Kɛ́nsísɔ́ 21:18 - MAWUXÓWÉMA

¹⁸ Gǎn lɛ́ɛ wɛ kun dotɔ ɔ́, tonukún lɛ́ɛ wɛ tɔ́n dotɔ ɔ́ kpó gǎnkpogɛ yětɔn kpó.” Yě gosín gbětótló mɛ bó yi Matana toxo ɔ́ mɛ;

Kɛ́nsísɔ́ 21:18 Iomraidhean Croise

Nɛɛmíi 3:1

Eliyacivu vɔ̌sánú-xwlémawutɔ́ ɖaxó ɔ́ jɛ azɔ̌ jí, é kpódó gbɛ̌ tɔn vɔ̌sánú-xwlémawutɔ́ lɛ́ɛ kpó. Yě bló Lɛ̌ngbɔ́hɔntogbó lɛ́ɛ ɖó. Ée yě jó hɔntogbó énɛ́ ɔ́ nú Mawu ɔ́, yě wá dó hɔn lɛ́ɛ. Yě bló dǒ ɔ́ ɖó káká yi kpe gaga e è nɔ ylɔ́ ɖɔ kanwe ko (100) lɛ́ɛ kɔn, bó lɛ́ dín d'é nu káká wá kpe gaga e è nɔ ylɔ́ Hananɛ́li ɔ́ kɔn.

Nɛɛmíi 3:5

È mɔ mɛ énɛ́ lɛ́ɛ ɔ́, è nǎ mɔ Tekowanu lɛ́ɛ. Tekowanu lɛ́ɛ ɔ́, tonukún yětɔn lɛ́ɛ gbɛ́ ɖɔ émí kún ná nɔ mɛ e ɖo azɔ̌ ɔ́ nu lɛ́ɛ glɔ́ bó ná wa azɔ̌ ó.

Ezayíi 33:22

Mawu Mavɔmavɔ wɛ nyí gǎn mǐtɔn; Mawu Mavɔmavɔ wɛ nyí alixlɛ́mɛtɔ́ mǐtɔn; Mawu Mavɔmavɔ wɛ nyí axɔ́sú mǐtɔn. É wɛ nyí mɛhwlɛ́ngántɔ́ mǐtɔn.

Kɛ́nsísɔ́ 21:17

Hwe énɛ́ ɔ́ nu ɔ́, Izlayɛ́li ví lɛ́ɛ ji han élɔ́: “Sin ní sa sín dotɔ ɔ́ mɛ, bónú awǒbóbó ní mlí.

Kɛ́nsísɔ́ 21:19

yě gosín Matana bó yi Naxaliyɛ́li, bó gosín Naxaliyɛ́li bo yi Bamɔ́ti.

Jǎan 1:17

Đó Mɔyízi jí wɛ Mawu gbɔn, bó ná sɛ́n lɛ́ɛ mǐ, bó gbɔn Jezu Klísu jí, bó ná fɛ́nú kpódó nǔgbó kpán mǐ.

Sɛ́nflínmɛ 33:4

Sɛ́n e Mɔyízi ná mǐ ɔ́ nyí dɔkun ɖaxó ɖé nú Jakɔ́bu ví lɛ́ɛ.

Sɛ́nflínmɛ 5:31

Amɔ̌, hwɛ ɔ́, nɔ gɔ̌n ce fí. Un ná ɖɔ gbetakɛ́n lɛ́ɛ, sɛ́n lɛ́ɛ, kpó nǔ e un ná zɔ́n lɛ́ɛ bǐ kpó nú we. A nǎ yi kplɔ́n yě, bɔ yě ná zé dó wa azɔ̌ ná, ɖo to e ná yě wɛ un ɖe, bɔ é ná nyí yětɔn ɔ́ mɛ.’ ”

Jaki 4:12

Mawu ɖokpónɔ géé wɛ nɔ dó sɛ́n; é ɖokpónɔ géé wɛ nyí hwɛɖɔtɔ́; é ɖokpónɔ géé wɛ sixú hwlɛ́n mɛ bo sixú lɛ́ hu mɛ. Hwi mɛ e ɖo hwɛ ɖɔ dó nɔzo towe wɛ ɔ́, mɛ̌ wɛ a sɔ́ hwiɖée dó mɔ ná?