Kɛ́nsísɔ́ 2:17 - MAWUXÓWÉMA

¹⁷ “Énɛ́ ɔ́ gúdo ɔ́, Levíi ví lɛ́ɛ ná ɖíɖá Goxɔ ɔ́ ɖidó; yě xweyǐgbe ɔ́, yě ná nɔ ahwangbɛ́ we nukɔntɔn lɛ́ɛ kpódó we gǔdo tɔn lɛ́ɛ kpó tɛ́ntin. Yě lɔ ná nɔ tito jí yi fí e yě ná nɔ ɔ́; súnnu ɖokpó ɖokpó ná nɔ tɛn tɔn mɛ, ɖo fí e xwédo tɔn sín ahwansyá ɖe é.

Kɛ́nsísɔ́ 2:17 Iomraidhean Croise

Kɛ́nsísɔ́ 10:17

Levíi ví lɛ́ɛ tún Goxɔ ɔ́, bɔ Gɛɛcɔ́ni kpódó Mɛlali kpó sín kúnkan lɛ́ɛ ɖíɖá, bó jɛ ali.

Kɛ́nsísɔ́ 10:21

Levíi ví e jɔ ɖo Kexáti kún mɛ lɛ́ɛ bɛ́ nǔ mímɛ́ bǐ lɛ́ɛ, bó jɛ ali ɖidó bɔdó yě wú. Levíi ví ɖě lɛ́ɛ ɖó ná kó kɛ́ Goxɔ ɔ́ ɖ'ayǐ, cóbɔ yě ná wá.

Kɛ́nsísɔ́ 2:1

Mawu Mavɔmavɔ lɛ́ ɖɔ nú Mɔyízi kpó Aalɔ́ɔn kpó ɖɔ:

Kɛ́nsísɔ́ 2:18

“Akɔta Eflayímu tɔn sín ahwangɔnu ɔ́, kpódó ahwansyá tɔn kpó ná nɔ gbadahwe jí. Elicama e nyí Amumihudi sín vǐ, bó nyí akɔta Eflayímu tɔn sín gǎn ɔ́ ná nɔ yě nu ɖo fínɛ́.

Kɛ́nsísɔ́ 3:38

Mɔyízi kpódó Aalɔ́ɔn kpó, kpódó Aalɔ́ɔn sín vǐ lɛ́ɛ kpó ɔ́, yědɛɛ lɛ́ɛ ɖó gɔnu ɖó Mawu xwé ɔ́ nukɔn, ɖo zǎnzǎnhwe jí. Azɔ̌ yětɔn wɛ nyí ɖɔ yě ná nɔ́ sɛkpɔ́ Mawu Mavɔmavɔ ɖó Izlayɛ́li ví lɛ́ɛ tɛnmɛ, bɔ nú mɛ ɖěvo sɛkpɔ́ ɔ́, è ɖǒ ná hu i.

1 Kɔlɛ́ntinu 14:40

È nǐ bló nǔ lɛ́ɛ bǐ lě e é jɛ xá gbɔn é; è nǐ bló kpó tito kpó.

Kolósinu 2:5

Ényí un tlɛ lín dó mi ɖo agbaza mɛ ɔ́, un ɖo kpɔ́ xá mi ɖo ayi mɛ, bɔ lě e un mɔ bɔ mi nɔ wa nǔ dó tito jí ganjí gbɔn, bó lí dǒ ɖo nǔɖiɖi e mi ɖó nú Klísu ɔ́ mɛ gbɔn ɔ́, víví nú mì.