu?”

Tíntɔ́n 16:15

Izlayɛ́li ví lɛ́ɛ mɔ, yě ká tunwun nǔ alɔkpa e wɛ ɔ́ ǎ, bó jɛ kinkanbyɔ́ yěɖée jí ɖɔ: “Étɛ́ ká nyí énɛ́?” Mɔyízi ka yí gbe nú yě ɖɔ: “Wɔ̌xúxú e Mawu Mavɔmavɔ ná mi bɔ mi ná ɖu ɔ́ wɛ.

Tíntɔ́n 16:31

Izlayɛ́li ví lɛ́ɛ ylɔ́ nǔɖuɖu énɛ́ ɔ́ ɖɔ mǎna; é cí atín e è nɔ ylɔ́ ɖɔ kolyandli ɔ́ sín kwín ɖɔhun: é wé bó víví wɔ̌xúxú e mɛ è dǒ wǐin ɔ́ ɖɔhun.

Nǔnywɛ́xó 27:7

Mɛ e gɔ́ xo ɔ́ mɔ wǐinkpa ɖo kɔ́ mɛ ɔ́, afɔ wɛ é nɔ tɛ jí; lo ɔ́, mɛ e xovɛ́ sin ɔ́ ná bó ɖu nǔ e vlɛ́ ɔ́, é nɔ mɔ ɖɔ é víví.

Ezekiyɛ́li 20:21

Lo ɔ́, vǐ yětɔn énɛ́ lɛ́ɛ lɔ fɔ́n gǔ dó jǐ ce; yě nyi sɛ́n ce lɛ́ɛ ǎ; yě bló nǔ e zɔ́n lɛ́ɛ ǎ; sɛ́n énɛ́ lɛ́ɛ wɛ gbɛtɔ́ ká ɖó ná nyi bó ná nɔ gbɛ. Yě lɛ́ nyi gbɔjɛzánsɛ́n ɔ́ ǎ. Énɛ́ ɔ́, un tunwun ɖɔ un ná ɖe adǎn e jí un ɖe ɔ́ xlɛ́ yě; un ná ɖe xomɛsin e jí un ɖe ɔ́ xlɛ́ yě ɖo gbětótló ɔ́ mɛ bɔ é ná jɛ mɛ nú mì.

Kɛ́nsísɔ́ 11:20

lo ɔ́, mi ná ɖu xɔ sun ɖokpó kpíkpé; mi ná ɖu káká bɔ é ná kpé kɔ nú mi; mi ná ɖu káká bɔ é ná nɔ́ tɔ́n gbɔn awɔntín mɛ nú mi, ɖó mi gbɛ́ wǎn nú nyɛ Mawu Mavɔmavɔ e ɖo tɛ́ntin mitɔn ɔ́; mi hlún nǔ ɖɔ ɖo nukɔn ce, bó ɖɔ: ‘Aniwú wɛ mǐ ká tɔ́n sín Ejípu tawun?’ ”

Kɛ́nsísɔ́ 17:12

Aalɔ́ɔn bló nǔ e Mɔyízi ɖɔ n'i é. É kán wezun yi togun ɔ́ tɛ́ntin fí e awě jɛ mɛ xo jí ɖe é. É dó zǎlínkpɔ́n zo bo sá hwɛxɔ́súsú vɔ́ ɔ́ dó togun ɔ́ tamɛ.

1 Kɔlɛ́ntinu 10:9

Mǐ ɖó ná tɛ́n Aklúnɔ kpɔ́n, lě e mɛɖé lɛ́ɛ bló gbɔn ɖo yě mɛ, bɔ dan ɖu yě bɔ yě kú é ǎ.