Kɛ́nsísɔ́ 19:9 - MAWUXÓWÉMA

⁹ Súnnu e nyí mɛ mímɛ́ ɔ́ ɖokpó ná bɛ́ nyibú asi ɔ́ sín afín, bó ná ɖe sín fí e Izlayɛ́li ví lɛ́ɛ ɖó gɔnu ɖó ɔ́, bó ná kɔn nyi tɛn mímɛ́ ɖé mɛ; è nǎ zé afín énɛ́ ɔ́ ɖ'ayǐ nú Izlayɛ́li ví lɛ́ɛ, bɔ yě ná dó bló wǔsláslá sin ná. Yɛsu énɛ́ ɔ́ cí hwɛsɔ́kɛmɛ sín yɛsu ɖɔhun, bɔ è nɔ fɔ.

Kɛ́nsísɔ́ 19:9 Iomraidhean Croise

Levíi ví 15:20

Hwenu e nyɔ̌nu énɛ́ ɔ́ ná ɖo mɔ̌, bó ná mlɔ́ zan ɖěbǔ jí, abǐ é ná jínjɔ́n nǔ ɖěbǔ jí ɔ́, nǔ énɛ́ lɛ́ɛ húzú nǔblíblí.

Zakalíi 13:1

Mawu Mavɔmavɔ Nǔbǐwúkpétɔ́ ɔ́ lɛ́ ɖɔ: “Hwenɛ́nu ɔ́, sin ná sa sín tɔjɔtɛn ɖé mɛ, bó ná lɛ hwɛ e Davídi ví lɛ́ɛ kpó Jeluzalɛ́munu lɛ́ɛ kpó hu ɔ́ sín kɔ nú yě, bó ná lɛ nǔ blíblí e yě wa lɛ́ɛ sín kɔ nú yě.”

Kɛ́nsísɔ́ 19:13

Mɛ e ná ɖó alɔ cyɔ wú, bó má ná mì sin énɛ́ ɔ́ dó wǔ dó slá wǔ ǎ ɔ́, mɛ ɔ́ ná ɖu su nú nɔtɛn Mawu Mavɔmavɔ tɔn; è nǎ ɖe mɛ ɔ́ sín togun Izlayɛ́li tɔn ɔ́ mɛ. È ma ko mì wǔsláslá sin ɔ́ dó wǔtu tɔn ǎ ɔ́, mɛ ɔ́ kpo ɖo mɛ blíblí nyí wɛ, bɔ nǔblíblí e é wa ɔ́ kpo ɖo te.

Kɛ́nsísɔ́ 19:17

Nú è nǎ slá wǔ nú mɛ blíblí ɔ́, è nǎ wún nyibú asi e è dǒ sá hwɛsɔ́kɛmɛvɔ́ ná ɔ́ sín afín bó kɔn dó zɛ̌n abǐ gannú mɛ, bó wún tɔsisa sin d'é jí.

Kɛ́nsísɔ́ 19:18

Súnnu e nyí mɛ mímɛ́ ɔ́ ɖokpó ná zé izɔ́puma bó sɔ́ dó sin ɔ́ mɛ, bó ná mi dó Goxɔ e mɛ mɛ kú ɖe ɔ́ wú, bó ná mi dó nǔ e ɖo Goxɔ ɔ́ mɛ lɛ́ɛ bǐ wú, bó ná mi dó mɛ e ɖo Goxɔ ɔ́ mɛ lɛ́ɛ bǐ wú, abǐ é ná mi dó mɛ e ɖó alɔ gbɛtɔ́ xú wú é wú, abǐ mɛ e ɖó alɔ cyɔ wú é wú, abǐ mɛ e ɖ'alɔ yɔdo wú é wú.

Kɛ́nsísɔ́ 19:3

Mi ná zé nyibú ɔ́ nú vɔ̌sánú-xwlémawutɔ́ Eleazáa, bɔ é ná dɔn ɛ tɔ́n sín fí e mi ɖó gɔnu ɖó é, bɔ è nǎ gbo gbe e ɖo nukún tɔn mɛ.

Kɛ́nsísɔ́ 19:8

Mɛ e ná fyɔ́ nyibú asi ɔ́ ná nya avɔ tɔn lɛ́ɛ, bó ná lɛ wǔ, bó ná nyí mɛ blíblí káká jɛ gbadanu.

Kɛ́nsísɔ́ 6:12

Énɛ́ ɔ́ gúdo ɔ́, nya ɔ́ ná lɛ́ ná lɛ̌ngbɔ́ví asú e ɖó xwe ɖokpó ɔ́ ɖokpó, bɔ vɔ̌sánú-xwlémawutɔ́ ɔ́ ná dó sá hwɛxɔ́súsúvɔ́ ɔ́ ná, bɔ nya ɔ́ ná dó vɔ́ akpá e é dó, bó sɔ́ éɖée ɖó vo nú Mawu Mavɔmavɔ ɔ́ bɛ́ sín do. Azǎn e é kó bló wá yi lɛ́ɛ sɔ́ ɖ'é mɛ ǎ, ɖó é ɖó akpá e é dó ɔ́ te.

Kɛ́nsísɔ́ 8:7

Lě e a nǎ slá wǔ nú yě gbɔn ɔ́ ɖíe: a nǎ mi sin e è nɔ dó slá wǔ nú mɛ ɔ́ dó yě wú, bɔ yě ná xwlɛ́ fún e ɖo yě wú ɔ́ bǐ; yě ná nya avɔ yětɔn lɛ́ɛ, énɛ́ ɔ́, yě ná húzú mɛ mímɛ́.

Kɛ́nsísɔ́ 9:13

Nú mɛ ɔ́ má nyí mɛ blíblí ǎ, bó má ká yi tomɛ ǎ, bó gbɛ́ Dǐndínwáyixwe ɔ́ ɖu ɔ́, è ɖǒ ná ɖe mɛ énɛ́ ɔ́ sín togun ɔ́ mɛ, ɖó é ná nǔníná nyɛ Mawu Mavɔmavɔ dó hwe tɔn nu ǎ. Mɛ énɛ́ ɔ́ sín hwɛgban ná nɔ kɔ n'i.

2 Kɔlɛ́ntinu 5:21

Klísu hu hwɛ ɖě kpɔ́n gbeɖé ǎ; amɔ̌ Mawu ɖíɖá ɛ hwɛ mǐtɔn lɛ́ɛ, bónú ɖo bǔ e mǐ ɖe xá Klísu ɔ́ mɛ ɔ́, mǐ ná sixú ɖu azɔ̌ e gbla mɛ Mawu sɔ́ mǐ dó húzú hwɛjijɔnɔ ná ɖo nukɔn tɔn ɔ́ sín le.

2 Kɔlɛ́ntinu 7:1

Mɛvívɛ́ná ce lɛ́ɛ mi, akpá énɛ́ lɛ́ɛ e Mawu dó ɔ́, mǐ wɛ é dó yě ná. Énɛ́ ɔ́ wú ɔ́, mǐ ní slá wǔ nú agbaza kpó lǐndɔ̌n kpó, bó dó gǎn, bó ɖi xɛsi nú Mawu ɖo gbɛzán mǐtɔn mɛ, lobo ná nyí mɛ mímɛ́ yi fó.

Eblée 7:26

Hǔn, Jezu wɛ nyí vɔ̌sánú-xwlémawutɔ́ ɖaxó e jɛ xá mǐ é, ɖó é nyí mɛ mímɛ́; é wa nǔ nyanya ɖěbǔ ǎ; hwɛ ɖěbǔ ɖo kɔ n'i ǎ. È sɔ́ ɛ ɖó vo nú hwɛhutɔ́ lɛ́ɛ, bó sɔ́ ɛ dó jǐ aga ɖo sɛ́xwé.

Eblée 9:13

Mɛ e ɖu su lɛ́ɛ ɔ́, gbǎgbá sín hun kpó nyibúsú sín hun kpó wɛ è nɔ dó slá wǔ nú agbaza yětɔn; nyibú asi wínnyáwínnyá wɛ è nɔ dó zo, bó nɔ́ fúnfún afín tɔn yě jǐ, bó nɔ́ dó slá wǔ nú agbaza yětɔn.