Kɛ́nsísɔ́ 20:10 - MAWUXÓWÉMA

¹⁰ Énɛ́ ɔ́, Mɔyízi kpó Aalɔ́ɔn kpó ylɔ́ Izlayɛ́li ví lɛ́ɛ kplé ɖó só ɔ́ nukɔn, bɔ Mɔyízi ɖɔ nú yě ɖɔ: “Gǔfɔ́ntɔ́ e mi, mi ɖótó! Mǐ nǎ sixú kpé wú bó ɖe sin tɔ́n sín só élɔ́ mɛ nú mi a?”

Kɛ́nsísɔ́ 20:10 Iomraidhean Croise

Bǐbɛ́mɛ 40:8

Bɔ yě yí gbe n'i ɖɔ: “Dlɔ̌ ɖé wɛ mǐ kú, bɔ mǐ mɔ mɛɖé bɔ é ná tínmɛ nú mǐ ǎ.” Jozɛ́fu ka ɖɔ nú yě ɖɔ: “Mawu wɛ nɔ́ tín nǔ mɛ nú mɛ. Mi bo ɖɔ dlɔ̌ e mi kú ɔ́ nú mì.”

Bǐbɛ́mɛ 41:16

Jozɛ́fu ka yí gbe n'i ɖɔ: “Nyɛ wɛ ǎ; gbeɖé kpɔ́n! Mawu wɛ ná ná tínmɛ tɔn nǔgbó ɔ́ we.”

Ɖɛhan 78:16

É ɖe gbe bɔ sin tɔ́n sín awǐnnya mɛ, bó nɔ́ sa tɔsisa ɖɔhun.

Tíntɔ́n 17:6

Nyɛ ka ná nɔ te ɖo nukɔn towe ɖo Holɛ́bu só ɔ́ jí; a nǎ zin kpo ɔ́ dó só ɔ́ wú; énɛ́ ɔ́, sin ná tɔ́n, bɔ togun ɔ́ ná nu.” Mɔyízi bló nǔ e Mawu Mavɔmavɔ ɖɔ ɔ́, ɖo tomɛxó Izlayɛ́li tɔn lɛ́ɛ nukún mɛ.

Kɛ́nsísɔ́ 20:24

“Aalɔ́ɔn ná kú ɖo malín málín mɛ, é sɔ́ ná byɔ́ to e un ná Izlayɛ́li ví lɛ́ɛ ɔ́ mɛ ǎ, ɖó mi se tónú nú mì ɖo Mɛliba sin ɔ́ kɔn ǎ.

Matíe 5:22

Lo ɔ́, nyɛ ka ɖo ɖiɖɔ nú mi wɛ ɖɔ: mɛ ɖěbǔ sin xomɛ dó nɔzo tɔn ɔ́, é jɛ xá ɖɔ è nǐ ɖɔ hwɛ xá mɛ énɛ́; mɛ e ka na zun nɔzo tɔn ɖɔ: ‘Nǔvɔ́nɔ’ ɔ́, é jɛ xá ɖɔ toxóɖɔgbɛ́ ɔ́ ní dɔn tó n'i. Mɛ e ka na zun nɔzo tɔn ɖɔ: ‘Nǔwanǔmɔnɔ’ ɔ́, zojimací wɛ jɛ xá ɛ.

1 Kɔlɛ́ntinu 3:7

Hǔn, mɛ e tun atín ɔ́, kpódó mɛ e hú sin ná ɔ́ kpán ɔ́, yě nyí nǔtí ǎ. Mawu wɛ nyí nǔ bǐ; ɖó é wɛ bló bɔ atín ɔ́ su.

Efɛ́zinu 4:26

Ényí mi sin xomɛ hǔn, mi cɔ́ miɖée bó ma jɛ hwɛ mɛ ó; hwe ma yi xɔ dó xomɛsin mitɔn ó.

Sɛ́nflínmɛ 9:24

Sín gbe e gbe un tunwun mi ɔ́, mi gɔn gǔ fɔ́n dó Mawu Mavɔmavɔ jí gbeɖé kpɔ́n ǎ.

Jaki 3:2

Mǐ mɛ bǐ wɛ nɔ wa nǔ nyi do gbɔn alɔkpa gěgé mɛ. Ényí mɛɖé ma wa nǔ nyi do gbeɖé ɖo xó ɖiɖɔ tɔn lɛ́ɛ mɛ ǎ ɔ́, mɛ ma ɖó blɔ̌ ɖo wǔ wɛ nyí mɛ énɛ́; mɛ énɛ́ hɛn ɔ́, é ná lɛ́ ɖu ɖo agbaza éɖée tɔn bǐ jǐ.