Kɛ́nsísɔ́ 20:15 - MAWUXÓWÉMA

¹⁵ Tɔ́gbó mǐtɔn lɛ́ɛ yi Ejípu ɖ'ayǐ, bɔ mǐ nɔ fínɛ́ ɖésú. Ejípunu lɛ́ɛ dó ya nú mǐ, yě dǒ ya nú tɔ́gbó mǐtɔn lɛ́ɛ kpó mǐ kpó.

Kɛ́nsísɔ́ 20:15 Iomraidhean Croise

Bǐbɛ́mɛ 15:13

Bɔ Mawu Mavɔmavɔ ɖɔ n'i ɖɔ: “Tunwun ɖɔ vǐ towe lɛ́ɛ ná wá nyí jǒnɔ ɖo mɛ ɖěvo tomɛ. Yě ná nɔ mɛ kannu ɖo fínɛ́ bɔ è nǎ dó tagba nú yě xɔ xwe afɔwe (400).

Bǐbɛ́mɛ 46:6

Yě bɛ̌ kanlin yětɔn lɛ́ɛ kpó dɔkun e yě jɛ ɖo Kanáa lɛ́ɛ lɔmɔ̌ kpó yi, bɔ Jakɔ́bu yi Ejípu é kpó mɛ tɔn lɛ́ɛ bǐ kpó.

Bǐbɛ́mɛ 46:7

É kplá mɛ tɔn lɛ́ɛ bǐ: vǐ tɔn súnnu kpó nyɔ̌nu kpó, vǐvú tɔn súnnu kpó nyɔ̌nu kpó; é kplá yě bǐ bɔ yě yi Ejípu.

2 Samuwɛ́li 12:18

Azǎn tɛ́nwegɔ́ ɔ́ gbe ɔ́, vǐ ɔ́ kú. Mɛsɛntɔ́ tɔn lɛ́ɛ ká tunwun lě e yě ná wá ɖɔ n'i gbɔn ɔ́ ǎ, ɖó yě nɔ́ ɖɔ: “Hwenu e vǐ ɔ́ ɖo gbɛ ɔ́ ɖíe mǐ ɖo xó ɖɔ n'i wɛ bɔ é ma ba ná se ǎ e. Nɛ̌ mǐ ká sixú glá ɖɔ n'i ɖɔ vǐ ɔ́ kú gbɔn din? É se din ɔ́, é sixú dó nǔ nyanya ɖé sin dó éɖée wú.”

Tíntɔ́n 1:16

É ɖɔ nú yě ɖɔ: “Nú mi nɔ aji nú nyɔ̌nu Eblée lɛ́ɛ ɖě hǔn, mi kpɔ́n vǐ e é ji ɔ́: ényí súnnu wɛ hǔn, mi hu, é ká nyí nyɔ̌nu wɛ hǔn, mi jó e dó nyi gbɛ.”

Tíntɔ́n 1:22

Axɔ́sú Ejípu tɔn ɔ́ ká ná gbe togun tɔn ɔ́ bǐ ɖɔ: “È ji vǐ súnnu Eblée ɖěbǔ hǔn, mi sɔ́ ɛ nyi dó Nilu mɛ , mi ka ná jó nyɔ̌nu lɛ́ɛ bǐ dó nyi gbɛ.”

Tíntɔ́n 12:40

Xwe afɔwe gban (430) wɛ Izlayɛ́li ví lɛ́ɛ nɔ Ejípu xɔ.

Tíntɔ́n 5:14

Énɛ́ víví hwe, bɔ è lɛ̌ jɛ Izlayɛ́li ví azɔ̌jíkpɔ́ntɔ́ e azɔ̌gán axɔ́sú ɔ́ tɔn lɛ́ɛ zé ɖó yě nu lɛ́ɛ xo jí lɔ; è nɔ kanbyɔ́ yě ɖɔ: “Blǐki nabí e mi ɖó ná sún gbe ɖokpó ɔ́, aniwú wɛ sɔ tɔn kpó égbé tɔn kpó má sɔgbe lě e mi nɔ bló gbɔn ɖ'ayǐ é ǎ?”

Kɛ́nsísɔ́ 11:5

Mǐ ɖo nǔ e mǐ nɔ́ ɖu vɔ̌nu ɖ'ayǐ ɖo Ejípu lɛ́ɛ flín wɛ: hweví, kɔnkɔ́nbu, ayǐkpɛn, mǎ, ayomása, áyo.

Kɛ́nsísɔ́ 16:13

A kplá mǐ sín to e mɛ nyibúnɔ́sin kpó wǐin kpó ɖo sisa ɖe wɛ ɔ́ mɛ, bó ná hu mǐ ɖo gbětótló mɛ. É ɖo mɔ̌ có énɛ́ ɔ́ kó kpé we ǎ, bɔ a jlǒ ná kpa acɛ nú mǐ gǎn mǐtɔn wɛ a nyǐ ɖɔhun.

Kɛ́nsísɔ́ 20:14

Mɔyízi nɔ Kadɛ́ci bo sɛ́ mɛ dó axɔ́sú Edɔ́mu tɔn ɔ́. É ɖɔ sɛ́ dó e ɖɔ: “Đǒtó xó e ɖɔ wɛ mǐ nɔví towe Izlayɛ́li ví lɛ́ɛ ɖe é; a tunwun wǔvɛ́ e mǐ mɔ lɛ́ɛ bǐ.

Kɛ́nsísɔ́ 20:16

Mǐ ká sú xó ylɔ́ Mawu Mavɔmavɔ ɖɔ é ní wá dó alɔ mǐ, bɔ é sɔ nú mǐ, bó sɛ́ wɛnsagun ɖokpó dó, bó ɖe mǐ tɔ́n sín Ejípu. Toxo Kadɛ́ci e ɖo to towe sín dogbó jí ɔ́ mɛ wɛ mǐ ɖe din.

Mɛsɛ́dó 7:15

Jakɔ́bu wá yi Ejípu; fínɛ́ wɛ é kú ɖe, bɔ tɔ́gbó mǐtɔn lɛ́ɛ lɔmɔ̌ kú ɖo fínɛ́.

Mɛsɛ́dó 7:19

Axɔ́sú énɛ́ ɔ́ zán ayi dídá dó akɔta mǐtɔn wú, bó dó ya nú tɔ́gbó mǐtɔn lɛ́ɛ káká, lobo zɔ́n ɖɔ yě ní nɔ́ sɔ́ vǐ yětɔn lɛ́ɛ nyi gbě, nú yě ma nɔ gbɛ ó.

Sɛ́nflínmɛ 26:6

Ejípunu lɛ́ɛ ká wá jɛ ya dó nú mǐ jí, bó jɛ mǐ táfú jí, bó nɔ́ sɔ́ azɔ̌ syɛ́nsyɛ́n lɛ́ɛ dó así nú mǐ.