Kɛ́nsísɔ́ 21:2 - MAWUXÓWÉMA

² Énɛ́ ɔ́, Izlayɛ́li ví lɛ́ɛ dó akpá nú Mawu Mavɔmavɔ ɖɔ: “Nú a jǒ togun Aladi tɔn ɔ́ nú mǐ ɔ́, mǐ nǎ gba toxo tɔn lɛ́ɛ bǐ hánnyá.”

Kɛ́nsísɔ́ 21:2 Iomraidhean Croise

Bǐbɛ́mɛ 28:20

Ée Jakɔ́bu bló mɔ̌ ɔ́, é d'akpá ɖɔ: “Ényí Mawu nɔ kpɔ́ xá mì ɔ́, nú é kpé nukún wǔ ce ɖo ali jí ɔ́, ényí é ná nǔɖuɖu mì bó ná nǔ e un ná dó ɔ́ mì ɔ́,

Ɖɛhan 116:18

Akpá e un dó nú Mawu Mavɔmavɔ lɛ́ɛ ɔ́, un ná ɖe yě ɖo togun tɔn bǐ nukɔn,

Ɖɛhan 132:2

Flín Davídi e dó akpá nú hwi Mawu Mavɔmavɔ bo xwlé nǔ d'é jí é, flín akpá e é dó nú hwi Mawu hlɔ̌nhlɔ́nnɔ Jakɔ́bu tɔn é, é dó akpá ɖɔ:

1 Kɔlɛ́ntinu 16:22

Ényí mɛɖé ma yí wǎn nú Aklúnɔ ǎ hǔn, heelú i! Aklúnɔ mǐtɔn, wǎ!

Sɛ́nflínmɛ 13:15

Mi ná yi ba do ná, bó ná kan nǔ byɔ́, bó ná gbéjé kpɔ́n, bó ná mɔ nǔ jɛ wú céɖécéɖé; nú mi mɔ nǔgbó ɖɔ nǔ baɖabaɖa mɔ̌hun jɛ ɖo Izlayɛ́li hǔn,

Sɛ́nflínmɛ 13:16

mi hu mɛ e ɖo toxo ɔ́ mɛ lɛ́ɛ bǐ, bó hu kanlin yětɔn lɛ́ɛ bǐ. Mi bló mɔ̌ ɔ́, mi ná gba toxo ɔ́ bǐ, bó ná hɛn nǔ e ɖ'é mɛ lɛ́ɛ bǐ gblé.

Sɛ́nflínmɛ 20:16

Amɔ̌, toxo e ɖo ayǐkúngban e Mawu Mavɔmavɔ, Mawu mitɔn ná ná mi lɛ́ɛ jí ɔ́, mi ná jó gbɛtɔ́ ɖokpó dó nyi gbɛ ɖe mɛ ǎ.

Sɛ́nflínmɛ 7:2

Hwenu e Mawu Mavɔmavɔ, Mawu mitɔn ná jó yě nú mi ɔ́, mi ná kpé nǔɖé xá yě ǎ, mi ná kú nǔbláwǔ nú yě ǎ, mi ná ɖu ɖo yě jí, mi ná vívá kún yětɔn.

Jozuwée 6:17

È nǎ gba toxo ɔ́, bó ná hɛn nǔ e ɖ'é mɛ lɛ́ɛ bǐ gblé, ɖó Mawu Mavɔmavɔ wɛ è sɔ́ ɖ'ayǐ ná. Hlaxábu agalɛtɔ́ ɔ́ kɛ́ɖɛ́, kpó mɛ e ɖo xwé tɔn gbe lɛ́ɛ bǐ kpó wɛ è nǎ jó dó, ɖó é wɛ sɔ́ dobanúnǔtɔ́ e mǐ sɛ́ dó lɛ́ɛ hwlá.

Jozuwée 6:26

Hwenɛ́nu ɖokpó ɔ́, Jozuwée ɖɔ xó dó Jeliko toxo ɔ́ wú, é xwlé nǔ d'é jí ɖɔ: “Ényí mɛɖé tɛ́nkpɔ́n ɖɔ émí ná vɔ́ toxo élɔ́ blóɖó ɔ́, Mawu Mavɔmavɔ ní dó nu mɛ énɛ́ ɔ́. Nú é kun do bo ná dó dǒ ɔ́ do ɔ́, nukɔn ví tɔn wɛ é ná d'é mɛ; é ja hɔn lɛ́ɛ dó gbé ɔ́, vǐ tɔn kpodé ɔ́ wɛ é ná d'é mɛ.”

Hwɛɖɔtɔ́ 11:30

É dó akpá élɔ́ nú Mawu Mavɔmavɔ ɖɔ: “Ényí a zě Amumɔ́ɔ ví lɛ́ɛ ɖó acɛ ce mɛ ɔ́,

1 Samuwɛ́li 1:11

bó ɖɔ: “Mawu Mavɔmavɔ Nǔbǐwúkpétɔ́, ényí a kɛnklɛ́n bó nyi kɔ kpɔ́n wǔvɛ́ e mɔ wɛ nyɛ mɛsɛntɔ́ towe ɖe ɔ́, ényí a flín mì bó má wɔn mì ǎ, bó ná vǐ súnnu ɖokpó nyɛ mɛsɛntɔ́ towe ɔ́, un ná sɔ́ vǐ ɔ́ ɖó vo nú we, bɔ é ná nyí towe kúgbe gbɛgbe, bɔ è nǎ xwlɛ́ ta n'i gbeɖé ǎ; énɛ́ ɔ́ ná ɖe xlɛ́ ɖɔ è sɔ́ ɛ ɖó vo nú we.”