Kɛ́nsísɔ́ 21:29 - MAWUXÓWÉMA

²⁹ Heelú we Mɔwabu! Mi bǐ dɔn, mi mɛ e nɔ sɛn vodún Kemɔci lɛ́ɛ ɔ́, mi bǐ dɔn. Súnnu e gán ɖ'é mɛ lɛ́ɛ kpó nyɔ̌nu kpó bǐ wɛ è wlǐ ahwankannumɔ yětɔn. È wlǐ ahwankannumɔ yětɔn yi jó nú Sihɔ́ni, Amɔliti lɛ́ɛ xɔ́sú ɔ́.

Kɛ́nsísɔ́ 21:29 Iomraidhean Croise

1 Axɔ́sú 11:33

Un ná bló mɔ̌, ɖó Salomɔ́ɔ kpó Izlayɛ́li ví lɛ́ɛ kpó jó mì dó, bó nɔ sɛn Sidɔ́ɔnnu lɛ́ɛ sín vodún Asitaatée; yě nɔ́ sɛn Mɔwabunu lɛ́ɛ sín vodún Kemɔci, yě nɔ́ sɛn Amumɔ́ɔ ví lɛ́ɛ sín vodún Milukɔ́mu. Yě ká lɛ́ xwedó ali ce, bó ná nɔ wa nǔ e sɔgbe ɖo nukún ce mɛ ɔ́ ǎ, yě nɔ́ nyi sɛ́n ce lɛ́ɛ ǎ, yě nɔ́ wa nǔ e un zɔ́n lɛ́ɛ ǎ, yě nɔ́ wa nǔ Davídi Salomɔ́ɔ sín tɔ́ ɔ́ ɖɔhun ǎ.

1 Axɔ́sú 11:7

É gbá vodúnxɔ ɖokpó ɖó só e kpan nukɔn Jeluzalɛ́mu ɔ́ jí nú Mɔwabunu lɛ́ɛ sín vodún, nǔvɛ́mɔ Mawu tɔn Kemɔci ɔ́ kpódó Amumɔ́ɔ ví lɛ́ɛ sín vodún Mɔlɛ́ki, nǔvɛ́mɔ Mawu tɔn ɔ́ kpó.

2 Axɔ́sú 23:13

É ɖu su nú vodún xwé e axɔ́sú Salomɔ́ɔ bló gbɔn só jí só jí, bɔ yě ɖo afɔligbé nú Nǔhɛngblé só ɔ́ , bó kpan nukɔn Jeluzalɛ́mu lɛ́ɛ. Vodúnxwé énɛ́ lɛ́ɛ ɔ́, nǔvɛ́mɔ Asitaatée, vodún Sidɔ́ɔnnu lɛ́ɛ tɔn, nǔvɛ́mɔ Kemɔci, vodún Mɔwabunu lɛ́ɛ tɔn kpódó nǔvɛ́mɔ Milukɔ́mu, vodún Amumɔ́ɔ ví lɛ́ɛ tɔn kpó tɔn wɛ.

Ezayíi 15:5

Un sú xó ylɔ́ mɛ ɖɔ è nǐ wá hwlɛ́n Mɔwabu to ɔ́. Mɛ e ɖo to ɔ́ mɛ lɛ́ɛ hɔn káká yi Sowáa; yě hɔn káká yi Eglati-Celiciya. Yě ɖo Luxíti kpó ɔ́ fán wɛ kpó avǐ kpó; yě ɖo Holonayímu-li jí, bó ɖo heelú sá wɛ.

Ezayíi 16:2

Mɔwabu nyɔ̌nu lɛ́ɛ ɖo flúflú wɛ xɛ e è nya sín adɔ̌ mɛ é ɖɔhun; yě ɖo flúflú wɛ ɖo fí e è nɔ zɔn afɔ gbɔn Aanɔ́ni tɔ ɔ́ mɛ ɖe é.

Jelemíi 48:13

Vodún Kemɔci ná dó winnyá Mɔwabu, lě e Izlayɛ́li togun ɔ́ ɖeji dó Betɛ́li sín vodún wú bó ɖu winnyá é.”

Jelemíi 48:45

Mɛ e ná hɔn lɛ́ɛ ɔ́, nǔ ná ci kɔ nú yě, bɔ yě ná ɖɔ émí ná hwlá cí Hɛcibɔ́ni. Lo ɔ́, myɔ ɖokpó ná wlí ɖo Hɛcibɔ́ni to ɔ́ mɛ, ɖo axɔ́sú Sihɔ́ni sín hɔnmɛ. Zo ɔ́ ná fyɔ́ zǐngídiɖútɔ́ énɛ́ lɛ́ɛ sín to, bɛ́ sín to ɔ́ sín dogbó lɛ́ɛ jí káká wá to ɔ́ tɛ́ntin.

Jelemíi 48:46

Mɔwabunu e mi, heelú mi! Vodún Kemɔci togun e mi, mi dɔn bǐ. Ahwan wlí vǐ mitɔn súnnu kpó nyɔ̌nu kpó yi.

Jelemíi 48:7

Mɔwabu, a ɖeji dó nǔ e a wa lɛ́ɛ kpó dɔkun towe lɛ́ɛ kpó wú. Énɛ́! Alɔ nɛ́ jɛ hwi lɔ wú nɛ́! Vodún Kemɔci ɖésú ɔ́, è kplá é kpódó hunnɔ tɔn lɛ́ɛ kpó hunví tɔn nukúnɖéjí lɛ́ɛ kpó bǐ yi kannumɔgbénu.

Kɛ́nsísɔ́ 24:17

Un mɔ nǔ e ɖo nǎ jɛ wɛ ɔ́, amɔ̌, égbé wɛ nǔ ɔ́ ná jɛ ǎ. Ayi ce ɖo nǔ e ná jɛ ɔ́ mɔ wɛ. É kó wá yá ɔ́, nǔ ɔ́ ná jɛ. Sunví ɖokpó tɔ́n ɖo Jakɔ́bu kúnkan lɛ́ɛ mɛ. Axɔ́sú ɖaxó ɖokpó tɔ́n ɖo Izlayɛ́li togun ɔ́ tɛ́ntin. É zin gǎnkpogɛ tɔn dó tókpá nú Mɔwabunu lɛ́ɛ. É dó gǎnkpogɛ tɔn dó ta nú Sɛ́ti ví lɛ́ɛ.

Hwɛɖɔtɔ́ 11:24

Ayǐkúngban e vodún towe Kemɔci ná we ɔ́, ɖo así towe ǎ cé? Hǔn mǐ lɔmɔ̌ ɔ́, ayǐkúngban e Mawu Mavɔmavɔ wa nǔ bɔ mǐ kpé wú bó yí ɔ́, mǐ ɖó acɛ d'é nu.