Kɛ́nsísɔ́ 20:1 - MAWUXÓWÉMA

¹ Izlayɛ́li togun ɔ́ bǐ wǎ gbětótló Síni tɔn ɔ́ mɛ ɖo sun nukɔn tɔn ɔ́ mɛ, bó ɖó gɔnu ɖó Kadɛ́ci. Kadɛ́ci fínɛ́ wɛ Miliamu kú ɖe, bɔ è ɖi i ɖó fínɛ́.

Kɛ́nsísɔ́ 20:1 Iomraidhean Croise

Bǐbɛ́mɛ 14:7

Énɛ́ ɔ́ gúdo ɔ́, yě lɛ́ kɔ wá Eyinu-Micipáti e nyí Kadɛ́ci é, lobo ɖu ɖo Amalɛ́ki ví lɛ́ɛ bǐ jí, bó lɛ́ ɖu ɖo Amɔliti ɖo Hasasɔ́ni-Tamáa lɛ́ɛ jí.

Ɖɛhan 29:8

Mawu Mavɔmavɔ dó gbe bɔ gbětótló húnhún, Mawu Mavɔmavɔ húnhún gbětótló Kadɛ́ci tɔn.

Tíntɔ́n 15:20

Miliamu, gbeyíɖɔ Mawu tɔn, Aalɔ́ɔn nɔví ɔ́ zé hǔn, bɔ nyɔ̌nu e ɖo Izlayɛ́li lɛ́ɛ bǐ xwedó e, bó ɖo hun xo wɛ, bó ɖo xwe ɖu wɛ.

Tíntɔ́n 2:4

Vǐ ɔ́ sín dadá ká cí zɔ bó ná kpɔ́n nǔ e ná jɛ dó jǐ tɔn é.

Tíntɔ́n 2:7

Énɛ́ ɔ́, vǐ ɔ́ sín dadá sɛkpɔ́ ɛ, bó ɖɔ n'i ɖɔ: “Má yi ba vǐnɔ ɖokpó wá nú we ɖo Eblée lɛ́ɛ mɛ, bónú é ná nɔ́ ná anɔ̌ vǐ ɔ́ nú we a?”

Ezekiyɛ́li 47:19

Ɖo tofɔligbé ɔ́, dogbó ɔ́ ná gosín Tamáa wá Mɛliba tɔ ɔ́ kɔn ɖo Kadɛ́ci, bó ná gbɔn Ejípu tɔ ɔ́ kɔn káká yi Mɛditɛlanɛ́ɛ xu ɔ́ kɔn. Dogbó afɔligbé tɔn ɔ́ nɛ́.

Micée 6:4

Un ɖe mi tɔ́n sín Ejípu, bó hwlɛ́n mi sín kannumɔgbénu. Un sɛ́ Mɔyízi, Aalɔ́ɔn kpó Miliamu kpó dó mi, bónú yě ná nɔ nukɔn mitɔn bo xlɛ́ ali mi. Abǐ énɛ́ lɛ́ɛ sín hwɛ dó mì wɛ mi ɖe a?

Kɛ́nsísɔ́ 12:1

Mɔyízi ɔ́, Etiopíinu wɛ é da bɔ Miliamu kpó Aalɔ́ɔn kpó jɛ xó ɖɔ dó Mɔyízi wú jí, ɖó Etiopíinu e é da ɔ́ wútu.

Kɛ́nsísɔ́ 12:10

Akpɔ́kpɔ́ ɔ́ hɔ́n sín Goxɔ ɔ́ ta nu, bɔ è nǎ mɔ nǔɖé kpowun ɔ́, wǔtuzɔn baɖabaɖa ɖé jɛ́n kɔn nyi Miliamu wú, bó wé kɛ́njí ɖɔhun. Aalɔ́ɔn lílɛ́, bó kpɔ́n Miliamu, bó mɔ ɖɔ wǔtuzɔn baɖabaɖa ɖé ko kɔn nyi wǔ tɔn.

Kɛ́nsísɔ́ 12:15

Énɛ́ ɔ́, è ɖe Miliamu tɔ́n sín fí e Izlayɛ́li ví lɛ́ɛ ɖó gɔnu ɖó ɔ́ xɔ azǎn tɛ́nwe. Ée è ɖe tɔ́n mɔ̌ ɔ́, togun ɔ́ sɛ tɛn cóbónú Miliamu lɛ́ kɔ wá fí e yě ɖó gɔnu ɖó ɔ́ ǎ.

Kɛ́nsísɔ́ 13:21

Énɛ́ ɔ́, mɛ lɛ́ɛ yi bó ba do nú to ɔ́; yě bɛ́ sín gbětótló Síni tɔn mɛ, káká yi Hlexɔ́vu ɖo Lɛbo-Hamáti toxo ɔ́ nukɔn.

Kɛ́nsísɔ́ 13:26

Ée yě wá ɔ́, yě yi Mɔyízi kpó Aalɔ́ɔn kpó, kpódó togun Izlayɛ́li tɔn ɔ́ bǐ kpó gɔ́n, ɖo Kadɛ́ci, ɖo gbětótló Paláni tɔn mɛ. Yě ɖǒ nǔ e yě mɔ ɖo dɔ̌n ɔ́ sín gbe nú yě bǐ, bó xlɛ́ atínsínsɛ́n to ɔ́ mɛ tɔn yě.

Kɛ́nsísɔ́ 20:16

Mǐ ká sú xó ylɔ́ Mawu Mavɔmavɔ ɖɔ é ní wá dó alɔ mǐ, bɔ é sɔ nú mǐ, bó sɛ́ wɛnsagun ɖokpó dó, bó ɖe mǐ tɔ́n sín Ejípu. Toxo Kadɛ́ci e ɖo to towe sín dogbó jí ɔ́ mɛ wɛ mǐ ɖe din.

Kɛ́nsísɔ́ 20:22

Izlayɛ́li ví lɛ́ɛ bǐ gosín Kadɛ́ci toxo ɔ́ mɛ, bó yi Hɔ́ɔ só ɔ́ kɔn,

Kɛ́nsísɔ́ 20:28

Bɔ Mɔyízi ɖe awu lɛ́ɛ sín kɔ nú Aalɔ́ɔn bo dó nú vǐ tɔn Eleazáa. Aalɔ́ɔn kú ɖo só ɔ́ jí fínɛ́, bɔ Mɔyízi kpó Eleazáa kpó jɛ te sín só ɔ́ jí.

Kɛ́nsísɔ́ 26:59

Amulámu sín asi ɔ́ nyí Yokɛvɛ́di; Levíi ví wɛ, bɔ è ji i ɖo Ejípu. Vǐ atɔn wɛ Yokɛvɛ́di ji nú Amulámu; yě wɛ nyí Aalɔ́ɔn, Mɔyízi kpó Miliamu kpó. Miliamu ɔ́, nyɔ̌nu wɛ.

Kɛ́nsísɔ́ 27:14

Đó hwenu e togun Izlayɛ́li tɔn ɔ́ ɖo xó ba mì wɛ ɖo gbětótló Síni tɔn mɛ ɔ́, mi gbɛ́ nǔ e un ɖɔ mi ní wa ɔ́ bló. Hwenu e yě ɖo sin byɔ́ wɛ ɔ́, mi ɖe mǐmɛ́ e un nyí ɔ́ xlɛ́ ɖo nukún yětɔn mɛ ǎ.” Mɛliba sín sin e ɖo Kadɛ́ci, ɖo gbětótló Síni tɔn mɛ ɔ́ sín xó ɖɔ wɛ é ɖe.

Kɛ́nsísɔ́ 33:36

Yě gosín Esiɔ́ni-Gevɛ́ɛ, bó ɖó gɔnu ɖó gbětótló Síni tɔn mɛ: Kadɛ́ci xó ɖɔ wɛ è ɖe.

Sɛ́nflínmɛ 1:46

Énɛ́ ɔ́, mi cí Kadɛ́ci-Baanɛ́ya fínɛ́ káká bɔ é cikɔ.

Sɛ́nflínmɛ 2:14

Cóbónú mǐ nǎ gosín Kadɛ́ci-Baanɛ́ya bó gbɔn Zelɛ́di tɔ ɔ́ mɛ dín ɔ́, xwe gbantɔ́n-nukún-atɔn (38) wɛ mǐ bló. Hwenɛ́nu ɔ́, mɛ e ɖó xwe e ná fun ahwan lɛ́ɛ bǐ kó kú, lě e Mawu Mavɔmavɔ ko ɖɔ gbɔn nú yě ɖ'ayǐ é.

Sɛ́nflínmɛ 32:51

Nǔ cí mɔ̌, ɖó Aalɔ́ɔn kpó hwi kpó hu hwɛ ɖaxó ɖé dó mì ɖo Izlayɛ́li ví lɛ́ɛ nukún mɛ, ɖo Mɛliba sín sin ɔ́ kɔn, ɖo Kadɛ́ci, ɖo Síni gbětótló mɛ. Mi ɖe lě e un nyí mɛ mímɛ́ gbɔn é xlɛ́ ɖo Izlayɛ́li ví lɛ́ɛ tɛ́ntin ǎ.

Hwɛɖɔtɔ́ 11:16

Đó hwenu e yě gosín Ejípu ɔ́, yě gbɔn gbětótló mɛ káká yi Xu Vɔvɔ ɔ́ kɔn, bó yi Kadɛ́ci.