Kɛ́nsísɔ́ 20:12 - MAWUXÓWÉMA

¹² Bɔ Mawu Mavɔmavɔ ɖɔ nú Mɔyízi kpó Aalɔ́ɔn kpó ɖɔ: “Mi ɖeji dó wǔ ce ǎ, mi ɖe mǐmɛ́ e un nyí ɔ́ xlɛ́ ɖo Izlayɛ́li ví lɛ́ɛ nukún mɛ ǎ; énɛ́ ɔ́ wú ɔ́, midɛɛ lɛ́ɛ sɔ́ ná kplá togun élɔ́ yi to e un ná yě ɔ́ mɛ ǎ.”

Kɛ́nsísɔ́ 20:12 Iomraidhean Croise

2 Tan 20:20

Ayǐhɔ́ngbe tɔn zǎnzǎn tɛɛn ɔ́, yě bǐ jɛ ali ɖidó Tekowa sín gbětótló ɔ́ mɛ. Hwenu e yě jló ná jɛ ali ɔ́, Jozafáti wá ɖɔ nú yě ɖɔ: “Judáanu e mi, Jeluzalɛ́munu e mi, mi ɖótó mì. Mi ɖeji dó Mawu Mavɔmavɔ, Mawu mitɔn wú; énɛ́ ɔ́, é ná dó wǔsyɛ́n lanmɛ nú mi. Mi ɖeji dó gbeyíɖɔ tɔn lɛ́ɛ wú; énɛ́ ɔ́, mi ná ɖuɖéjí.”

Ɖɛhan 106:32

Yě dó xomɛsin nú Mawu ɖo Mɛliba sin ɔ́ kɔn, bɔ Mawu dɔn tó nú Mɔyízi ɖó yědɛɛ lɛ́ɛ wú,

Ɖɛhan 99:8

Mawu Mavɔmavɔ, Mawu mǐtɔn, a nɔ se ɖɛ yětɔn. Mawu e nɔ́ sɔ́ hwɛ kɛ mɛ é wɛ a nyǐ nú yě, có hwɛ e yě hu lɛ́ɛ ɔ́, a nɔ dɔn tó tɔn nú yě.

Ezayíi 8:13

Mi ná tunwun ganjí ɖɔ Mawu Mavɔmavɔ Nǔbǐwúkpétɔ́ ɔ́ wɛ nyí Mɛ Mímɛ́. É wɛ mi ná ɖi xɛsi ná; é wú wɛ ado ná hu mi dó.

Ezekiyɛ́li 20:41

Lě e un ko ɖɔ gbɔn ɔ́, un ná ɖe mi sín akɔta ɖěvo ɖěvo lɛ́ɛ mɛ, bó ná ɖe mi sín to ɖěvo ɖěvo e mɛ è gba mi dó kpé gbɔn lɛ́ɛ bǐ mɛ, bó ná kplé mi ɖó fí. Énɛ́ ɔ́ gúdo ɔ́, un ná yí vɔ̌ wǎnɖagbenɔ e mi ná nɔ́ sá nú mì lɛ́ɛ kpó xomɛnyínyɔ́ kpó. Un wa nǔ gbɔn mɔ̌ nú mi ɔ́, un ná ɖe xlɛ́ akɔta ɖě lɛ́ɛ bǐ ɖɔ nyɛ nyí Mawu mɛ mímɛ́ ɔ́.

Ezekiyɛ́li 36:23

Mi wú wɛ akɔta ɖě lɛ́ɛ hu tɛ́ nú nyǐkɔ ce. Din ɔ́, un ná ɖe xlɛ́ yě ɖɔ nyɛ wɛ nyí Mawu aditi, Mawu mímɛ́ ɔ́. Mi wɛ un ka ná sɔ́ dó ɖe nǔ énɛ́ xlɛ́ yě. Énɛ́ ɔ́, akɔta lɛ́ɛ ná tunwun ɖɔ nyɛ wɛ nyí Mawu Mavɔmavɔ. Xó e nyɛ Aklúnɔ Mavɔmavɔ ɖɔ ɔ́ nɛ́.

Ezekiyɛ́li 38:10

“Hwe énɛ́ ɔ́ nu su ɔ́, ayixa gěgé ná wá xomɛ nú we, bɔ a nǎ lɛ̌n nǔ nyanya gěgé bó ná wa. Xó e nyɛ Aklúnɔ Mavɔmavɔ ɖɔ ɔ́ nɛ́.

Levíi ví 10:3

Énɛ́ ɔ́, Mɔyízi ɖɔ nú Aalɔ́ɔn ɖɔ: “Nǔ e Mawu Mavɔmavɔ kó ɖɔ ɖ'ayǐ gbɔn xógbe élɔ́ lɛ́ɛ jí ɔ́ nɛ́. É ɖɔ: ‘Un jló ɖɔ mɛ e nɔ wa azɔ̌ nú mì lɛ́ɛ ní nɔ́ ɖó sísí nú mǐmɛ́ e un nyí ɔ́; énɛ́ ɔ́, togun ɔ́ bǐ ná nɔ́ kpa susu nú mì.’ ” Aalɔ́ɔn ka kɛ nu ǎ.

Kɛ́nsísɔ́ 11:15

Nú mɔ̌ jɛ́n a nǎ wa nǔ ce gbɔn hǔn, gbɔ bo hu mì; énɛ́ ɔ́, un ná mɔ ɖɔ a nyɔ̌ xomɛ dó wǔ ce, bɔ un sɔ́ ná ɖo gbɛ bo ná ɖo wǔvɛ́ élɔ́ mɔ wɛ ǎ.”

Kɛ́nsísɔ́ 20:24

“Aalɔ́ɔn ná kú ɖo malín málín mɛ, é sɔ́ ná byɔ́ to e un ná Izlayɛ́li ví lɛ́ɛ ɔ́ mɛ ǎ, ɖó mi se tónú nú mì ɖo Mɛliba sin ɔ́ kɔn ǎ.

Kɛ́nsísɔ́ 27:14

Đó hwenu e togun Izlayɛ́li tɔn ɔ́ ɖo xó ba mì wɛ ɖo gbětótló Síni tɔn mɛ ɔ́, mi gbɛ́ nǔ e un ɖɔ mi ní wa ɔ́ bló. Hwenu e yě ɖo sin byɔ́ wɛ ɔ́, mi ɖe mǐmɛ́ e un nyí ɔ́ xlɛ́ ɖo nukún yětɔn mɛ ǎ.” Mɛliba sín sin e ɖo Kadɛ́ci, ɖo gbětótló Síni tɔn mɛ ɔ́ sín xó ɖɔ wɛ é ɖe.

Matíe 17:17

Énɛ́ ɔ́, Jezu ɖɔ: “Gbɛtɔ́ nyanya nǔmaɖitɔ́ e mi, káká jɛ hwetɛ́nu wɛ un ná nɔ mi gɔ́n yi jɛ? Káká jɛ hwetɛ́nu wɛ mi ka ná nɔ kɔ jí nú mì yi jɛ? Mi bo kplá azinzɔnnɔ ɔ́ wá nú mì.”

Matíe 17:20

Jezu ka yí gbe nú yě ɖɔ: “Nǔɖiɖi kpɛví e mi ɖó ɔ́ wútu wɛ; ɖó ma ɖɔ nǔgbó nú mi, ényí nǔɖiɖi mitɔn na bo sɔ atínkwín e wínní hú atínkwín lɛ́ɛ bǐ é, bónú mi ɖɔ nú só élɔ́ ɖɔ ní sɛ tɛn sín fí, bó yi jɛ dɔ̌n ɔ́, é ná sí te; bɔ nǔ ɖěbǔ wiwa sɔ ná nɔ́ gló mi ǎ. [

Luki 1:20

Xó e un ɖɔ nú we ɔ́ ná jɛ ɖo hwe tɔn nu. Lo ɔ́, ɖěe a ma ɖi nǔ nú mì ǎ ɔ́, ɖɛ̌ towe ná kú, bɔ xó ɖiɖɔ ná gló we, káká jɛ hwenu e nǔ lɛ́ɛ bǐ ná jɛ dó é.”

Luki 1:45

Nǔ nyɔ́ nú we, ɖó a ɖi nǔ ɖɔ akpá e Aklúnɔ dó nú émí ɔ́ ná jɛ.”

Jǎan 1:17

Đó Mɔyízi jí wɛ Mawu gbɔn, bó ná sɛ́n lɛ́ɛ mǐ, bó gbɔn Jezu Klísu jí, bó ná fɛ́nú kpódó nǔgbó kpán mǐ.

Hlɔ̌manu 4:20

É jó nǔɖiɖi dó ǎ; é ka xo nǔ kpɔ́n dó akpá e Mawu dó n'i ɔ́ wú ǎ; é nyɔ́ wa ɔ́, nǔɖiɖi tɔn ná ɛ hlɔ̌nhlɔ́n, bɔ é nɔ kpa susu nú Mawu.

Sɛ́nflínmɛ 1:37

Mi wú wɛ Mawu Mavɔmavɔ sin xomɛ dó nyi lɔmɔ̌, bó ɖɔ nú mì ɖɔ: “Hwi lɔmɔ̌ ná byɔ́ to ɔ́ mɛ ǎ.

Sɛ́nflínmɛ 34:4

Énɛ́ ɔ́ gúdo ɔ́, Mawu Mavɔmavɔ ɖɔ nú Mɔyízi ɖɔ: “Kpɔ́n to e sín akpá un dó nú Ablaxámu kpó Izáki kpó, kpódó Jakɔ́bu kpó, hwenu e un ɖɔ: ‘Un ná ná to élɔ́ vǐ mitɔn lɛ́ɛ’ é. Un xlɛ́ to ɔ́ we, a ka ɖo nǎ byɔ́ mɛ wɛ ǎ.”

Sɛ́nflínmɛ 4:21

“Mawu Mavɔmavɔ ka sin xomɛ dó mì, ɖó mi wú. É gblɔ́n adǎn ɖɔ nyɛ kún ná dó asá Judɛ́ɛn tɔ ɔ́ ó, nyɛ kún ká ná byɔ́ to ɖagbe e ná mi wɛ émí ɖe ɔ́ mɛ ó.

Jozuwée 1:2

“Mɛsɛntɔ́ ce Mɔyízi kú. Din ɔ́, hwi wɛ ná kplá togun ɔ́ bǐ, bɔ hwi kpó yě kpó ná dó asá Judɛ́ɛn tɔ ɔ́, bó ná yi to e un ná yě ɔ́ mɛ.

1 Piyɛ́ɛ 3:15

Lo ɔ́, mi tunwun dó ayi mitɔn mɛ ɖɔ Klísu Aklúnɔ ɖokpónɔ géé jɛ́n nyí Mɛ mímɛ́. Mi ɖo gbesisɔ mɛ hwebǐnu, bónú mɛɖé byɔ́ mi ɖɔ mi ní tín nǔ mɛ nú émí dó nǔ e ɖó nukún wɛ mi ɖe ɔ́ wú ɔ́, mi ná ná sin tɔn mɛ ɔ́.