Kɛ́nsísɔ́ 20:5 - MAWUXÓWÉMA

⁵ Nɛ̌ gbɔn bɔ mi kplá mǐ sín Ejípu wá tɛn nyanya élɔ́ mɛ fí? È sixú dó nǔ ɖěbǔ ɖó fí ǎ; fígitín ɖě ɖo fí ǎ, vǐwungbo ɖě ɖo fí ǎ, glenáditín ɖě ɖo fí ǎ, sin nunu ka lɛ́ ɖo fí ǎ.”

Kɛ́nsísɔ́ 20:5 Iomraidhean Croise

Nɛɛmíi 9:21

A kpé nukún dó yě wú xɔ xwe kanɖé (40) ɖo gbětótló mɛ. Nǔ ɖěbǔ hwe dó yě ǎ. Avɔ vún yě ǎ, afɔ yětɔn ká tɛ́ ǎ.

Jelemíi 2:2

“Yi, bó ɖɔ dó Jeluzalɛ́munu lɛ́ɛ tó mɛ ɖɔ nyɛ Mawu Mavɔmavɔ ɖɔ: Jeluzalɛ́mu, un nɔ flín wǎn yíyí e a ɖó nú mì hwenu e a ɖo ɖyɔ̌vǐ mɛ é. Un nɔ flín lě e wǎn ce yí we gbɔn hwenu e a nyí yawó é. Hwenɛ́nu ɔ́, a ɖo xwixwedó mì wɛ ɖo gbětótló mɛ, fí e jinukún ɖě má nɔ nyɔ́ ɖe ǎ é.

Jelemíi 2:6

Yě kanbyɔ́ yěɖée vɔ́vɔ́ ɖɔ fítɛ́ Mawu Mavɔmavɔ e kplá émí sín Ejípu tomɛ ɔ́ ka ɖe é jí ǎ; yě kanbyɔ́ yěɖée ɖɔ Mawu Mavɔmavɔ e kplá émí gbɔn gbětótló mɛ, axéko jí fí e do gbɔn fí bǐ ɖe ɔ́, fí e jǐ ma nɔ ja ɖe gbeɖé ǎ ɔ́, fí e ablu ɖu axɔ́sú ɖe ɔ́, fí e mɛɖé má nɔ gbɔn gbeɖé ǎ ɔ́, fí e mɛɖé ma nɔ nɔ gbeɖé ǎ é ɔ́, yě kanbyɔ́ yěɖée ɖɔ fí e Mawu énɛ́ ɔ́ ka ɖe a jí ǎ.

Ezekiyɛ́li 20:36

Un ná ɖó hwɛ nú mi lě e un ɖó hwɛ nú tɔ́gbó mitɔn lɛ́ɛ gbɔn ɖo gbětótló Ejípu tɔn mɛ é. Xó e nyɛ Aklúnɔ Mavɔmavɔ ɖɔ é nɛ́.

Kɛ́nsísɔ́ 16:14

Gbeɖé, a kplá mǐ yi to e mɛ nyibúnɔ́sin kpó wǐin kpó ɖo sisa wɛ ɖe ɔ́ mɛ ǎ. A nǎ gle mǐ ǎ, a ka ná vǐwungbo mǐ ǎ. Nukúntíntɔ́nnɔ lɛ́ɛ wɛ a ka kpé nǔ xá wɛ a vɛdó a? Mǐ jǎwe ǎ, mǐ gbɛ́!”

Kɛ́nsísɔ́ 20:24

“Aalɔ́ɔn ná kú ɖo malín málín mɛ, é sɔ́ ná byɔ́ to e un ná Izlayɛ́li ví lɛ́ɛ ɔ́ mɛ ǎ, ɖó mi se tónú nú mì ɖo Mɛliba sin ɔ́ kɔn ǎ.

Kɛ́nsísɔ́ 27:14

Đó hwenu e togun Izlayɛ́li tɔn ɔ́ ɖo xó ba mì wɛ ɖo gbětótló Síni tɔn mɛ ɔ́, mi gbɛ́ nǔ e un ɖɔ mi ní wa ɔ́ bló. Hwenu e yě ɖo sin byɔ́ wɛ ɔ́, mi ɖe mǐmɛ́ e un nyí ɔ́ xlɛ́ ɖo nukún yětɔn mɛ ǎ.” Mɛliba sín sin e ɖo Kadɛ́ci, ɖo gbětótló Síni tɔn mɛ ɔ́ sín xó ɖɔ wɛ é ɖe.

Sɛ́nflínmɛ 8:15

É wɛ kplá mi gbɔn gbětótló ɖaxó e dó xɛsi bɔ dan aɖǐnɔ lɛ́ɛ kpó hɔnkéklě lɛ́ɛ kpó gɔ́ é mɛ. Ayǐkúngban énɛ́ e jí jǐ má nɔ́ ja dó ǎ é ɔ́, Mawu Mavɔmavɔ bló bɔ sin tɔ́n sín só syɛ́nsyɛ́n mɛ nú mi.