Kɛ́nsísɔ́ 20:18 - MAWUXÓWÉMA

¹⁸ Axɔ́sú Edɔ́mu tɔn ɔ́ ká ɖɔ sɛ́ dó Mɔyízi ɖɔ: “Mi ná gbɔn to ce mɛ dín ǎ; ényí mi ka tɛ́nkpɔ́n ɔ́, un ná fun ahwan xá mi.”

Kɛ́nsísɔ́ 20:18 Iomraidhean Croise

Kɛ́nsísɔ́ 20:19

Izlayɛ́li ví lɛ́ɛ ká ɖɔ n'i ɖɔ: “Axɔ́sú li ɔ́ kɛ́ɖɛ́ jí wɛ mǐ ná gbɔn. Ényí mǐ kpó kanlin mǐtɔn lɛ́ɛ kpó nu sin ɖo to towe mɛ ɔ́, mǐ nǎ sú axɔ́ tɔn we. Nǔ e byɔ́ we wɛ mǐ ɖe kpowun ɔ́ wɛ nyí ɖɔ a nǐ ná gbe mǐ, bónú mǐ nǎ gbɔn to towe mɛ dín.”

Kɛ́nsísɔ́ 20:20

Axɔ́sú ɔ́ lɛ́ gbɛ́, bó ɖɔ: “Mi ná gbɔn to ce mɛ dín ǎ.” Ée axɔ́sú ɔ́ ɖɔ mɔ̌ ɔ́, Edɔ́munu lɛ́ɛ sɔ́ ahwannú, bó nyi ahwan hooo, bó wá kpé Izlayɛ́li ví lɛ́ɛ,

Kɛ́nsísɔ́ 21:23

Axɔ́sú Sihɔ́ni ka ná gbe Izlayɛ́li ví lɛ́ɛ ɖɔ yě ní gbɔn to tɔn mɛ ǎ. É kplé togun tɔn lɛ́ɛ bǐ, bó yi kpé Izlayɛ́li ví lɛ́ɛ ɖo gbětótló mɛ. É wá Yaxisa toxo mɛ bo tɔ́n ahwan yě.

Kɛ́nsísɔ́ 21:4

Izlayɛ́li ví lɛ́ɛ gosín Hɔ́ɔ só ɔ́ kɔn, bó wlí Xu Vɔvɔ ɔ́ sín ali, bó ná lɛ́ dó Edɔ́mu to ɔ́. Lo ɔ́, ée yě ɖo ali jí bó ɖo yiyi wɛ ɔ́, yě sɔ́ sixú dɛ ǎ.

Kɛ́nsísɔ́ 24:18

É kpa acɛ nú Edɔ́mu. É kpa acɛ nú kɛntɔ́ tɔn Seyíinu lɛ́ɛ. Izlayɛ́li togun ɔ́ ɖe hlɔ̌nhlɔ́n tɔn xlɛ́.

Sɛ́nflínmɛ 2:29

Esawu ví lɛ́ɛ ɔ́, yě kó jó mǐ dó bɔ mǐ gbɔn Seyíi dín; Mɔwabunu lɛ́ɛ lɔ jó mǐ dó bɔ mǐ gbɔn Áa toxo ɔ́ mɛ dín. Mǐ nǎ gbɔn Judɛ́ɛn tɔ ɔ́ mɛ dín, bó byɔ́ to e ná mǐ wɛ Mawu Mavɔmavɔ, Mawu mǐtɔn ɖe é mɛ.’