Kɛ́nsísɔ́ 21:34 - MAWUXÓWÉMA

³⁴ Bɔ Mawu Mavɔmavɔ ɖɔ nú Mɔyízi ɖɔ: “Ma ɖi xɛsi n'i ó! Un ná jó e nú we; un ná jó é kpó togun tɔn ɔ́ bǐ kpó, kpódó to tɔn kpó nú we. A nǎ wa nǔ xá ɛ lě e a wa nǔ xá Sihɔ́ni, axɔ́sú Amɔliti lɛ́ɛ tɔn e nɔ́ nɔ Hɛcibɔ́ni ɔ́ gbɔn é.”

Kɛ́nsísɔ́ 21:34 Iomraidhean Croise

2 Samuwɛ́li 5:19

Davídi kanbyɔ́ Mawu Mavɔmavɔ ɖɔ: “Má yi tɔ́n ahwan Filisitɛ́ɛn lɛ́ɛ a? A nǎ jó yě nú mì a?” Bɔ Mawu Mavɔmavɔ yí gbe nú Davídi ɖɔ: “Yi tɔ́n ahwan yě, un ná jó yě nú we, é ná gló ǎ.”

1 Axɔ́sú 20:13

Hwenɛ́nu ɔ́, gbeyíɖɔ Mawu tɔn ɖokpó sɛkpɔ́ axɔ́sú Izlayɛ́li tɔn Akábu, bo ɖɔ n'i ɖɔ: “Mawu Mavɔmavɔ sɛ́ wɛn dó we ɖɔ: ‘A mɔ mɛ wɔ̌buwɔ́bú nɛ́ lɛ́ɛ bǐ a? Un ná jó yě nú we égbé, bɔ a nǎ tunwun ɖɔ nyɛ wɛ nyí Mawu Mavɔmavɔ e ɖó acɛ dó nǔ bǐ jí é.’ ”

1 Axɔ́sú 20:28

Đɛ̌mɛnu Mawu tɔn ɔ́ lɛ́ wá mɔ axɔ́sú Izlayɛ́li tɔn ɔ́, bó ɖɔ n'i ɖɔ: “Mawu Mavɔmavɔ ɖɔ: ‘Silíinu lɛ́ɛ ɖɔ nyɛ Mawu Mavɔmavɔ ɔ́, vodún sókan mɛ tɔn wɛ un nyí, un kún nyí ayǐkúngban wɛnjɛ tɔn ó. Énɛ́ ɔ́ wú ɔ́, un ná jó ahwan wɔ̌buwɔ́bú énɛ́ ɔ́ bǐ nú we; énɛ́ ɔ́, mi ná tunwun ɖɔ nyɛ wɛ nyí Mawu Mavɔmavɔ e ɖó acɛ dó nǔ bǐ jí é.’ ”

2 Axɔ́sú 3:18

Lo ɔ́, nǔ énɛ́ nyí nǔɖé ɖo Mawu Mavɔmavɔ nukɔn ǎ. É ná jó Mɔwabuto ɔ́ nú mi.

Ezayíi 41:13

Đó nyɛ Mawu Mavɔmavɔ ɔ́, nyi wɛ nyí Mawu towe. Un hɛn alɔ towe bó ɖo ɖiɖɔ nú we wɛ ɖɔ: ‘Ma ɖi xɛsi ó, un ná gɔ́ alɔ nú we.’ ”

Kɛ́nsísɔ́ 14:9

Nǔ e wɛ kpowun ɔ́ ɖíe: mi ma fɔ́n gǔ dó Mawu Mavɔmavɔ jí ó, mi ma ka ɖi xɛsi nú to ɔ́ mɛ nu lɛ́ɛ ó, ɖó mǐ nǎ ɖu ɖo jǐ yětɔn; vodún e nɔ́ cyɔ́n alɔ yě jí lɛ́ɛ ɖě sɔ́ ɖo jǐ yětɔn ǎ. Mawu Mavɔmavɔ ka ɖo kpɔ́ xá mǐdɛɛ lɛ́ɛ; mǐ ní bó má ɖi xɛsi nú yě ó.”

Kɛ́nsísɔ́ 32:4

toxo énɛ́ lɛ́ɛ e Mawu Mavɔmavɔ dó alɔ Izlayɛ́li ví lɛ́ɛ bɔ yě yí lɛ́ɛ ɔ́, kanlin ná nyɔ́ nyi ɖo fí énɛ́ lɛ́ɛ; mǐ mɛsɛntɔ́ towe lɛ́ɛ ɖíe ká ɖó kanlin sukpɔ́ e.

Sɛ́nflínmɛ 2:30

Lo ɔ́, axɔ́sú Sihɔ́ni ná gbe mǐ, bónú mǐ nǎ gbɔn to tɔn mɛ dín ǎ, ɖó Mawu Mavɔmavɔ, Mawu mǐtɔn hɛn ayixa tɔn syɛ́n bǐ dégbédégbé, bónú mi ná sixú yí to tɔn e mɛ mi ɖe égbé din é.

Sɛ́nflínmɛ 20:3

É ná ɖɔ: “Izlayɛ́li ví e mi, mi ɖótó mì! Mi ɖíe xwe ahwan fun xá kɛntɔ́ mitɔn lɛ́ɛ gbé égbé e, mi ma nú ado hu mi ó, mi ma ɖi xɛsi ó, mi ma dán jaja ó, mi ma sísɔ́ ɖo nukɔn yětɔn ó.

Sɛ́nflínmɛ 3:1

Mɔyízi ɖɔ: “Mǐ wlí ali ɖidó Basáni. Axɔ́sú Basáni tɔn Ɔgu kpó ahwangɔnu tɔn kpó ká wá mɔ mǐ, bó ná tɔ́n ahwan mǐ ɖo Edlɛyi.

Sɛ́nflínmɛ 3:11

Axɔ́sú Basáni tɔn Ɔgu wɛ nyí mɛ ɖokpó e kpo ɖo gbɛ ɖo Hlafa ví lɛ́ɛ mɛ hwenɛ́nu é; yɔdo tɔn kpo ɖo te ɖo Hlaba, Amumɔ́ɔ ví lɛ́ɛ sín tota mɛ. Awǐnnya Bazalu mɛ wɛ è kun yɔdo ɔ́ dó. Ga tɔn hú mɛ̌tlu ɛnɛ, gblǒ tɔn yi mɛ̌tlu we.

Sɛ́nflínmɛ 31:6

Mi bo kpan akɔ́n, bó dó gǎn! Ado ma hu mi ó, mi ma ɖi xɛsi ɖo nukɔn yětɔn ó. Đó Mawu Mavɔmavɔ, Mawu mitɔn ɖésú ná zɔn xá mi; é ná jó mi dó ǎ, é ná ɖe alɔ sín kan mitɔn mɛ ǎ.”

Sɛ́nflínmɛ 7:17

Mɔyízi ɖɔ: “Mi ná kó ɖo linlin wɛ ɖɔ: ‘Akɔta énɛ́ lɛ́ɛ syɛ́n hú mǐ ɖésú, nɛ̌ mǐ ká ná sixú kpé yě wú gbɔn?’

Sɛ́nflínmɛ 7:18

Mi ma ɖi xɛsi nú yě ó. Mi flín nǔ e Mawu Mavɔmavɔ, Mawu mitɔn dó sín xá Ejípu xɔ́sú ɔ́ kpó Ejípu togun ɔ́ bǐ kpó é hwebǐnu; mi ma wɔn gbeɖé ó.

Sɛ́nflínmɛ 7:21

Mi ma sísɔ́ ɖo akɔta énɛ́ lɛ́ɛ nukɔn ó: Mawu Mavɔmavɔ, Mawu mitɔn ɖo tɛ́ntin mitɔn; Mawu ɖaxó wɛ, lobo dó xɛsi.

Sɛ́nflínmɛ 7:24

Mawu Mavɔmavɔ ná jó axɔ́sú yětɔn lɛ́ɛ nú mi, bɔ mi ná sú kún yětɔn dó, mɛ ɖěbǔ sɔ́ ná flín yě ɖo ayǐkúngban jí ǎ; yě mɛ ɖokpó géé ná kpo ɖo nukɔn mitɔn ǎ; yě bǐ wɛ mi ná hu,

Jozuwée 10:25

É lɛ́ ɖɔ nú yě ɖɔ: “Mi ma ɖi xɛsi ó, ado ní má hu mi ó! Mi kpan akɔ́n bó dó gǎn, ɖó lě e Mawu Mavɔmavɔ ná wa nǔ xá kɛntɔ́ e mi ná fun ahwan xá lɛ́ɛ bǐ gbɔn é nɛ́.”

Jozuwée 10:8

Mawu Mavɔmavɔ ɖɔ nú Jozuwée ɖɔ: “Ma ɖi xɛsi nú yě ó; un ná jó yě nú we. Yě mɛ ɖokpó ná sixú nɔ te nukɔn towe ǎ.”

Jozuwée 8:7

Hwe énɛ́ ɔ́ nu ɔ́, mi ná tɔ́n sín fí e mi tɔwu ɖó ɔ́, bó ná yí toxo ɔ́, ɖó Mawu Mavɔmavɔ, Mawu mitɔn ná jó toxo ɔ́ nú mi.

Hwɛɖɔtɔ́ 11:30

É dó akpá élɔ́ nú Mawu Mavɔmavɔ ɖɔ: “Ényí a zě Amumɔ́ɔ ví lɛ́ɛ ɖó acɛ ce mɛ ɔ́,

1 Samuwɛ́li 23:4

Énɛ́ ɔ́, Davídi lɛ́ kan nǔ byɔ́ Mawu Mavɔmavɔ, bɔ Mawu Mavɔmavɔ yí gbe n'i ɖɔ: “Sɔ́ nǔ bó yi Keyila, ɖó un ná jó Filisitɛ́ɛn lɛ́ɛ nú we.”